Marko 15:14 - Библия - Пэ Балтитко Романи чиб (Романэс) 2019

¹⁴ Нэ Пила́то пхэндя́ лэ́нгэ: “Саво́ ж чорипэ́н Ёв кэрдя́?” А ёнэ ишчо (инкэ́) зоралэды́р дынэ́ го́дла: “Примар Лэс пэ трушу́л!”

Biblija - Pe Baltitko Romani čib (Romanes) 2019

¹⁴ Ne Piláto phendiá lénge: “Savó ž čoripén Jov kerdiá?” A jone iščo (inké) zoraledýr dyné gódla: “Primar Les pe trušúl!”

Marko 15:14 Referans Kwoze

Luka 23:41

Амэ́нгэ ж сыс чачуно́ сэ́ндо, со амэ сам мол пал дова́, со кэрдя́м; нэ Ёв ж ни саво́ чорипэ́н на кэрдя́.”

1 Petr 1:19

а тумэ́ сан выкиндлэ дрогонэ́ Христосо́скирэ Ратэ́са, Саво́ сыс сыр Свэ́нто Бакроро́, Конэ́стэ на сыс банг и дош.

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Apostolengiri Butý 19:34

Нэ ке́ли ёнэ ґалынэ́, со ёв сыс Юдо, тэды лынэ́ сарэ́ тэ дэн го́дла дрэ екх зан, и пашэ́ дуй мардэ́ (штунды) годлэнас: “Бари исын Артемида Ефесоскири!”

Joannostir 19:6

Ке́ли барэ́ рашая́ и Кхангирья́кирэ дына́рья дыкхнэ́ Исусо́с, ёнэ задынэ го́дла: “Примар, примар Лэс пэ трушу́л!” Пила́то пхэндя́ лэ́нгэ: “Тумэ́ лэн Лэс и кокорэ́ примарэн, пал-дова́ со мэ нисави́ банг на латхава дрэ Лэ́стэ.”

Joannostir 18:38

Пила́то ракирэ́ла Лэ́скэ: “Со да дасаво исын чачипэ́н?” И пхэни́ дава́, Пила́то выгия́ кэ Юды и пхэндя́ лэ́нгэ: “Мэ нисави́ банг на латхём дрэ Лэ́стэ.

Luka 23:47

А халадэ́нгиро барыдыро́, дыкхи́ дава́, пхэндя́: “Дро кадава́ Ману́ш, со мыя́, сыс чачипэ́н”, – и ёв славиндя Дэвлэ́с.

Luka 23:21

Нэ ёнэ задынэ го́дла дро отпхэныбэ́н: “Примар Лэс пэ трушу́л, примар!”

Luka 23:4

Тэды Пила́то пхэндя́ раша́нгирэ барыдырэ́нгэ и манушэ́нгэ: “Мэ на латхём ни сави́ банг дрэ кадалэ́ манушэ́стэ.”

Матфеё 27:54

И шэлэнгирэ-халадэ́нгиро барыдыро́ и халадэ́, савэ́ кхэтанэ́ ракхэнас Исусо́с, сыр дыкхнэ́ пхувья́киро триинскрибэн и саро́, со кэрдя́пэ, страха́дынэ зоралэ́с, ракири́: “Чачэс, дава́ сыс Чхаво́ Дэвлэ́скиро.”

Матфеё 27:19

Ке́ли Пила́то сыс бэшто́ пэ сэндарискиро штэ́то, лэ́скири ромны́ бичхадя́ лэ́скэ лав, пхэни́: “На кэр нисо́ Кадалэскэ Патяибнытконэ Манушэ́скэ; мэ бут пиридживдём дро суно́ (сунэ́) пал Лэ́стэ.”

Матфеё 27:4

пхэни́: “Мэ кэрдём грэ́хо, пал-дова́ со здыём Манушэ́с, Савэ́стэ исын бибангипнаскиро рат.” Нэ ёнэ пхэндлэ́: “Со амэ́нгэ? Дава́ исын тыро́ рэ́ндо.”

Isajos 53:9

Лэс камлэ́ тэ гаравэн кхэтанэ́ прахарьенца, нэ Ёв сыс гарадо́ кэ барвало́ ману́ш, пал-дова́ со Ёв на кэрдя́ грэ́хо, и на сыс хохаибэ́н дрэ Лэ́скирэ ушта́.

Isajos 53:3

Ёв сыс, сыр нисо́ анги́л манушэ́ндэ, Лэ́скэ на дынэ́ паты́в мануша́; Мурш, Саво́ прилыя́ дукха́ амарэ́ и насвалыпэн; амэ отрисиям Лэ́стыр пэ́скирэ мо́са; амэ на камдям тэ дыкхас пэ Лэ́стэ, амэ на приласас Лэс.

Psalmy 69:4

Мэ кхиныём кэ мэнька годлыматыр ясвэ́нца, миро кирло шутия, дрэ мирэ́ якха́ калыя, сыр мэ ужакирава мирэ́ Дэвлэ́с.

Marko 15:13

“Примар Лэс пэ трушу́л!”, – задынэ го́дла нэвэ́стыр ёнэ.

Marko 15:15

Пила́то ж ваш дова́, соб (кай) тэ кэрэ́л манушэ́нгэ пир ило́, отмэкця́ Варавас, а Исусо́с отдыя́ тэ марэ́н чупняса, тэ́ньчи тэ примарэн пэ трушу́л.

Apostolengiri Butý 13:28

Ёнэ на латхнэ́ дрэ Лэ́стэ нисави́ банг ваш мэрибэ́н, и усае́кх мангнэ́ Пилатос тэ мулякирэ́н Лэс.