Marko 16:15 - Библия - Пэ Балтитко Романи чиб (Романэс) 2019

¹⁵ Ису́со пхэндя́ лэ́нгэ: “Джа́н пир саро́ свэ́то (лот) и пхэнэ́н лав Евангелиятыр кажнонэ́ джидэ́ создыибнаскэ.

Biblija - Pe Baltitko Romani čib (Romanes) 2019

¹⁵ Isúso phendiá lénge: “Džán pir saró svéto (lot) i phenén lav Jevangielijatyr kažnoné džidé sozdyibnaske.

Marko 16:15 Referans Kwoze

Матфеё 28:19

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро);

Marko 13:10

Нэ англэды́р сарэ́стыр трэй тэ пхэнэлпэ лав Евангелиятыр ваш сарэ́ на́цыи.

Apostolengiri Butý 1:8

нэ тумэ́ндэ явэ́ла зор, ке́ли Свэ́нто Ду́хо (Фа́но) джал тэлэ́ пэ тумэ́ндэ, и тумэ́ явэ́на Мирэ́ якхи́тка (свидетели) дро Ерусалимо и пэ сари́ Юдэ́я и Сама́рия и адя́кэ-паць пир сари́ пхув.”

Psalmy 96:3

Роспхэнэ́н сарэ́нгэ пал Лэ́скири сла́ва машки́р Наюды́тка на́цыи, пал Лэ́скирэ ди́вна кэ барипэ́н бутя́ машки́р ро́ды (пле́ми).

1 Ian 4:14

И амэ дыкхцям и сам якхи́тка (якхалэ), со Дад бичхадя́ Чхавэ́с тэ зракхэ́л свэ́то.

Joannostir 15:16

На тумэ́ выкэдынэ́ Ман, нэ дава́ Мэ тумэн выкэдыём, соб (кай) тумэ́ тэ джа́н и дэн барьякирдо́ и, соб (кай) барьякирдо́ тумаро́ тэ барьёл и тэды, пал со тумэ́ на помангэнас Мирэ́ Дадэ́с Мирэ́ лавэ́стыр, Ёв дэ́ла тумэ́нгэ.

Joannostir 20:21

Ису́со пхэндя́ лэ́нгэ яви́р мо́ло: “Рама́нё тумэ́нгэ! Сыр Дад бичхадя́ Ман, адя́кэ и Мэ бичхава́ва тумэн.”

Колосянэнгэ 1:23

ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.

Римлянэнгэ 10:18

Нэ мэ пхучава: “Нау́што (неужэли) ёнэ на шундлэ́? Шундлэ́, чачэс; лэ́нгири зан прогия́ пир сари́ пхув, и лэ́нгирэ лава́ сыс шундлэ́ пэ свэто́скирэ яго́ры (кра́и).”

Psalmy 22:27

Мэк тэ хан чалэ́с одолэ́, савэ́ ха́на мэ́ньки, а одолэ́, савэ́ родэ́на Рас-Дэвлэ́с, явэ́на тэ шарэ́н Лэс, мэк тэ дживэ́н тумарэ́ илэ пэ сарэ́ ве́ки!

Isajos 45:22

Кэ Мэ обрисён и тумэ́ зракхэнапэ, сарэ́ яго́ры (краи́) пэ пхув, пал-дова́ со Мэ сом Дэвэ́л и нанэ явирэ́с.

Sykadyipén 14:6

И мэ дыкхцём явирэ Янголо́с, саво́ вурнялас вучэ́с дро фа́но (воздухо), машкира́л болыбэ́н, конэ́стэ сыс ве́чно Ева́нгелия, соб (кай) тэ миштопхэнэл одолэ́нгэ, савэ́ дживэ́нас пэ пхув, кажнонэ́ кхэритконэ́ родо́скэ и родыцо́скэ и екхэ́-чиба́кирэ ирья́кэ/сэм΄я́кэ (чибакэ/ чибьякэ) и кажнонэ́-манушытконэ́ нацыя́кэ.

Колосянэнгэ 1:6

сави́ явдя́ и кэ тумэ́ и сави́ розджалапэ пир саро́ свэ́то и янэ́ла бахтякирибэ́н и барьёла, сыр и машки́р тумэ́ндэ, долэ́-паць дывэсэ́стыр, ке́ли тумэ́ шундлэ́ и уджиндлэ́ Дэвлэ́скиро бахталыпэ́н, саво́ исын дро чачипэ́н;

Эфесянэнгэ 2:17

и ке́ли Христо́со явдя́, Ёв роспхэндя́ бахталы́ зан (звесь) пал рама́нё (миро) сарэ́нгэ тумэ́нгэ, на дыкхи́ пэ дова́, кон сыс Лэ́стыр дур ци пашы́л,

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Psalmy 98:3

Ёв дыя́ тэ рипирэл пал Пэ́скири лачхэ́-илы́ткима и лэ́скиро чачипэ́н Израилёскирэ кхэрэ́скэ: сарэ́ пхувья́кирэ яго́ры (краи́) дыкхнэ́, сыр амаро́ Дэвэ́л зракхэ́ла Пэ́скиро манушэ́н.

Isajos 52:10

Сыкадя́ сарэ́нгэ Рай Дэвэ́л Пэ́скиро свэ́нто васт, соб (кай) тэ дыкхэ́н сарэ́ народы; сарэ́ пхувья́кирэ яго́ры (концы) дыкхэ́на амарэ́ Дэвлэ́скиро зракхибэ́н.

Apostolengiri Butý 1:2

кэ/жы́ко дова́ дывэ́с, дро саво́ Ёв ґаздыя́пэ пэ болыбэ́н и дыя́ припхэныбэ́н пир Свэ́нто Ду́хо (Фа́но) одолэ́ Апостолэнгэ, савэ́н Ёв Кокоро́ выкэдыя́,