Marko 3:22 - Библия - Пэ Балтитко Романи чиб (Романэс) 2019

²² Лылвари́тка (кни́жники), савэ́ явнэ́ Ерусалимо́стыр, допхэнэнас: “Дрэ Лэ́стэ исын Вельзэвуло. Ёв традэ́ла яври́ налачхэ́ ду́хи налачхэ́ зорья́са.”

Biblija - Pe Baltitko Romani čib (Romanes) 2019

²² Lylvarítka (knížniki), savé javné Jerusalimóstyr, dophenenas: “Dre Léste isyn Viel'zevulo. Jov tradéla javrí nalačhé dúhi nalačhé zorjása.”

Marko 3:22 Referans Kwoze

Матфеё 15:1

Пало́ дава́ явнэ́ кэ Ису́со Фарисе́и и лылвари́тка Ерусалимо́стыр и пхэндлэ́:

Матфеё 10:25

Ухты́лла (до́си) ваш сыкляибнытконэскэ, соб (кай) ёв тэ явэ́л дасаво, сыр лэ́скиро сыклякирибна́скиро (учытелё), и писха́ри дасаво, сыр лэ́скиро рай. Ко́ли сэмякирэ хула́с прокхардэ Вельзэвуло, сыр бутэды́р налачхэ́ лавэ́нца кхарна хула́скирэ кхэритконэн?’

Матфеё 12:24

Нэ ке́ли Фарисе́и шундлэ́ дава́, ёнэ пхэндлэ́: “Кадава́ ману́ш традэ́ла налачхэ́ ду́хи екхэ Вельзэвулоскирэ зорья́са, саво́ исын хула́й пэ налачхэ́ ду́хи.”

Матфеё 9:34

Нэ Фарисе́и ракирэ́нас: “Дава́ исын налачхэ́-духэнгиро хула́й, савья́са зорья́са Ёв традэ́ла яври́ налачхэ́ ду́хи.”

Joannostir 7:20

Мануша́ пхэндлэ́ дро отпхэныбэ́н: “Ци дава́ на́лачхо Ду́хо (Фа́но) исын дрэ Ту́тэ? Кон камэ́ла тэ мулякирэ́л Тут?”

Joannostir 8:52

А Юды пхэндлэ́ Лэ́скэ: “Какана́ амэ уґалыям, со на́лачхо ду́хо (фа́но) исын бэшто́ дрэ Ту́тэ; Авраа́мо мыя́, мынэ́ и проро́ки, а Ту ракирэ́са: ‘Кон зракхэ́ла лав Миро, одова́ на мэрэ́ла ние́кхвар’.

Joannostir 8:48

Пэ дава́ Юды пхэндлэ́ Лэ́скэ: “Ци на чачипэ́н амэ ракираса, со Ту сан Самарянино и на́лачхо ду́хо (фа́но) исын бэшто́ дрэ Ту́тэ?”

Luka 11:15

Нэ вари-савэ́ лэ́ндыр ракирдэ́: “Ёв вытрадэла налачхэ́ ду́хи (фаны) Вельзэвулоскирэ зорья́са, саво́ исын хула́й пэ налачхэ́ ду́хи.”

Marko 7:1

Екхвар явнэ́ Фарисе́и и вари-савэ́ лылваритконэндыр, савэ́ явнэ́ Ерусалимо́стыр, и скэдынэ́пэ пашы́л Лэ́стэ.

Матфеё 11:18

И Иа́но явдя́, на ха́ла, на пьела, и ёнэ ракирэ́на: ‘Лэ́стэ исын на́лачхо ду́хо (фа́но).’

Joannostir 10:22

Дава́ сыс ивантэ/ивэндэ (зимакиро), ке́ли явдя́ дро Ерусалимо жужакирибнаскиро свэ́нко (Ханукка) ваш Кхангири́.

Luka 5:17

Екхвар, ке́ли Ёв сыклякирэлас и сыс бэштэ́ одо́й Фарисе́и и Законо́скирэ сыклякирибнарья, савэ́ явнэ́ сарэ́ штэтэ́ндыр Галилеятыр и Юдэя́тыр и Ерусалимо́стыр, а Дэвлэ́скири зор сыс Исусо́стэ тэ высастякирэл насвалэн,

Psalmy 22:6

Ёнэ дынэ́ го́дла кэ Ту тэ помогинэс, и ёнэ сыс зракхнэ́. Ёнэ патяндынэ́ дрэ Ту́тэ, и ёнэ на сыс ладжакирдэ́.

4 Kralip 1:2

Охозия пыя́ пирда́л решотка пэ́скирэ штубатыр, со дрэ Сама́рия, и занасвалыя. И бичхадя́ манушэ́н и пхэндя́ лэ́нгэ: “Джа́н, пхучэ́н Веельзевулостыр, Акароно́скирэ дэвлыткиматыр: Ци высастёвава мэ далэ́ дукхатыр?”