Marko 4:19 - Библия - Пэ Балтитко Романи чиб (Романэс) 2019

¹⁹ нэ кажно дывэсы́тко кошыбэ́н, хохаибэ́н пал барвалыпэ́н, яви́р мысли пэ ило́ явэ́на и мурдякирэна дрэ лэ́ндэ лав и кэрэ́на лэс бибарьякирдонэскирэса.

Biblija - Pe Baltitko Romani čib (Romanes) 2019

¹⁹ ne kažno dyvesýtko košybén, xohaibén pal barvalypén, javír mysli pe iló javéna i murdiakirena dre lénde lav i keréna les bibarjakirdoneskiresa.

Marko 4:19 Referans Kwoze

1 Ximaske 6:17

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт,

Filipiicenge 4:6

На пхагирэн шэро́ пэ́скэ ни пал со, нэ кажно мо́ло, ке́ли тумэ́ мангэ́напэ Дэвлэ́скэ, мангэ́нпэ парикирибнаса тэ отчхакирэн пэ́скирэ патерья (молитвы) анги́л Дэвлэ́стэ;

Матфеё 19:23

И пхэндя́ Ису́со Пэ́скирэ сыкляибнытконэ́нгэ: “Чачэс, Мэ ракира́ва тумэ́нгэ: пхаро́ явэ́ла барвалэскэ тэ заджа́л дро Кралипэ́н дро Болыбна́скиро Раё;

Joannostir 15:2

Кажно рандь (вэтка), сави́ исын дрэ Ма́ндэ, и сави́ на дэ́ла барьякирдо́ (пло́до), Ёв обчингирэла; и кажно рандь, сави́ дэ́ла барьякирдо́, Ёв жужакирэла (чыстинэла), соб (кай) ёй бутэды́р тэ дэл барьякирдо́.

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

Luka 10:41

Ису́со отпхэндя́ ла́кэ: “Марфе! Марфе! Ту думинэса и кэрэ́са пхаро́ пэ ило́ пэ́скэ пал бут бутя́,

Isajos 5:4

Со ишчо (инкэ́) трэиндя́ тэ кэра́в ваш лэ́скэ, со Мэ лэ́скэ на кэрдём? Со́скэ ёв яндя́ налачхэ́ му́ри, ко́ли ужакиравас лэ́стыр лачхо́ барьякирдо́?

Isajos 5:2

Ёв обкэрдя (облыджия) лэс тыноса, жужакирдя лэс барэндыр, чхудя́ дрэ лэ́стэ лачхэ́ винаградоскирэ кашта́, кэрдя́ кхэр дрэ лэ́стэ, выґанадя одо́й штэ́то, соб (кай) тэ тасавэн винаградо, и ужакирэлас, со янэ́ла ёв лачхо́ барьякирдо́ (пло́до), а ёв яндя́ барьякирдо́ на́лачхо.

2 Petr 1:8

и ко́ли саро́ дава́ исын дрэ тумэ́ндэ и барьёла бутэды́р, тэды тумэ́ на ячэ́нпэ чхучэ́ вастэ́нца и би рэндоскиро, ко́ли тумэ́ явэ́на тэ причхувэ́н зор тэ уджинэ́н амарэ́ Рас – Дэвлэ́с, Исусо́с Христосо́с;

2 Ximaske 4:10

пал-дова́ со Димасо мэкця́ ман, лэ́скэ яця́ дро́го кадалэ́ – векоскиро джиибэ́н, и ёв гия́ дрэ Фесалоника, Крискенто гия́ дрэ Галатия, а Тито дрэ Далматия.

Ekliesiastos 4:8

Исын екхджино́ ману́ш и лэ́стэ ние́кх нанэ тэ явэ́л пашы́л лэ́стэ; лэ́стэ нанэ ни пшал, ни чхаво́: нэ нанэ ко́нцо (яго́ро) лэ́скирэ пхарэ́ бутякэ и лэ́скирэ якха́ нанэ чалэ барвалыпнастыр и пхучэла ёв: “Ваш конэ́скэ мэ кэра́ва буты́ пхарэ́с и отпхэнава пэ́скэ лачхипнастыр.” Дава́ исын адя́кэ-паць харныпэ́н и буты́, со пхарьякирэла ило́.

Juda 1:12

Кадалэ́ мануша́ сы́рбы макхэна тумарэ́ дэвлыканэ свэ́нки: ёнэ свэнкинэна тумэ́нца би дара́киро и чалякирэна фэ́ни кокорэ́ пэс. Ёнэ исын сы́рбы о́блоки бипанескирэ, савэ́ балва́л традэ́ла. Ёнэ исын сы́рбы восенякирэ кашта́ бибарьякирдэскирэ, савэ́н выкошнэ и, савэ́ мулынэ дуй мо́лы;

Матфеё 3:10

Акэ, ужэ товэр пашто́ исын пашы́л каштэскиро корнё (рукх): кажно кашт (дрэ́во), со на лыджа́ла лачхо́ барьякирдо́ (пло́до), чингирэна тэлэ́ и чхурдэна дрэ яг.

Pritčy 23:5

ке́ли ту рискирэса пэ́скирэ якха́ пэ дава́ – и акана́ нанэ лэс? Пал-дова́ со барвалыпэ́н кэрэ́ла пхака́ пэ́скэ и сыр о́рло (ки́до) вурняла криг кэ болыбэ́н.

Pritčy 23:4

На кэр буты́ пир ме́ра, соб (кай) тэ явэс барвало́, нэ яв пэ ада́кицы годо́, соб (кай) тэ мэкэс дасавэ́ ду́мы:

Матфеё 13:22

Нэ савэ́ сыс чхудэ́ дрэ дылыны чар, сыкавэ́на кодолэ́с, саво́ шунэ́ла лав, нэ векоскири суе́та, тырдыпэ́н кэ барвалыпэ́н пиризорьякирэна дро лэ́нгиро ило́, и ёв ячэ́ла би барьякирдэскиро.

Marko 4:18

Яви́р зя́рки, савэ́ почхудэ дрэ дылыны чар, исын сы́рбы мануша́, савэ́ шунэ́на лав:

Римлянэнгэ 12:2

На дживэ́н адя́кэ, сыр адалэ́-векоскирэ мануша́ дживэ́на, нэ парувэн пэс, нэвякирэн тумари́ годы́, соб (кай) тумэ́нгэ тэ джинэ́н, со Дэвлэ́скири во́ля исын лачхи́, бидошэнгири и чачуны́.

Эфесянэнгэ 2:2

дрэ савэ́ тумэ́ англэды́р адя́кэ дживдэ́, пир дава́ свэтоскиро ве́ко, пир кхенингоскиро упхэныбэ́н, саво́ сыс хула́й дро фа́но (воздухо), пир ду́хо (фа́но), саво́ хулаинэла сарэ́нца, кон на кандэ́ла Дэвлэ́с:

Эфесянэнгэ 6:12

пал-дова́ со амэ сам на проти манушэ́ндэ, а проти барыдырэндэ и свэто́скирэ тхагарье́ндэ (князьендэ), савэ́ хулаинэна пэ дава́ цямло́ (тё́мно) свэ́то, проти бэнгланэ́ ду́хи, савэ́ исын дро Болыбна́скиро свэ́то.