Marko 14:41 - Библия - Пэ Балтитко Романи чиб (Романэс) 2019

⁴¹ Рисии кэ ёнэ дро три́то мо́ло, Ёв пхэндя́ лэ́нгэ: “Тумэ́ уса́ сан сутэ́ и откхинёна. Ухты́лла (до́си)! Мардо́ явдя́: дыкхэ́н, Чхавэ́с Манушэскирэс здэна дрэ грэхитконэ́-манушэ́нгирэ васта́.

Biblija - Pe Baltitko Romani čib (Romanes) 2019

⁴¹ Risii ke jone dro tríto mólo, Jov phendiá lénge: “Tumé usá san suté i otkhinjona. Uhtýlla (dósi)! Mardó javdiá: dykhén, Čhavés Manušeskires zdena dre grehitkoné-manušéngire vastá.

Marko 14:41 Referans Kwoze

Marko 14:35

И Ёв отгия́ на́бут анги́л, и пыя́ мо́са пэ пхув, мангдя́пэ Дэвлэ́скэ, соб (кай), ко́ли сашты́ (можна), тэ проджал (накхэл) дрэ риг Лэ́стыр дава́ мардо́ (шту́нда);

Marko 9:31

Пал-дова́ со Ёв сыклякирдя́ Пэ́скирэ сыкляибнытконэ́н, и пхэндя́ лэ́нгэ: “Чхавэ́с Манушэскирэс здэна дрэ манушэ́нгирэ васта́, и ёнэ мулякирэна Лэс; и мулякирдо Ёв отджидёла пир трин дывэса́.”

Joannostir 17:1

Пало́ далэ́ лава́ Ису́со ґаздыя́ пэ́скирэ якха́ пэ болыбэ́н и пхэндя́: “Да́до! Миро мардо́ (часо) явдя́: славин Пэ́скирэ Чхавэ́с, соб (кай) Чхаво́ тэ славинэл Тут,

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Joannostir 12:27

Миро Ду́хо (Фа́но) пыя́ какана́; и со Ма́нгэ тэ пхэна́в? Да́до! Зра́кх Ман далэ́ мардэстыр (штундатыр)! Нэ Мэ ваш дава́ и явдём кэ дава́ мардо́.

Joannostir 12:23

Ису́со отпхэндя́ лэ́нгэ: “Явдя́ мардо́ ваш дава́, соб (кай) тэ славинэлпэ Манушэ́скиро Чхаво́.

Joannostir 8:20

Кадалэ́ лава́ Ису́со ракирдя́ пашы́л Кхангирья́кири пиралы́ (тыкнори́), ке́ли Ёв сыклякирдя́ дрэ Кхангири́; и нико́н Лэс на чиладя́, пал-дова́ со Лэ́скиро часо на явдя́.

Joannostir 7:30

И ёнэ камлэ́ Лэс тэ ухтылэ́н, нэ нико́н на чиладя́ Лэс вастэ́са, пал-дова́ со Лэ́скиро часо на явдя́.

Marko 14:18

И ке́ли ёнэ сыс бэштэ́ пал сками́нд и ханас, Ису́со пхэндя́: “Чачэс, Мэ ракира́ва тумэ́нгэ: екх тумэ́ндыр здэла Ман, саво́ ха́ла Ма́нца.”

Marko 14:10

И Юда Искариото, екх дэшудуендыр сыкляибнытконэндыр, гия́ тэды кэ раша́нгирэ барыдыра́ тэ здэл Исусо́с.

Marko 7:9

Тумэ́ шука́р могинэ́на тэ отпарувэн Дэвлэ́скирэ припхэныбэна́ пэ пэ́скирэ присыкляибэна”, – ракирдя́ Ису́со.

Матфеё 26:2

“Тумэ́ джинэ́на, со явэ́ла Патради́ пир дуй дывэса́ и Чхаво́ Манушэ́скиро явэ́ла здыно пэ примарибэн пэ трушу́л.”

Езэкилё 20:39

А тумэ́, Израилёскиро кхэр, – адя́кэ ракирэ́ла Рай Дэвэ́л, Дэвэ́л, джа́н кажно (сва́ко) кэ пэ́скирэ и́долы, дынаринэ́н (служынэн) лэ́нгэ, ко́ли Ман на шунэ́на, нэ на магирэ́н бутэды́р Миро свэ́нто лав тумарэ́ дарэнца и тумарэ́ идолэнца.

Ekliesiastos 11:9

Ра́дынпэ (лошалёв), тэрно́ ману́ш, тырэ́ тэрныпнастыр, и мэк тыро́ ило́ тэ ґаздэл тыро́ ду́хо (фа́но) дрэ дывэса́, ке́ли ту сан тэрно́; и псир одо́й, кай тыро́ ило́ подпхэнэла, и одори́к, карик тырэ́ якха́ тырдэнапэ, нэ ту екх джин, со пал дава́ саро́ Дэвэ́л выкхарэла тут пэ сэ́ндо.

4 Kralip 3:13

И пхэндя́ Елисе́ё Израилёскирэ крали́скэ: “Со ма́нгэ и ту́кэ? Джа́ кэ тырэ́-дадэ́скирэ проро́ки и кэ тырэ́ да́кирэ проро́ки.” И пхэндя́ лэ́скэ кра́ли Израилёскиро: “Над, пал-дова́ со Рай Дэвэ́л кхардя́ кхэтанэ́ адари́к тринэ́ адалэн кралье́н, соб (кай) тэ отдэ́л лэн дрэ Моавоскиро васт.”

3 Kralip 22:15

Тэ́ньци явдя́ ёв кэ кра́ли. О кра́ли пхэндя́ лэ́скэ: “Михе́е! Ци тэ джав амэ́нгэ марибна́са пэ Рамо́фо Галаадостыр, ци над?” И пхэндя́ Михе́е лэ́скэ: “Джа́, ту пиризорьякирэса, Рай Дэвэ́л отдэ́ла лэс дрэ васт тыро́.”

3 Kralip 18:27

Нэ на сыс ни зан (глос), ни отпхэныбэ́н. И ёнэ ухтэнас пашы́л алта́рё (жэртвенико), саво́ ёнэ кэрдэ́. Дрэ пашдывэс Или́я лыя́ тэ салпэ лэ́ндыр, и ёв ракирдя́: “Дэн го́дла зоралэ́с, пал-дова́ со ёв исын дэвлоро; ёв, хай, задуминдяпэ, ци ёв исын залымо вари-со́са, ци ёв исын дрэ дром, а сашты́ тэ явэ́л, со ёв исын суто́, адя́кэ ёв джангадёла.”

Сэндарьенгири Лылвари́ 10:14

джа́н, годлэн кэ дэвлорэ́, савэ́н тумэ́ выкэдынэ́, мэк ёнэ тэ зракхэн тумэн дро пхаро́ ваш тумэ́нгэ часо.

Marko 14:40

И нэвэ́стыр Ёв рисия́ и латхя́, со ёнэ сыс сутэ́, пал-дова́ со лэ́нгирэ якха́ сыс зачхакирдэ и ёнэ на джиндлэ́, со Лэ́скэ тэ отпхэнэн.

Marko 14:42

Уштэ́н, джа́са! Акэ, ужэ сарэ́са пашы́л исын кодова́, кон здэла Ман!”