Marko 8:15 - Библия - Пэ Балтитко Романи чиб (Романэс) 2019

¹⁵ Пир дром Ису́со лэ́нгэ припхэндя́: “Дыкхэ́н, ракхэ́нпэ Фарисее́нгирэ рошчынатыр (закваскатыр) и крали́скирэ Иродоскирэ рошчынатыр.”

Biblija - Pe Baltitko Romani čib (Romanes) 2019

¹⁵ Pir drom Isúso lénge priphendiá: “Dykhén, rakhénpe Farisiejengire roščynatyr (zakvaskatyr) i kralískire Irodoskire roščynatyr.”

Marko 8:15 Referans Kwoze

Матфеё 16:6

И Ису́со пхэндя́ лэ́нгэ: “Дыкхэ́н жа, ракхэ́нпэ Фарисее́нгирэ и Садукеенгирэ сыклякирибнастыр, саво́ исын сы́рбы рошчына (закваска).”

Marko 12:13

И ёнэ бичхадэ́ кэ Ису́со вари-савэ́ Фарисеендыр и Иродианэндыр, соб (кай) тэ ухтылэ́н Лэс дро лав.

Левито 2:11

Ни саво́ маруно́ яныбэ́н, саво́ янэ́на Ра́скэ-Дэвлэ́скэ, на кэрэ́н квашэно пэ дрожджы, пал-дова́ со ни квашэно, ни авги́н нашты́ тумэ́ тэ хачкирэ́н дро свэ́нто дыибэ́н Ра́скэ-Дэвлэ́скэ;

Pritčy 19:27

Пирияч, миро чхаво́, тэ шунэ́с сыклякирибэ́н, саво́ дурьякирэла тут годыпнаскирэ лавэ́ндыр.

1 Ximaske 6:13

Мэ упхэнава ту́кэ анги́л Дэвлэ́стэ, Саво́ дэ́ла сарэскэ джиибэ́н, и анги́л Исусо́стэ Христосо́стэ, Саво́ лачхэ́с приґалыя Лэ́скиро патяибэ́н анги́л Понтиёстэ Пилатостэ,

Матфеё 14:1

Дро долэ́ дывэса́ шундя́ дая́ зан (звесь) пал Исусо́стэ Иродо, саво́ сыс хула́й пэ шта́рто паш Юдэ́нгирэ Кралипнастыр,

2 Ximaske 2:14

Пхэн сарэ́нгэ тэ рипирэ́н пал дава́; совлаха́ анги́л Дэвлэ́стэ, соб (кай) тэ на лыджа́н сы́рбы марибэ́н пал лава́, со на со екх на яндэла нисаво́ лачхипэ́н, а чхувэ́ла тэлэ́ одолэ́н, кон шунэ́ла.

1 Ximaske 5:21

Мэ засовлахава тут анги́л Дэвлэ́стэ и Растэ – Дэвлэ́стэ, Исусо́стэ Христосо́стэ и Янголэндэ, савэ́н выкэдынэ́, тэ зракхэс далэ́ упхэныбэна́ и адя́кэ нисо́ тэ на парувэс ваш вари-конэ́скэ, соб (кай) ничы́ тэ на кэрэ́с пир пэ́скиро ило́.

Luka 12:15

И Ёв ишчо (инкэ́) пхэндя́ лэ́нгэ сарэ́нгэ: “Ракхэ́нпэ и на традэнпэ тумэ́ пал барвалыпэ́н, пал-дова́ со чачуно́ Манушэ́скиро джиибэ́н на дро дова́, со ци бут барвалыпэна исын лэ́стэ.”

1 Паралипоменоно 28:20

И пхэндя́ Дави́до пэ́скирэ чхавэ́скэ Соломоно́скэ: “Яв зоралэ́-волякиро (твардо) и муршкано́, и лэпэ пал рэ́ндо; на дар и на страхандёв, пал-дова́ со Рай Дэвэ́л, Дэвэ́л миро, явэ́ла ту́са; Ёв на отджала ту́тыр, и на ячкирэ́ла тут, пака ту кэрэ́са саро́ рэ́ндо, саво́ трэй ваш свэ́нто буты́ дро Ра́скирэ-Дэвлэ́скиро Кхэр.

Матфеё 14:3

Пал-дова́ со Иродо лыя́ Иоанос, пхандя лэс зандирьенца и чхудя́ лэс дро штарибэ́н пал Иродиадатэ, пэ́скирэ пшалэ́скирэ Филипоскирэ ромня́тэ,

Матфеё 14:6

Нэ ке́ли сыс Иродоскиро бияныпнытко дывэ́с, Иродиадакири чхай кхэлдя анги́л гостендэ и кхэлыбэн древа́н сыс пир ило́ Иродоскэ;

Marko 8:14

И сыкляибны́тка бистырдэ тэ лэн пэ́са маро́, лэ́ндэ дрэ ба́рка сыс екх мариклы.

Marko 8:16

И лынэ́ ёнэ тэ роздуминэн машки́р пэ́стэ: “Палсо́ да Ёв ракирэ́ла пал дрожджы? Нау́што палдова́, со амэ на лыям пэсо маро́?”