Marko 13:36 - Библия - Пэ Балтитко Романи чиб (Романэс) 2019

³⁶ соб (кай), ке́ли ёв явэ́ла, тэ на заухтылэл тумэн, со тумэ́ сан сутэ́.

Biblija - Pe Baltitko Romani čib (Romanes) 2019

³⁶ sob (kaj), kiéli jov javéla, te na zauhtylel tumen, so tumé san suté.

Marko 13:36 Referans Kwoze

Marko 14:40

И нэвэ́стыр Ёв рисия́ и латхя́, со ёнэ сыс сутэ́, пал-дова́ со лэ́нгирэ якха́ сыс зачхакирдэ и ёнэ на джиндлэ́, со Лэ́скэ тэ отпхэнэн.

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

Матфеё 25:5

Нэ сыр Тэрно́ на явэ́лас ґара́ (длу́гэс), сарэ́ ёнэ дынэ́ линдра (задреминдлэ) и засутнэ.

Marko 14:37

И Ису́со явэ́ла палэ и латхэ́ла, со ёнэ исын сутэ́, и ракирэ́ла Пэтрискэ: “Симоне, ту сан суто́? Нау́што ту на могиндян екх мардо́ тэ ракхэспэ [тэ на совэс-р.с.]?

Isajos 56:10

Лэ́нгирэ ракхибна́рья сарэ́ рискирибна́скирэ исын корорэ́ и бура (нахрата) мануша́ насыклякирдэ; сарэ́ ёнэ сы́рбы джукэла бичибакирэ, джукэла, савэ́ на башэна, джукэла насвалэ, лэн тырдэла тэ совэн.

Эфесянэнгэ 5:14

Палдава́ исын пхэндло́: “Ушты́, кон исын суто́, и отджидёв, и явэ́ла тэ свэнцынэл ту́кэ Христо́со.”

Luka 22:45

И ке́ли Ёв уштыя́ мангипнастыр, тэды Ёв явдя́ палэ кэ сыкляибны́тка; и латхя́, со ёнэ сыс сутэ́ пэ́скирэ тугатыр

Гиленгири (Соломоно́скири) Гилы́ 5:2

“Мэ сом суты, нэ миро ило́ исын на суто́. Ѓа́да, исын зан, мирэ́ пирамнэ́скири! Ёв марэла дро вуда́р: “Отпхандэ ма́нгэ, мири́ пхэн, мири́ пирамнори́е, мири́ голумбица, мири́ най фэдэды́р. Пал-дова́ со миро шэро́ исын учхакирдо пахлыняса (росаса), мирэ́ крэнца бала́ исын ратитконэ́ сапаныпнаса.

Гиленгири (Соломоно́скири) Гилы́ 3:1

Пэ миро чхуибэ́н мэ родыём раты́ кодолэ́с, кэ саво́ миро ди притырдэла: мэ родыём лэс, нэ мэ на латхём (ластём) лэс.