Marko 12:24 - Библия - Пэ Балтитко Романи чиб (Романэс) 2019

²⁴ Ису́со пхэндя́ лэ́нгэ: “Тумэ́ хохавэнапэ, пал-дова́ со тумэ́ на джинэ́на ни Чхиныбэ́н, ни зор Дэвлэ́скири?

Biblija - Pe Baltitko Romani čib (Romanes) 2019

²⁴ Isúso phendiá lénge: “Tumé xohavenape, pal-dová so tumé na džinéna ni Čhinybén, ni zor Devléskiri?

Marko 12:24 Referans Kwoze

Joannostir 20:9

пал-дова́ со ёнэ ешчэ на джиндлэ́ Свэнтонэ́ Чхиныбна́стыр, со Лэ́скэ трэиндя́ тэ отджидёл мулэ́ндыр.

Матфеё 22:29

Нэ Ису́со отпхэндя́ и пхэндя́ лэ́нгэ: “Тумэ́ дэнапэ дукха́, пал-дова́ со на джинэ́на ни Свэ́нто Чхиныбэ́н, ни зор Дэвлэ́скири.

Эфесянэнгэ 1:19

и саво́ бимеракиро исын Лэ́скиро барипэ́н зоралыпнаскиро ваш амэ́нгэ, саво́ Ёв дэ́ла сарэ́ свэнтонэнгэ, савэ́ патя́на дро Лэ́скирэ-зоралыпнаскиро кэрибэн,

Filipiicenge 3:21

Саво́ парувэла амарэ́ хасибны́тка маса́ адя́кэ, со ёв явэ́ла тэ зджал пэ Лэ́скирэ маса́ зорья́са, савья́са Ёв чхудя́ тэлэ́ саро́ анги́л Пэ́стэ.

Римлянэнгэ 15:4

Палдава́ саро́, со исыс чхиндло́ англэды́р, сыс чхиндло́ ваш амэ́нгэ, соб (кай) амэ тэ сыклёвас, соб (кай) амэ́ндэ тэ явэ́л наде́я вырикирибнаса и подрикирибнаса Свэнтонэ́ Чхиныбна́стыр.

Apostolengiri Butý 17:11

Адалэ́ мануша́ сыс патывалэдыр Фесалоникийцэндыр, ёнэ барэ́ якхэ́нца шундлэ́ пхэныбнытко лав, кажно дывэ́с ёнэ роскэдэнас Свэ́нто Чхиныбэ́н, соб (кай) тэ джинэ́н, ци чачипэ́н Па́вли ракирдя́.

Marko 10:27

Ису́со подыкхця́ пэ лэ́ндэ и пхэндя́: “Манушэ́нгэ дава́ нашты́ апри́ч Дэвлэ́стэ. Дэвлэ́скэ саро́ сашты́.”

Osija 6:2

Пало́ дуй дывэса́ Ёв джидякирэла амэн; пэ три́то дывэ́с Ёв чхувэ́ла пэ ґэра́ амэн, соб (кай) амэ́нгэ тэ джива́с анги́л Лэ́скиро дыкхибэ́н.

Ереме́ё 32:17

“О Раё Дэ́вла, Раё Дэвлалэ! Акэ, Ту создыян болыбэ́н и пхув Пэ́скирэ барэ́ зорья́са и Пэ́скирэ вытырдынэ псикэса, ваш Ту́кэ нисо́ нанэ пхаро́!

Isajos 25:8

Мэрибэ́н хасёла сарэ́са, и выкхосэла Рай Дэвэ́л, Дэвэ́л ясва сарэ́ муендыр и злэла ладж Пэ́скирэ народо́стыр пир сари́ пхув, пал-дова́ со адя́кэ ракирэ́ла Рай Дэвэ́л.

Joannostir 5:39

Тумэ́ сыклякирэ́на миштэ́с Свэ́нто Чхиныбэ́н, пал-дова́ со тумэ́ дэна годы пэскэ думинэ́на, со пир лэ́стэ тумэ́ндэ явэ́ла ве́чно джиибэ́н; а Свэ́нто Чхиныбэ́н допхэнэ́ла пал Ма́ндэ,

Luka 1:37

пал-дова́ со Дэвлэ́стэ нанэ нисо́, соб (кай) Ёв на дэ́лас бы ра́да (могинэлас) тэ кэрэ́л.

Osija 13:14

Мэ выкинава лэн люноскирэ/адоскирэ (Шэолоскирэ) зорья́тыр, Мэ выракхава лэн мэрибна́стыр. О Мэрибэ́н! Кай исын Тыро́ жало (мэрибнытко трута/ядо)? О лю́но (адо)? Кай исын тыри́ зберда (победа) [тыро́ хасибэ́н-ю.о.]? Мирэ́ якхэ́ндыр гарадо́, соб (кай) Мэ тэ сыкавав ило́ ваш лэ́нгэ.

Osija 6:6

Пал-дова́ со Ма́нгэ исын древа́н пир ило́ лачхэ́-илы́ткима, а на свэ́нто дыибэ́н, и джиныбэ́н пал Ма́ндэ, Дэвлэ́стэ, буты́р, сыр цэ́ло схачкирибэ́н.

Isajos 26:19

Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

Дание́лё 12:2

И бут кодолэ́, савэ́ исын сутэ́ дро пхувья́киро пра́хо, джангадёна, екх ваш ве́чно джиибэ́н, яви́р пэ ве́чно ладжаипэ́н и обракирибэн.

Isajos 8:20

Пропатякирэн лэн пир сыкадыипэн дро Зако́но и откэрибэн. Ко́ли ёнэ (кон выкхарэла мулэн) на ракирэ́на адя́кэ, сыр дава́ лав, тэ́ньчи нанэ дрэ лэ́ндэ дуд (свэ́то).

Džiibén 18:14

“Ци исын вари-со тэ явэ́л пхаро́ ваш Ра́скэ-Дэвлэ́скэ? Дро пхэндло́ часо Мэ ява́ва кэ ту пэ яви́р бэрш, и Сарратэ явэ́ла чхаво́.”

Osija 8:12

Мэ чхиндём ваш лэ́скэ барэ́ лава́ Мирэ́ Законо́стыр, нэ ёв погиндя лэн пал чу́жа [ди́вна-ю.о.] пхэныбэна.

Marko 12:23

Дро отджидыипэн, ке́ли ёнэ уштэна мэрибна́стыр, конэ́скири ромны́ явэ́ла кадая́ джувлы́? Пал-дова́ со сарэ́ эфта́ пша́ла сыс ла́кирэ рома́.”

Marko 12:25

Савэ отджидёна мэрибна́стыр, на явэ́на тэ выджа́н палоро́м; и на явэ́на тэ лэнпэ; а ёнэ явэ́на сыр Янго́лы дро Болыбна́скиро Раё.