Marko 15:34 - Библия - Пэ Балтитко Романи чиб (Романэс) 2019

³⁴ Дро еня́то мардо́ дывэсэ́ Ису́со дыя́ го́дла зоралэ́с Юдыткэс: “Элои́, Элои́ лама савактани?” Со значынэ́ла Романэс: “Дэ́вла Миро, Дэ́вла Миро, со́скэ Ту мэкцян Ман?”

Biblija - Pe Baltitko Romani čib (Romanes) 2019

³⁴ Dro jeniáto mardó dyvesé Isúso dyjá gódla zoralés Judytkes: “Eloi, lama savaktani?” So značynéla Romanes: “Dévla Miro, Dévla Miro, sóske Tu mekcian Man?”

Marko 15:34 Referans Kwoze

Psalmy 22:1

Хоро́скирэ Дирижоро́скэ. Пэ зло́ко (ра́нко), анги́л, сыр Дывэсёла. Давидо́скиро Пса́лмо.

Матфеё 27:46

пашэ́ ж еня́то (биекхэ́скиро дэ́што) мардо́ Ису́со дыя́ го́дла зоралэ́с Юдыткэс: “Эли, Эли, лама сабактхани?” Дава́ исын Романэс: ‘Миро Дэ́вла, Миро Дэ́вла, со́скэ Ту мэкцян Ман?’

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Psalmy 27:9

На гарадёв, ма́ндыр; на традэ пэ́стыр Тырэ́ писхари́с дрэ холы́. Ту помогиндян ма́нгэ! На ячкир ман и на мэк ман, Дэ́вла, Саво́ зракхэ́ла ман.

Psalmy 71:11

ракири́: “Дэвэ́л мэкця́ лэс. Родаса лэс и ла́са лэс, пал-дова́ со ние́кх на явэ́ла тэ зракхэ́л лэс’.

Дание́лё 9:21

ке́ли ишчо (инкэ́) мэ ракиравас па́тери (моли́тва), о мурш Габриэлё, савэ́с мэ дыкха́вас дро са́мо англыпэ́н дро дыкхибэ́н, сыго приурняндыя, чиладя́ ман, ке́ли сыс пашы́л часо ваш бэльвэлякиро свэ́нто дыибэ́н,

Isajos 41:17

Ке́ли чорорэ́ и бо́ги (мануша́ дрэ трэ́бима) явэ́на тэ родэ́н пани́, и нанэ пани́, и лэ́нгирэ чиба́ (чибья́) явэ́на тэ шутён трушатыр (смэгатыр), то Мэ, Рай Дэвэ́л, ява́ва тэ шунав лэн; Мэ Дэвэ́л Израилёскиро, на мэкава лэн.

Psalmy 42:9

Рай Дэвэ́л дэ́ла Лэ́скири лачхэ́-илы́ткима дывэсэ́, а раты́ мэ багава гилы́ Лэ́скэ и мэ мангавапэ Дэвлэ́скэ, мирэ́ Джиибнаскирэскэ.

Apostolengiri Butý 10:3

е́кхвар дывэсэ́, пашэ́ еня́то мардо́ (шту́нда), кэ ёв явдя́ Дэвлэ́скиро Янго́ло, савэ́с ёв куч дыкхця́, и саво́ и пхэндя́ лэ́скэ: “Корни́лие.”

Luka 23:46

И Ису́со дыя́ го́дла зоралэ́ заня́са и пхэндя́: “Да́до! Мэ отда́ва Пэ́скиро ду́хо (фа́но) дро Тырэ́ васта́!” И ке́ли Ёв пхэндя́ дава́, мыя́.

Luka 23:44

Дава́ сыс пашэ́ шов мардэ́ (штунды), и яця́ калыпэ́н пир сари́ пхув кэ еня́то (биекхэ́скиро дэ́што) мардо́.

Roiben 5:20

Со́скэ Ту сарэ́са бистрэса амэн? Со́скэ Ту ячавэса амэн пэ дасаво баро́ часо (цы́ро)?

Roiben 1:12

“Сарэ́нгэ тумэ́нгэ дава́ нисо́, кон джа́ла пэ́скэ (накхэла) маму́й! Ѓа́да, дыкхэ́н: ци исын ишчо (инкэ́) вари-конэ́стэ дасави́ дукх сыр ма́ндэ – со пыя́ пэ ма́ндэ, – савья́са Рай Дэвэ́л притасадя ман дро дывэ́с, ке́ли Ёв холя́сыя зоралэ́с.

Матфеё 27:45

Шовтонэ (дэшудуйтонэ) мардэстыр (штундатыр) яця́ калыпэ́н пир сари́ пхув и рикирдяпэ кэ/жы́ко еня́то (биекхэ́скиро дэ́што) мардо́;

Marko 15:25

Сыс три́то мардо́ (шту́нда), ке́ли ёнэ примардэ Лэс.

Marko 15:35

И вари-савэ́ кодолэ́ манушэ́ндыр, савэ́ сыс тэрдэ́ ада́й, ке́ли ёнэ шундлэ́ дава́, лынэ́ тэ ракирэ́н: “Шунэ́н, Ёв кхарэ́ла Илияс.”