Marko 4:39 - Библия - Пэ Балтитко Романи чиб (Романэс) 2019

³⁹ Ису́со уштыя́, припхэндя́ балвалякэ тэ на пхурдэл и пхэндя́ валнэнгэ: “Штыл! Пириячэн!” И балва́л штылыя и яця́ дивно штылыпэн.

Biblija - Pe Baltitko Romani čib (Romanes) 2019

³⁹ Isúso uštyjá, priphendiá balvaliake te na phurdel i phendiá valnenge: “Štyl! Pirijačen!” I balvál štylyja i jaciá divno štylypen.

Marko 4:39 Referans Kwoze

Psalmy 107:29

Ёв штылякирэла штормо адя́кэ, со лэ́нгирэ валны (вэлны) ячэ́на штыл (тиха),

Psalmy 89:9

О, Раё Дэ́вла, Дэвэ́л болыбна́скирэ-янголэ́нгиро! Конэ́стэ исын дасаво зоралыпэ́н сыр Ту́тэ, Раё Дэ́вла? Ту сан патяибны́тко дро саро́.

Psalmy 65:7

Ту чхудя́н бэ́рги Пэ́скирэ зорья́са, Ту подпхандянпэ Пэ́скирэ зоралыпнаса;

Psalmy 29:10

Рай Дэвэ́л исын бэшто́ упра́л пэ тасадыпнаскиро панинг; чачо́, Рай Дэвэ́л исын бэшто́ сыр Кра́ли пэ сарэ́ ве́ки.

Ереме́ё 5:22

Со да тумэ́, на дарэ́на Ма́ндыр? – пхэндя́ Рай Дэвэ́л. “Со да тумэ́, на явэ́на тэ тринскирэнпэ анги́л Ма́ндэ? Ма́ндыр, Кон кэрдя́ прахостыр ме́жа морёскэ вечнонэ статутоса, соб (кай) мо́рё (дэрья́в) тэ на пириджал? И мэк лэ́скирэ валны чхурдэ́ла упрэ́, нэ ёнэ на лэ́на упралыпэ́н, ёнэ ривинэна, нэ ёнэ нашты́ (на могинэ́на) тэ пириджан пирда́л дая́ ме́жа.

Pritčy 8:29

ке́ли Ёв упхэндя морёскэ кусты́к, соб (кай) паня́ тэ на пиритхадэн лэ́скиро припхэныбэ́н; ке́ли Ёв чхудя́ пхувья́киро фунда́менто;

Psalmy 148:8

яг и ґрадо, ив и тхув, зоралы́ балва́л, савэ́ кэрэ́на пир лэ́скиро лав;

Ióvo 38:11

ке́ли мэ пхэндём: ‘Фэ́ни адя́кэ дур ту́кэ сашты́ тэ джас, нэ, на дурэды́р, и ада́й тырэ́ пхутькирдэ́ валны исын бангэ́ тэ тэрдён.’

Vygiiben 14:22

И гинэ́ Израилёскирэ чхавэ́ машки́р мо́рё (дэрья́в) пир шуки́ пхув: пани́ лэ́нгэ сыс вантаса пир чачо́ (право) и пир зэ́рво (ле́во) риг.

Marko 9:25

Ке́ли Ису́со дыкхця́, со мануша́ лынэ́ тэ прастан кэ дава́ штэ́то, ёв штылякирдя на́лачхо ду́хо (фа́но), пхэни́ лэ́скэ: “Ду́хо (Фа́но) кашуко и муто (немо), мэ припхэнава ту́кэ, тэ джас криг лэ́стыр, и, соб (кай) буты́р тэ на заджас!”

Vygiiben 14:16

а ту ґа́здэ тыро́ дэсто́ и чхув тыро́ васт пэ мо́рё (дэрья́в), и роскэр лэс, и проджа́на Израилёскирэ чхавэ́ машки́р мо́рё (дэрья́в) пир шуки́ пхув;

Luka 4:39

Ёв подги́я кэ ёй и припхэндя́ хачкирибнаскэ тэ мэкэл джувля́; и дукх мэкця́ ла; и джувлы́ ада́й жэ уштыя́ и дынариндя́ Исусо́скэ.

Naumo 1:4

Ёв штылякирэла мо́рё (дэрья́в) и шутькирэла лэс, и Ёв пиришутькирэла сарэ́ рэ́ки (лэня́): Васа́но и Кармило зашутёна и лулуди́ (цвэ́то) пэ Лива́но нашавэла масти́н (цвято).

Roiben 3:31

Пал-дова́ со Рай Дэвэ́л на ячкирэ́ла пэ ўса́ды (сак).

Матфеё 8:26

И Ёв ракирэ́ла лэ́нгэ: “Со́скэ тумэ́ сан дарандытка, тумэ́ сан мануша́ набарэ́ патяибна́са!” Тэ́ньци уштыи, Ёв припхэндя́ балвалякэ и морёскэ, и кэрдя́пэ баро́ штылыпэн.

Marko 4:38

Ису́со дро дова́ часо сыс суто́ пэ корма, чхуви шэрандуны тэл шэро́. Сыкляибны́тка джангавэнас Лэс, и пхэндлэ́ Лэ́скэ: “Сыклякирибна́скиро! Ту́кэ со, усае́кх исын, со амэ хасёваса?”

Luka 4:35

Ису́со зоралэ́с припхэндя́ Лэ́скэ лавэ́нца: “Яв штыл и выджа лэ́стыр.” И на́лачхо ду́хо (фа́но) радя манушэ́с машкира́л дрэ синагога, выгия́ лэ́стыр, и ни саво́ чорипэ́н на кэрдя́ Лэ́скэ.

Luka 8:24

и сыкляибны́тка подгинэ́ кэ Ису́со, джангадэ Лэс и пхэндлэ́: “Сыклякирибна́скиро! Сыклякирибна́скиро! Амэ хасёваса” Нэ Ёв уштыя́, припхэндя́ балвалякэ тэ на пхурдэл и панескэ тэ на кунинэлпэ; ёнэ пириячнэ и яця́ штылыпэн.