Marko 3:24 - Библия - Пэ Балтитко Романи чиб (Романэс) 2019

²⁴ Ко́ли кралипэ́н роскэрдо (уладо) пэ паш, ёв на явэ́ла тэрдо́.

Biblija - Pe Baltitko Romani čib (Romanes) 2019

²⁴ Kóli kralipén roskerdo (ulado) pe paš, jov na javéla terdó.

Marko 3:24 Referans Kwoze

Заха́рия 11:14

И пхагирдём Мэ яви́р саструно дэсто́ Миро – Саструнэ́ Пэнты, соб (кай) тэ роспхандав пшалыпэн машки́р Юдастэ и Израилёстэ.

Езэкилё 37:22

Пэ кадая́ пхув, пэ Израилёскирэ бэ́рги, Мэ кэра́ва лэ́ндыр екх народо, екх кра́ли явэ́ла кра́ли ваш лэ́нгэ сарэ́нгэ; на явэ́на бутэды́р дуй народы, на явэ́на тэ розмарэнпэ пэ дуй кралипэна́.

2 Kralip 20:6

Тэды Дави́до пхэндя́ Авесаскэ: “Какана́ кэрэ́ла амэ́нгэ фуипэ́н Савеё, чхаво́ Бихрискиро, буты́р, сыр Авесало́мо; лэ ту дынарье́н тырэ́ хула́скирэ, и традэ лэс, соб (кай) ёв тэ на латхэл пэ́скэ зоралэ́ тынэ́нца фо́рья и тэ на гарадёл амарэ́ якхэ́ндыр.”

2 Kralip 20:1

Одо́й выгия́, со сыс екх на́лачхо ману́ш, пир лав Савеё, чхаво́ Бихрискиро, Вениамитяниноскиро; ёв пхурдыя дро ро́го и пхэндя́: “Нанэ амэ́нгэ паш дрэ Давидо́стэ, и нанэ амэ́нгэ бажын дрэ Есеёскирэ чхавэ́стэ; сарэ́ пир ша́тры пэ́скирэ, Израильтя́ни!”

Joannostir 17:21

соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

Матфеё 12:25

Нэ Ису́со джиндя́, со ёнэ думиндлэ и пхэндя́ лэ́нгэ: “Кажно кралипэ́н, кай нанэ екхипэ́н андра́л, явэ́ла сыр чхучи́ пхув, и кажно фо́ро ци кхэр, кай нанэ екхипэ́н андра́л, на явэ́ла тэ тэрдёл.

Marko 3:23

Тэды Ису́со откхардя лэн, яця́ примерэнца (сыкаибнэнца) тэ допхэнэл лэ́нгэ: “Сыр на́лачхо могинэ́ла тэ вытрадэл налачхэ́с?

Marko 3:25

Ко́ли дрэ сэ́м΄я (ири́), сави́ дживэ́ла дро кхэр, нанэ ладо (миро), дасаво кхэр на явэ́ла тэрдо́.