Marko 12:29 - Библия - Пэ Балтитко Романи чиб (Романэс) 2019

²⁹ Ису́со отпхэндя́: “Ѓа́да, исын барэды́р сарэ́ндыр: ‘Шун Израилё! Рай Дэвэ́л амаро́ исын екх Дэвэ́л;

Biblija - Pe Baltitko Romani čib (Romanes) 2019

²⁹ Isúso otphendiá: “Ĥáda, isyn baredýr saréndyr: ‘Šun Izrailjo! Raj Devél amaró isyn jekh Devél;

Marko 12:29 Referans Kwoze

Яви́р Зако́но 6:4

Шун, Израилё: Рай Дэвэ́л, тумаро́ Рай Дэвэ́л исын Екх;

Luka 10:27

Ману́ш отпхэндя́: “Рикир дрэ пэ́стэ сыр Дро́гима Рас-Дэвлэ́с тырэ́с сарэ́ илэ́са пэскирэса, и сарэ́ тырэ́ духо́са (фаноса), и сарэ́ тырэ́ зорья́са и сарэ́ тырэ́ годя́са, и сыка́в паты́в пэ́скирэ пашатунэ́ манушэ́скэ, сыр кокоро́ пэ́скэ.”

Galatenge 3:20

Нэ Дэвлэ́скэ на трэиндя́ машкиратуно, ке́ли Ёв дыя́ лав Авраамо́скэ екх пэ екх.

Римлянэнгэ 3:30

пал-дова́ со исын екх Дэвэ́л, Саво́ приджинэла чачунэнца одолэ́н, кон кэрдя́ обчхиныбэн пир патяибэ́н и кодолэ́н, савэ́ патя́на, нэ савэ́ исын наобчиндлэ.

Juda 1:25

Екхэ́скэ Дэвлэ́скэ, амарэ́ Зракхибнарискэ пир Христосо́стэ, амарэ́ Ра́скэ-Дэвлэ́скэ тэ явэ́л сла́ва, барипэ́н, зоралыпэ́н и право ададывэ́с и пэ сарэ́ ве́ки. Ами́нь.

1 Коринфянэнгэ 8:4

пал хабэ́н, саво́ янэ́на сыр свэ́нто дыибэ́н идолэ́нгэ, амэ джина́са, со идоло дава́ исын хохано́ дэвлоро дро свэ́то, со Дэвэ́л фэ́ни Екх исын, и яви́р нанэ.

Jakov 2:19

Ту патя́са, со Дэвэ́л исын екх. Ту кэрэ́са миштэ́с. И аж налачхэ́ ду́хи патя́на и издрана.

1 Ximaske 2:5

Пал-дова́ со Дэвэ́л исын Екх, и екх исын машкиратуно (посреднико) машки́р Дэвлэ́стэ и манушэ́ндэ, адава́ ману́ш исын Ису́со Христо́со,

Яви́р Зако́но 30:6

И обчхинэла (парувэла) Рай Дэвэ́л, Дэвэ́л тыро́, ило́ тыро́ и ило́ тырэ́-родоскиро, соб (кай) ту́кэ тэ явэ́л дро́го Рай Дэвэ́л, Дэвэ́л тыро́, сарэ́ тырэ́ илэ́стыр и сарэ́ дестыр тырэстыр, соб (кай) тэ дживэ́с ту́кэ;

1 Ximaske 1:5

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр,

Матфеё 23:9

И никонэ́с пэ пхув тэ на кхарэ́н ‘дадэ́са’, пал-дова́ со тумэ́ндэ исын екх Дад, Саво́ исын дро Болыбна́скиро Раё.

Матфеё 10:37

Конэ́скэ исын дро́го лэ́скиро дад ци буты́р, сыр Мэ, кодова́ исын на́лачхо Ма́нгэ, и кодова́, савэ́скэ исын дро́го чхаво́ ци чхай буты́р, сыр Мэ, кодова́ исын на́лачхо Ма́нгэ,

Яви́р Зако́но 10:12

И палдава́, Израилё, со камэ́ла ту́тыр Рай Дэвэ́л, Дэвэ́л тыро́? Екх дова́, соб (кай) ту тэ дарэс Ра́стыр-Дэвлэ́стыр, Дэвлэ́стыр тырэстыр, соб (кай) ту тэ псирэ́с сарэ́ Лэ́скирэ дромэ́нца, и тэ сыкавэ́н паты́в Лэ́скэ, и тэ дынаринэс Ра́скэ-Дэвлэ́скэ, Дэвлэ́скэ тырэ́скэ, сарэ́ тырэ́ илэ́стыр и сарэ́ тырэ́ дестыр,

Pritčy 23:26

Мро чха́ва! Отдэ́ ма́нгэ тыро́ ило́, и мэк тырэ́ якха́ тэ рикирэнпэ зоралэ́с (тэ придыкхэнпэ) кэ мирэ́ дрома́.

Psalmy 86:10

Пал-дова́ со Ту сан баро́ кэ вучипэ́н и кэрэ́са барэ́ ди́вна бутя́: Ту сан фэ́ни (то́ка) Екх Дэвэ́л.