Marko 16:14 - Библия - Пэ Балтитко Романи чиб (Романэс) 2019

¹⁴ Тэ́ньци Ису́со сыкадыя́ дэшуекхэ сыкляибнытконэ́нгэ, савэ́ ханас пал сками́нд. Ёв выракирдя лэ́нгэ, со на ухты́лла (на́доси) лэ́ндэ патяибэ́н и лэ́нгиро ило́ исын пхаро́ дро дова́, со лэ́нгэ сыс на пир ило́ тэ патя́н одолэ́нгэ, савэ́ дыкхнэ́ Лэс коригэды́р (позжэды́р), сыр Ёв отджидыя́.

Biblija - Pe Baltitko Romani čib (Romanes) 2019

¹⁴ Tén'ci Isúso sykadyjá dešujekhe sykliaibnytkonénge, savé xanas pal skamínd. Jov vyrakirdia lénge, so na uhtýlla (nádosi) lénde patiaibén i léngiro iló isyn pharó dro dová, so lénge sys na pir iló te patián odolénge, savé dykhné Les korigedýr (pozžedýr), syr Jov otdžidyjá.

Marko 16:14 Referans Kwoze

1 Коринфянэнгэ 15:5

и со Ёв сыкадя́ пэс Кифаскэ, тэ́ньчи дэшудуе́ Апостолэнгэ.

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Joannostir 20:27

Тэ́ньци ёв ракирэ́ла Фамаскэ: “Дэ ангу́шт (пальцо) тыро́ адари́к и подыкх Мирэ́ васта́; дэ васт тыро́ и чхув дрэ Мирэ́ пашварэ; и пирияч тэ кунинэспэ, а патя.”

Матфеё 11:20

Тэ́ньци Ёв лыя́ тэ ладжакирэл фо́рья, дрэ савэ́ Ёв кэрдя́ буты́р явирэндыр Пэ́скирэ ди́вы, пал-дова́ со ёнэ на рискирдэ́ пэ́скиро джиибэ́н кэ Дэвэ́л:

Luka 24:25

И пхэндя́ тэды Ису́со лэ́нгэ: “Нэ, тумэ́ сан бигодякирэ и пхарэ́-илэ́скирэ мануша́, соб (кай) тэ упатян дро дова́, со проро́ки пхэндлэ́!

Marko 7:18

И Ёв пхэндя́ лэ́нгэ: “Нау́што и тумэ́ ишчо (инкэ́) на ґалёна? Нисо́, со джа́ла андрэ́ яврестыр дрэ манушэ́стэ, на могинэ́ла тэ кэрэ́л лэс нажужэса,

Матфеё 17:20

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Čysly 14:11

И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

Матфеё 28:17

И ке́ли ёнэ дыкхнэ́ Лэс, поклониндлэпэ Лэ́скэ; нэ вари-савэ́ на патянас.

Luka 24:11

Нэ далэ́-джувленгирэ лава́ здынэпэ Апостолэнгэ сы́рбы парамы́ся (сказка), и ёнэ на патяндынэ́ лэ́нгэ.

Joannostir 20:25

Яви́р сыкляибны́тка пхэндлэ́ лэ́скэ: “Амэ дыкхцям Рас-Дэвлэ́с.” Нэ ёв отпхэндя́ лэ́нгэ: “Ко́ли (со) мэ на дыкха́ва шпэ́ра гвоздэндыр (карфинэндыр) пэ Лэ́скирэ васта́, и мэ на чхува́ва миро ангу́шт дро штэ́то, кай сыс гвозды (карфина), и мэ на чхува́ва миро васт дрэ Лэ́скирэ пашварэ, Мэ на упатява.”

Joannostir 20:26

Пир охто́ (бидуе́нгиро дэш) дывэса́ Лэ́скирэ сыкляибны́тка нэвэ́стыр сарэ́ кхэтанэ́ скэдынэ́пэ дро кхэр, и Фама сыс лэ́нца. Явдя́ Ису́со, ке́ли вудара́ сыс запхандлэ, тэрдия́ машки́р лэ́ндэ, и пхэндя́: “Рама́нё тумэ́нгэ!”

Joannostir 21:1

Пало́ дава́ Ису́со нэвэ́стыр сыкадя́ Пэс Пэ́скирэ сыкляибнытконэ́нгэ пашы́л Тивериадоскиро мо́рё (дэрья́в). Акэ, сыр дава́ сыс:

Joannostir 21:14

Ѓа́да, акана́ три́то мо́ло Ису́со сыкадя́ Пэс Пэ́скирэ сыкляибнытконэ́нгэ, коригэды́р (позжэды́р) Лэ́скирэ отджидыипнастыр мулэ́ндыр.

Apostolengiri Butý 1:3

и кэ савэ́ адя́кэ-паць палэ пал Пэ́скирэ мэ́ньки, савэ́ Ёв пирилыджия и отдживдя мэрибна́стыр, явэ́лас Ису́со кэ ёнэ чачунэ́ допхэныбнаса, и Ёв штардэша́ дывэса́ псирдя́ кэ ёнэ и ракирдя́ лэ́нгэ пал Дэвлэ́скиро Кралипэ́н.