Marko 12:32 - Библия - Пэ Балтитко Романи чиб (Романэс) 2019

³² “Мишто́! Чачипэ́н Ту пхэндя́н, Сыклякирибна́скиро, – пхэндя́ Лэ́скэ лылвари́тко, – “Дэвэ́л исын Екх и яви́р буты́р нанэ апри́ч Лэ́стэ;

Biblija - Pe Baltitko Romani čib (Romanes) 2019

³² “Mištó! Čačipén Tu phendián, Sykliakiribnáskiro, – phendiá Léske lylvarítko, – “Devél isyn Jekh i javír butýr nane apríč Léste;

Marko 12:32 Referans Kwoze

Яви́р Зако́но 4:39

И ту акана́ джин и чхув пэ тыро́ ило́, со Рай Дэвэ́л исын Дэвэ́л упра́л пэ болыбэ́н и пэ пхув тэла́л, и нанэ буты́р апри́ч Лэ́стэ;

Marko 12:29

Ису́со отпхэндя́: “Ѓа́да, исын барэды́р сарэ́ндыр: ‘Шун Израилё! Рай Дэвэ́л амаро́ исын екх Дэвэ́л;

Isajos 46:9

Пририпирэн дова́, со сыс англэды́р сарэ́стыр, пал-дова́ со Мэ сом Дэвэ́л и нанэ явирэ Дэвлэ́с, нанэ никонэ́с, кон зджа́ла (поджала) пэ Ма́ндэ.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Isajos 45:14

Адя́кэ ракирэ́ла Рай Дэвэ́л: “Египтя́ни, савэ́ кэрэ́на буты́, и Ефиопляни, савэ́ бикнэна, и Савейцы, вучэ́ мануша́, явэ́на тырэ́ манушэ́нца; ёнэ пал ту́тэ явэ́на тэ джа́н пхандлэ зандирьенца (цэпэнца), явэ́на, пэрэ́на пэ чанга́, лэ́на тэ мангэ́н тут, ракири́: “Екх (фэ́ни) ту́тэ исын Екх Дэвэ́л, и явирэ нанэ Дэвлэ́с.”

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Яви́р Зако́но 6:4

Шун, Израилё: Рай Дэвэ́л, тумаро́ Рай Дэвэ́л исын Екх;

Яви́р Зако́но 4:35

Ту́кэ сыс дыно́ тэ дыкхэ́с дава́, соб (кай) ту тэ джинэ́с, со екх Рай Дэвэ́л исын Дэвэ́л, и нанэ буты́р апри́ч (кроме) Лэ́стэ;

Яви́р Зако́но 5:7

мэк тэ на явэ́л ту́тэ явирэ́н дэвлэн (яви́р дэвэла́) анги́л Миро муй.

Marko 12:33

и тэ рикирэс сыр Дро́гима Лэс сарэ́ илэ́са, сарэ́ годя́са, сарэ́ зорья́са, тэ рикирэс дро ило́ пашатунэс пэ́скирэс, сыр кокоро́ пэс-буты́р, сыр цэлонэ́-хачкирибнаскирэ дыибэна́ и свэ́нта дыибэна́.”