Marko 4:32 - Библия - Пэ Балтитко Романи чиб (Романэс) 2019

³² Нэ ке́ли ёй выбырьёла, тэ́ньчи явэ́ла барэды́р явирэндыр барьякирдонэ раслинэндыр. Тэл ла́кирэ барэ́ рандя́ чирикля́ могинэ́на тэ кхувэн гня́зды (ку́фы) дрэ ранденгири зэр (тенё).”

Biblija - Pe Baltitko Romani čib (Romanes) 2019

³² Ne kiéli joj vybyrjola, tén'či javéla baredýr javirendyr barjakirdone raslinendyr. Tel lákire baré randiá čirikliá moginéna te khuven gniázdy (kúfy) dre randiengiri zer (tienjo).”

Marko 4:32 Referans Kwoze

Psalmy 91:1

Кодова́, Саво́ дживэ́ла дро Най Вучэдырэскиро штэ́то, явэ́ла тэ дживэ́л тэл Сарэзорьякири зэр (тенё).

Roiben 4:20

Амарэ́ крали́с, саво́ исын сы́рбы маро́ дрэ амаро́ джиибэ́н, конэ́с Рай Дэвэ́л помакхця сыр крали́с, ухтылдэ́ дрэ лэ́нгирэ ганбиня. Пал лэ́стэ амэ пхэндям: “Амэ ява́са тэ джива́с машки́р Наюдэ́ндэ тэл лэ́скири зэр (тенё).”

Isajos 32:2

Кажно лэ́ндыр явэ́ла сыр зракхибэ́н балвалятыр, сыр зракхибэ́н брышындэстыр, сыр пани́ пэ шуки́ (чхучи́) пхув, сыр бэ́рга, сави́ закэрэла кхамэстыр чхучи́ пхув.

Isajos 11:9

На явэ́на тэ кэрэ́н холы́ ци дош пэ Мири́ свэ́нто бэ́рга, пал-дова́ со пхув пхэрдёла Дэвлэ́скирэ джиныбнаса, сыр мо́рё (дэрья́в) пхэрдёл пане́са.

Гиленгири (Соломоно́скири) Гилы́ 2:3

Сыр пхабэлын, сави́ исын машки́р вэшытка кашта́ (дрэвы), адя́кэ-паць исын миро пирамно́ машки́р тэрнэндэ. Ма́нгэ исын пир ило́ тэ бэшав дрэ ла́кири зэр (тень), и ла́кирэ барьякирдэ́ (пло́ды) исын гудлэ́ ваш миро муй.

Pritčy 4:18

Нэ чачунэ́-манушэ́нгиро дром исын сы́рбы дуд (свэ́то), со зяинэла, саво́ свэнцынэла и зяинэла яркэдыр анги́л парно́ дывэ́с.

Psalmy 104:12

Болыбна́скирэ чирикля́ дживэ́на одо́й пашы́л лэ́ндэ, ёнэ явэ́на тэ дэн го́дла пэ́скирэ рандендыр (вэткэндыр).

Езэкилё 17:23

Пэ вучи́ Израилёскири бэ́рга Мэ чхува́ва ла дрэ пхув, и Ёй мэкэ́ла вэ́тки, и янэ́ла барьякирдо́ (пло́до), и кэрлапэ барэ́ кедроскирэ каштэса; явэ́на тэ дживэ́н тэл лэ́стэ чирикля́; чирикля́ порэнца явэ́на тэ дживэ́н тэл лэ́скирэ вэ́тки.

Матфеё 13:32

ёй исын тыкнэды́р сарэ́ зяркэндыр, нэ ке́ли выбарьёла, ячэ́лапэ барэды́р сарэ́ явирэ хрустэндыр и ячэ́лапэ сыр кашт, адя́кэ со чирикля́ болыбны́тка кхувэна гня́зды (ку́фы) дрэ лэ́скирэ рандя́.”

Marko 4:31

Ёв исын сыр гарчычно зя́рка, сави́ исын най тыкнэды́р сарэ́ зяркэндыр пэ пхув, и ману́ш чхувэ́ла ла дрэ пхув,

Marko 4:33

Адя́кэ примерэнца (сыкаибнэнца) Ису́со сыклякирдя́ манушэ́н пэ ада́кицы, пэ кици ёнэ могиндлэ́ тэ ґалён;