Marko 6:12 - Библия - Пэ Балтитко Романи чиб (Романэс) 2019

¹² И ёнэ гинэ́ и ячнэ́ тэ пхэнэ́н лав манушэ́нгэ пал рисибэн грэхэ́ндыр кэ Дэвэ́л.

Biblija - Pe Baltitko Romani čib (Romanes) 2019

¹² I jone giné i jačné te phenén lav manušénge pal risiben grehéndyr ke Devél.

Marko 6:12 Referans Kwoze

Матфеё 4:17

Далэ́ часостыр Ису́со лыя́ тэ ракирэ́л: “Рискирэ́н пэ́скиро джиибэ́н кэ Дэвэ́л, пал-дова́ со явдя́ пашылэды́р Кралипэ́н дро Болыбна́скиро Раё.”

Apostolengiri Butý 20:21

мэ и сыр ракирдём Юдэ́нгэ и Грекэ́нгэ (Баламэ́нгэ), со ёнэ сыс бангэ́ (мусиндлэ) тэ рискирэ́н пэ́скиро джиибэ́н кэ Дэвэ́л и тэ патя́н дрэ Растэ-Дэвлэ́стэ, амарэ́ Исусо́стэ Христосо́стэ.

Apostolengiri Butý 11:18

Ке́ли ёнэ шундлэ́ саро́ дава́, ячнэ́ штыл и лынэ́ тэ славинэ́н Дэвлэ́с, ракири́: “Бицяло́, со и Наюдэ́нгэ Дэвэ́л дыя́ во́ля тэ рискирэ́н пэ́скиро джиибэ́н кэ Дэвэ́л и тэ дживэ́н.”

Apostolengiri Butý 2:38

Пэ́три пхэндя́ лэ́нгэ: “Рискирэ́н пэ́скиро джиибэ́н кэ Дэвэ́л, мэк кажно ману́ш тумэ́ндыр тэ болэлпэ дро Исусо́скиро Христосо́скиро лав, соб (кай) тэ отмэкэнпэ тумарэ́ грэ́хи, и тумэ́нгэ явэ́ла отдыибэ́н Дэвлэ́стыр-Свэ́нто Ду́хо (Фа́но).

Luka 13:3

Над, Мэ пхэна́ва тумэ́нгэ, со, ко́ли тумэ́ на рискирэна пэ́скиро джиибэ́н кэ Дэвэ́л, тэды тумэ́ адя́кэ-паць хасёна.

Luka 11:32

Ниневиякирэ мануша́ ґаздэ́напэ тэ сэндинэнпэ далэ́ родоса и ёнэ допхэнэна пэ лэ́ндэ, пал-дова́ со ёнэ на рисинэ́ грэхэ́ндыр кэ Дэвэ́л, ке́ли Иона пхэндя́ лав; и ада́й исын Екх, Саво́ исын барэды́р Ионастыр.

Матфеё 3:8

Кэрэ́н вари-со, соб (кай) тэ допхэнэн, со тумэ́ мэкнэ́ тэ кэрэ́н грэ́хи и рисинэ́ кэ Дэвэ́л.

Матфеё 3:2

и раки́рла: “Приґалён пэ́скирэ грэ́хи (бизы), какана́ явдя́ пашылэды́р Кралипэ́н дро Болыбна́скиро Раё.”

Езэкилё 18:30

Палдава́ Мэ ява́ва тэ сэндякирав тумэн, Израилёскиро кхэр, кажнонэс (сваконэс) пир лэ́скирэ дрома́, – ракирэ́ла Рай Дэвэ́л, Дэвэ́л; ячкирэн пэ́скирэ грэ́хи, рисён кокорэ́ сарэ́ тумарэ́ чорэ́ рэндэ́ндыр, соб (кай) тэ на пэрэ́н тумэ́нгэ тумарэ́ чорипна́стыр.

