Marko 2:5 - Библия - Пэ Балтитко Романи чиб (Романэс) 2019

⁵ Ису́со, дыкхи́ лэ́нгиро патяибэ́н, ракирэ́ла насвалэскэ: “Чха́ва, отмэкэнапэ грэ́хи тырэ́.”

Biblija - Pe Baltitko Romani čib (Romanes) 2019

⁵ Isúso, dykhí léngiro patiaibén, rakiréla nasvaleske: “Čháva, otmekenape gréhi tyré.”

Marko 2:5 Referans Kwoze

Матфеё 9:2

И, акэ, лыджа́нас кэ Ёв насвалэ манушэ́с, саво́ сыс пашто́ пэ матрацо. И сыр Ису́со дыкхця́ лэ́нгиро патяибэ́н, пхэндя́ насвалэскэ: “Яв муршкано́, чхаво́ Миро, отмэкнэ грэ́хи тырэ́!”

Jakov 5:15

и мангипэ́н Дэвлэ́скэ патяибна́са высастякирэла насвалэс и Дэвэ́л кэрэ́ла зоралэса лэс; а ко́ли ёв кэрдя́ грэ́хи, тэды саро́ явэ́ла отмэкно лэ́скэ.

Матфеё 9:22

И Ису́со рисия́ палэ, дыкхи́ ла, пхэндя́: “Яв муршканы, чха́е, тыро́ патяибэ́н зракхця́ тут.” И екха́тыр (сра́зу) ада́я джувлы́ яця́ састы.

Эфесянэнгэ 2:8

Палдава́ со тумэ́ сан зракхнэ́ бахталыпнаса пир патяибэ́н, и дава́ исын на долэ́стыр, со тумэ́ причхувэна зор, дава́ тумэ́нгэ исын дыно́ Дэвлэ́стыр;

Apostolengiri Butý 5:31

Нэ Дэвэ́л ґаздыя́ Лэс Пэ́скирэ чачэ́ вастэ́са, сыр Шэрэ Рас и Зракхибнарис, соб (кай) Израилё пир Лэ́стэ тэ рискирэ́л пэ́скиро джиибэ́н кэ Дэвэ́л, и соб (кай) тэ отмэкэнпэ грэ́хи.

Joannostir 5:14

Коригэды́р (позжэ) Ису́со стрэниндя лэс дрэ Кхангири́ и пхэндя́ лэ́скэ: “Ѓа́да, ту какана́ сан састо́: на грешын буты́р, соб (кай) тэ на кэрэ́лпэ ту́са вари-со фуеды́р.”

Luka 5:20

Ке́ли Ису́со дыкхця́ лэ́нгиро патяибэ́н, пхэндя́ кодолэ́ манушэ́скэ: “Отмэкэнапэ грэ́хи тырэ́!”

Колосянэнгэ 3:13

явэ́н ковлэ́ екх кэ екх и примангэн екх екхэ́скэ, ко́ли вари-кон пэ вари-конэ́стэ рикирэ́ла холы́; то сыр Христо́со примангдя тумэ́нгэ, адя́кэ-паць и тумэ́ кэрэ́н.

2 Коринфянэнгэ 2:10

А вари-конэ́скэ тумэ́ примангэна и мэ адя́кэ-паць примангава; пал-дова́ со, ко́ли мэ примангдём вари-со, мэ примангдём дава́ пал тумэ́ндэ пир Христосо́скиро право;

1 Коринфянэнгэ 11:30

Палдава́ бут тумэ́ндыр исын бизорья́кирэ и насвалэ, и бут мынэ́.

Apostolengiri Butý 14:9

Ёв шундя́, сыр ракирдя́ Па́вли, саво́ дыкхця сыгэс маму́й пэ лэ́стэ и дыкхця́, со манушэ́стэ исын патяибэ́н, соб (кай) тэ явэ́л высастякирдо,

Apostolengiri Butý 11:23

саво́, ке́ли явдя́, дыкхця́ Дэвлэ́скиро бахталыпэ́н, и ёв древа́н обрадындяпэ и подрикирэлас сарэ́н, соб (кай) ёнэ тэ явэ́н дро патяибэ́н дрэ Растэ-Дэвлэ́стэ сарэ́ пэ́скирэ илэ́са;

Joannostir 2:25

Лэ́скэ на трэиндя́ тэ пхучэл пал манушэ́стэ, Ёв Кокоро́ джиндя́ саро́, со сыс андра́л манушэ́стэ.

Luka 8:48

Ису́со пхэндя́ ла́кэ: “Мири́ Чха́е! Патяибэ́н тыро́ зракхця́ тут! Джа́ бахтяса!”

Marko 5:34

Ёв пхэндя́ ла́кэ: “Чха́е Мири́! Патяибэ́н тыро́ зракхця́ тут! Джа́ бахтяса, яв састы тырэ́ насвалыпнастыр.”

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Isajos 38:17

Акэ, сыклыём мирэ́ бидатыр, Ту зракхця́н миро ило́ хасибнастыр, Ту чхурдыян пал Пэ́скиро думо мирэ́ грэ́хи.

Psalmy 103:3

Рай Дэвэ́л примангэла саро́ миро чорипэ́н, Ёв высастякирэла сарэ́ мирэ́ дукха́.

Džiibén 22:12

Янго́ло пхэндя́: “На ґа́здэ тыро́ васт пэ чхавэ́стэ и на кэр пэ лэ́стэ ничи́; акана́ Мэ джино́м (джина́в), со ту дарэса Дэвлэ́стыр и на тангиндян пэ́скирэс чхавэ́с, саво́ ту́тэ исын екх, ваш Ма́нгэ.”

Матфеё 9:5

нэ со локхэды́р тэ пхэнэ́с: ‘Тырэ́ грэ́хи отмэкнэ’, ци: ‘Ушты́ и псир?’

Marko 2:6

Вари-кон лылваритконэндыр, савэ́ сыс бэштэ́ одо́й, ракирэ́нас дрэ пэ́стэ: