Marko 3:3 - Библия - Пэ Балтитко Романи чиб (Романэс) 2019

³ И Ёв ракирэ́ла манушэ́скэ шукэ́ вастэ́са: “Ушты́ и тэрдёв машкира́л.”

Biblija - Pe Baltitko Romani čib (Romanes) 2019

³ I Jov rakiréla manušéske šuké vastésa: “Uštý i terdjov maškirál.”

Marko 3:3 Referans Kwoze

1 Petr 4:1

И палдава́, сыр Христо́со пирилыджалас пхарипэ́н дрэ лоч, адя́кэ-паць и тумэ́нгэ приявэлапэ тэ лыджа́н пхарипэ́н; пал-дова́ со кон злыджала пхарипэ́н лочаса, одова́ ману́ш мэкэ́ла тэ кэрэ́л грэ́хи,

Filipiicenge 1:14

со барэды́р паш пшалэ́ндыр пир Растэ-Дэвлэ́стэ, пир дава́, со мэ сом бэшто́ дро штарибэ́н пал патяибэ́н, ячнэ́ зоралэды́р дро патяибэ́н дрэ амарэ́ Растэ-Дэвлэ́стэ и тэ ракирэ́н Дэвлэ́скиро лав би дара́киро.

Galatenge 6:9

ке́ли амэ кэра́са шука́р, тэды амэ́нгэ тэ на кхинёвас, пал-дова́ со амэ ява́са тэ скэдас аплодо дро пэ́скиро часо, ко́ли амэ на пэраса дро ду́хо (фа́но).

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

Joannostir 9:4

Пака на прогия́ дывэ́с, Ма́нгэ трэй тэ кэра́в Одолэскирэ рэ́нды, Кон бичхадя́ Ман; сыг явэ́ла рат, ке́ли нико́н нашты́ нисо́ тэ кэрэ́л.

Luka 6:8

Нэ Ису́со джиндя́, со ёнэ думиндлэ, и пхэндя́ манушэ́скэ шукэ́ вастэ́са: “Ушты́ и тэрдёв машкира́л.” И ёв уштыя́ и тэрдия́.

Дание́лё 6:10

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Isajos 42:4

На пэрэ́ла Ёв бизорьякоро, на кхинёла кэ дова́ часо, сыр Ёв кэрэ́ла сэ́ндо пхувьякэ; и пэ Зако́но Лэ́скиро ужакирэ́на лачхипна́са островы.”

Матфеё 12:10

И, акэ, сыс ману́ш шукэ́ вастэ́са. И пхучнэ́ Лэ́стыр, соб (кай) тэ бангякирэн Лэс: “Ци сашты́ (можна) тэ састякирэс саватонэ́ (суботонэ́)?”

Marko 3:2

Дрэ синагога дыкхэнас ракхибны́ткэс пал Лэ́стэ, соб (кай) тэ бангякирэн Исусо́с, ци на састякирэлас Ёв адалэс манушэ́с дро са́вато.

Marko 3:4

Тэ́ньци Ёв ракирэ́ла лэ́нгэ: “Со сашты́ [пир Зако́но-ю.о.] тэ кэрэ́с дро са́вато: лачхипэ́н ци фуипэ́н, тэ ракхэ́с джиибэ́н ци тэ хасякирэс?” Ёнэ сыс штыл.