Apostolengiri Butý 26:20

а англэды́р манушэ́нгэ, савэ́ дживдэ́ кэ Дама́ско и кэ Ерусалимо, коригэды́р пир сари́ Юдэякири пхув и Наюдэ́нгэ мэ пхэнавас лав, соб (кай) ёнэ тэ рискирэ́н пэ́скиро джиибэ́н кэ Дэвэ́л и, соб (кай) лэ́нгиро рискирибэн тэ явэ́л мол пир лэ́нгирэ лачхэ́ рэ́нды.

Apostolengiri Butý 3:19

Рискирэ́н пэ́скиро джиибэ́н и рисён кэ Дэвэ́л, соб (кай) тумарэ́ грэ́хи тэ явэ́н кхослэ тумэ́ндыр;

Luka 24:47

и, соб (кай) тэ пхэнэлпэ лав ваш Лэ́скирэ-Манушэ́скиро рисибэн грэхэ́ндыр кэ Дэвэ́л, соб (кай) Ёв тэ отмэкэ́л грэ́хи машки́р сарэ́ на́цыи, лыи тэ кэрэ́л дава́ Ерусалимо́стыр.

Luka 15:10

Мэ пхэна́ва тумэ́нгэ: адя́кэ-паць и радынэ́напэ Дэвлэ́скирэ Янго́лы пал екхэ грэхитконэ́ манушэ́стэ, саво́ рискирэ́ла пэ́скиро джиибэ́н грэхэ́ндыр кэ Дэвэ́л.”

Luka 15:7

Чачэс, Мэ пхэна́ва ту́кэ: адя́кэ-паць явэ́ла буты́р ра́дыма дро болыбэ́н пал екхэ грэхитконэ́ манушэ́стэ, саво́ рискирдя́ пэ́скиро джиибэ́н грэхэ́ндыр кэ Дэвэ́л, сыр пал енядэша еня́ чачипнытконэндэ, конэ́скэ на трэй тэ кэрэ́л дава́.

Luka 13:5

Над, Мэ пхэна́ва тумэ́нгэ, со, ко́ли тумэ́ на рискирэна пэ́скиро джиибэ́н грэхэ́ндыр кэ Дэвэ́л, тэды тумэ́ адя́кэ-паць хасёна.”

Marko 1:15

и ракирдя́: “Подги́я часо (цы́ро) и Дэвлэ́скиро Кралипэ́н явдя́ пашылэды́р; рискирэ́н пэ́скиро джиибэ́н кэ Дэвэ́л и патя́н дрэ Ева́нгелия.”

Матфеё 11:20

Тэ́ньци Ёв лыя́ тэ ладжакирэл фо́рья, дрэ савэ́ Ёв кэрдя́ буты́р явирэндыр Пэ́скирэ ди́вы, пал-дова́ со ёнэ на рискирдэ́ пэ́скиро джиибэ́н кэ Дэвэ́л:

Матфеё 9:13

нэ джа́н, сыклён, со дава́ значынэ́ла, со Библия раки́рла: “Ма́нгэ трэй лачхэ́-илы́ткима дрэ манушэ́ндэ, а на свэ́нта дыибэна́”, палдава́ Мэ явдём тэ кхарав кэ Пэ на чачунэ́ манушэ́н, а грэхэнгирэн”

Luka 9:6

Сыкляибны́тка гинэ́ пир сарэ́ гава́, ёнэ миштопхэнэнас бахталы́ зан (звесь), высастякирэнас усенде (везде).

Marko 1:3

Акэ, исын зан, сави́ дэ́ла го́дла пэ чхучи́ (пусто) пхув: ‘Кэрэ́н дром Ра́скэ-Дэвлэ́скэ, чхувэ́н Лэ́скэ маму́й (роўно) дром.’”

Матфеё 11:1

И сыс адя́кэ: ке́ли кончындя Ису́со тэ дэл упхэныбэна́ дэшудуенгэ Пэ́скирэ сыкляибнытконэ́нгэ, Ёв гия́ криг одотхы́р тэ сыклякирэ́л и тэ пхэнэ́л лав дрэ лэ́нгирэ (Галилеякирэ) фо́рья.