Biblia Todo Logo
Bib sou entènèt

- Piblisite -




Marko 13:26 - Библия - Пэ Балтитко Романи чиб (Романэс) 2019

26 Тэды мануша́ дыкхэ́на Манушэ́скирэ Чхавэ́с, Саво́ явэ́ла тэ джал дрэ о́блоки барэ́ зорья́са и дрэ сла́ва.

Gade chapit la Kopi

Biblija - Pe Baltitko Romani čib (Romanes) 2019

26 Tedy manušá dykhéna Manušéskire Čhavés, Savó javéla te džal dre óbloki baré zorjása i dre sláva.

Gade chapit la Kopi




Marko 13:26
15 Referans Kwoze  

Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”


“Мэ сом”, – отпхэндя́ Ису́со, – и тумэ́ дыкхэ́на Чхавэ́с Манушэскирэс, сыр Ёв явэ́ла тэ бэшэ́л пир чачо́ васт зорья́тыр, ке́ли Ёв явэ́ла пэ болыбна́скирэ о́блоки.”


И тэды сыкадёла ґерты́к пэ болыбэ́н, сави́ дэ́ла манушэ́нгэ джиныбэ́н, со явэ́ла Чхаво́ Манушэ́скиро, и тэ́ньчи сарэ́ манушы́тка ро́ды явэ́на то ровэ́н пхарэ́с и дыкхэ́на Чхавэ́с Манушэскирэс, Саво́ явэ́ла тэ джал тэлэ́ дрэ о́блоки барэ́ зорья́са и ярконэ Дэвлэ́скирэ слава́са.


Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.


И ке́ли явэ́ла Чхаво́ Манушэ́скиро кралитконэ слава́са и сарэ́ Лэ́скирэ Янголэнца, тэды Ёв бэшэ́ла пэ Лэ́скиро славу́тно троно;


Кон кадава́ грэхитконэ́ и биладжаипнытконэ родо́стыр ладжала Ма́ндыр и лавэ́ндыр Мирэндыр, одолэ́стыр и Чхаво́ Манушэ́скиро ладжала, ке́ли явэ́ла дрэ Дадэ́скирэ – Пэ́скири ярко сла́ва свэнтонэ́ Янголэнца.”


пал-дова́ со Рай Дэвэ́л Кокоро́ явэ́ла Болыбна́скирэ Раёстыр и Лэ́скиро явибэн сыкавэ́ла сарэ́нгэ тэ шунэ́н Архангелоскири зан, зоралы́ сыр Дэвлэ́скиро ро́го (труба), и кон пэ́рво мыя́ патяибна́са дрэ Христосо́стэ, отджидёла мулэ́ндыр;


и савэ́ пхэндлэ́: “Ѓалилеякирэ Мануша́лэ! Со тумэ́ сан тэрдэ́ и дыкхэ́на пэ болыбэ́н? Кадава́ Ису́со, Саво́ сыс ґаздыно́ тумэ́ндыр пэ болыбэ́н, адя́кэ-паць и явэ́ла, сыр тумэ́ дыкхнэ́, сыр Ёв ґаздэласпэ пэ болыбэ́н.”


И Ису́со отпхэнэ́лас лэ́скэ и пхэндя́: “Бахтало́ ту сан, Си́моно Иониноскиро, пал-дова́ со на ману́ш, конэ́стэ исын рат и маса́, дыя́ дава́ чачипэ́н дрэ тыри́ годы́, нэ Миро Дад, Саво́ исын дро Болыбна́скиро Раё.


Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”


И Ёв ракирдя́ лэ́нгэ: “Чачэс, Мэ ракира́ва тумэ́нгэ: ада́й исын тэрдэ́ вари-савэ́, савэ́ на мэрэ́на, пака ёнэ дыкхэ́на, сыр явэ́ла Дэвлэ́скиро Кралипэ́н дрэ сари́ Лэ́скири зор.”


И тэды мануша́ явэ́на тэ дыкхэ́н Манушэ́скирэ Чхавэ́с, Саво́ явэ́ла тэ джал тэлэ́ дрэ о́блоки зорья́са и ярконэ Дэвлэ́скирэ слава́са.


Амэ роспхэнасас тумэ́нгэ джиныбэ́н пал зор, и со сыг явэ́ла амаро́ Рай Дэвэ́л, Ису́со Христо́со на парамысенца, со мануша́ счхудэ годэс, нэ амэ кокорэ́ сам якхи́тка пал Лэ́скиро баро́ райканыпэн.


Swiv nou:

Piblisite


Piblisite