Marko 16:19 - Библия - Пэ Балтитко Романи чиб (Романэс) 2019

¹⁹ И ке́ли Рай Дэвэ́л Ису́со пхэндя́ лэ́нгэ саро́, тэды Ёв сыс ґаздыно́ пэ болыбэ́н и бэсця́ пэ чачо́ васт Дэвлэ́стэ Дадэ́стэ.

Biblija - Pe Baltitko Romani čib (Romanes) 2019

¹⁹ I kiéli Raj Devél Isúso phendiá lénge saró, tedy Jov sys ĥazdynó pe bolybén i besciá pe čačó vast Devléste Dadéste.

Marko 16:19 Referans Kwoze

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

Юдэ́нгэ 1:3

а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

Psalmy 110:1

Давидо́скиро Пса́лмо. Рай Дэвэ́л пхэндя́ мирэ́ Ра́скэ-Дэвлэ́скэ: “Бэш пашы́л ма́ндэ чачэ́ рига́тыр, пака мэ чхува́ва тэлэ́ Тырэ́ вэргэ́н тэл ґэра́.”

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Юдэ́нгэ 8:1

Гла́вныма исын дро дова́, пал со амэ ракираса, исын дасави́: амэ́ндэ исын адасаво́ Англатуно́ Раша́й, Саво́ исын бэшто́ пэ болыбэ́н пир чачо́ васт Дэвлэ́скирэ най вычэдырэ́скирэ троностыр;

Колосянэнгэ 3:1

И адя́кэ, ко́ли тумэ́ отджидынэ мулэ́ндыр Христосо́са, тэды причхувэ́н зор тэ дживэ́н пир чачипэ́н, саво́ исын дро Болыбна́скиро Раё, кай Христо́со исын бэшто́ пир чачо́ (право) васт Дэвлэ́стыр Дадэ́стыр.

Joannostir 20:17

Ису́со ракирэ́ла: “На чилав Ман, пал-дова́ со Мэ на рисиём кэ Миро Дад; джа́ кэ Мирэ́ пша́ла и пхэн лэ́нгэ: “Мэ рисёва́ва кэ Миро Дад и тумаро́ Дад и кэ Миро Дэвэ́л и кэ тумаро́ Дэвэ́л”.”

Юдэ́нгэ 6:20

одори́к загия́ Ису́со анги́л амэ́ндэ, и яця́ Англатунэ́ Раша́са пэ сарэ́ ве́ки, пир дасаво-паць титуло, сыр и Мелхисэдэко.

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Joannostir 6:62

Нэ со явэ́ла, ке́ли тумэ́ явэ́на тэ дыкхэ́н, сыр Чхаво́ Манушэ́скиро ґаздэ́лапэ одори́к, кай Ёв сыс англэды́р?

Luka 9:51

Ке́ли явнэ́ пашылэды́р дывэса́, дрэ савэ́ Исусо́скэ трэиндя́ тэ ґаздэлпэ пэ болыбэ́н далэ́ свэто́стыр, ёв закамдя́ тэ джал дро Ерусалимо,

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Юдэ́нгэ 4:14

Пал-дова́ со амэ́ндэ исын са́мо барэды́р Англатуно́ Раша́й Ису́со, Дэвлэ́скиро Чхаво́, Саво́ прогия́ болыбэ́н кэ Дэвэ́л, амэ ява́са тэ рикираспэ зоралэ́с пал амаро́ патяибэ́н.

Apostolengiri Butý 3:21

Савэс болыбэ́н сыс банго́ тэ прилэл кэ/жы́ко дава́ часо, пака Дэвэ́л кэрэ́ла саро́, и пал Конэ́стэ англэды́р ракирдя́ пир Пэ́скирэ свэнтонэ́ пророкэ́ндэ свэто́скирэ англыпна́стыр.

Joannostir 21:22

Ису́со ракирэ́ла лэ́скэ: “Ке́ли Мэ кама́м, соб (кай) ёв тэ явэ́л джидо́ пака Мэ ява́ва, со ту́кэ кэ дава́? Ту джа́ пал Ма́ндэ.”

Joannostir 21:15

Ке́ли ёнэ ханэ́, Ису́со ракирэ́лас Симоноскэ Пэтрискэ: “Симоне, Ианоскиро Чхаво́! Ци сом Мэ дро́го ту́кэ бутэды́р лэ́ндыр?” Пэ́три ракирэ́ла Лэ́скэ: “Адя́кэ, Раё Дэ́вла! Ту джинэ́са, со Ту сан дро́го Ма́нгэ.” Ису́со ракирэ́ла лэ́скэ: “Чара́в Мирэ́ свэнтонэ́ бакрорэ́н.”

Joannostir 17:13

Какана́ Мэ джа́ва кэ Ту, и дава́ Мэ ракира́ва, пака Мэ сом дро свэ́то, соб (кай) лэ́ндэ тэ явэ́л Мири́ пхэрды́ ра́дыма дрэ пэ́стэ.

Joannostir 16:28

Мэ явдём Дадэ́стыр дро дава́ свэ́то; и нэвэ́стыр Мэ мэкава свэ́то и джа́ва кэ Дад.”

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Marko 16:20

И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.

Luka 22:69

нэ коригэды́р далэ́стыр Чхаво́ Манушэ́скиро явэ́ла тэ бэшэ́л пир чачо́ васт Дэвлэ́стыр.”

Apostolengiri Butý 1:22

гины Ианоскирэ болдэипнастыр кэ/жы́ко дова́ дывэ́с, ке́ли Ису́со сыс ґаздыно́ амэ́ндыр, адалэ́ манушэ́скэ трэиндя́ тэ явэ́л кхэтанэ́ амэ́нца сыр якхи́тко пал Исусо́скиро отджидыибэн мэрибна́стыр,