Biblia Todo Logo
Bib sou entènèt

- Piblisite -




Marko 12:14 - Библия - Пэ Балтитко Романи чиб (Романэс) 2019

14 Кодолэ́ мануша́ явнэ́ кэ Ису́со и пхучнэ́: “Сыклякирибна́скиро! Амэ джина́са, со Ту сан чачуно́ и сыклякирэса Дэвлэ́скирэ чачипнэнгэ, на дыкхи́ пэ манушэ́скиро штэ́то машки́р явирэ манушэ́ндэ, Ту на дарэса никонэстыр; пхэн амэ́нгэ чачунэ́с: ци пир Зако́но тэ плэскирас мыто кесарёскэ? Тэ плэскирас амэ́нгэ ци над?”

Gade chapit la Kopi

Biblija - Pe Baltitko Romani čib (Romanes) 2019

14 Kodolé manušá javné ke Isúso i phučné: “Sykliakiribnáskiro! Ame džinása, so Tu san čačunó i sykliakiresa Devléskire čačipnenge, na dykhí pe manušéskiro štéto maškír javire manušénde, Tu na daresa nikonestyr; phen aménge čačunés: ci pir Zakóno te pleskiras myto kiesarjoske? Te pleskiras aménge ci nad?”

Gade chapit la Kopi




Marko 12:14
36 Referans Kwoze  

нэ, сыр Дэвэ́л выкэдыя́ амэн ваш дава́, соб (кай) тэ роспхэнас бахталы́ зан (звесь), адя́кэ амэ и ракираса на ваш манушэ́нгиро ило́, нэ сыр трэй Дэвлэ́скэ, Саво́ пропатякирэла амарэ́ илэ.


И кодолэ́, савэ́ сыс дрэ паты́в, – савэ́ ёнэ тэ на явэ́н, – ваш ма́нгэ ёнэ сарэ́ исын сыр екх – Дэвэ́л на дыкхэ́ла пэ манушы́тко муй, – на пхэндлэ́ ни саво́ нэво́ лав кэ миро роспхэныбэн;


Нау́што мэ патякирава манушэ́н ци Дэвлэ́с? Ци мэ родава вари-со, соб (кай) мэ тэ явав лачхо́ манушэ́нгэ? Пал-дова́, со ко́ли мэ тэ явав лачхо́ манушэ́нгэ, тэды мэ на ява́ва Христосо́скиро писха́ри.


Палдава́ какана́ амэ на сэндинас манушэ́н пир далэ́-свэтоскиро манушы́тко; а ко́ли амэ и сэндиндям Христосо́с, сыр сарэ́ сэндинэна, тэды амэ буты́р на кэра́са адя́кэ.


Палдава́, сыр амэ джина́са, со дава́ значынэ́ла тэ дарас Дэвлэ́стыр, то амэ патякира́са явирэ манушэ́н дро дава́ чачипэ́н; Дэвэ́л джинэ́ла амэн сарэ́са, и ма́ндэ исын лачхо́ ужакирибэ́н, со и тумэ́ джинэ́на саро́ пал амэ́ндэ.


Пал-дова́ со амэ на янаса дош Дэвлэ́скирэ лавэ́скэ, сыр бут мануша́ адя́кэ кэрэ́на, нэ амэ сарэ́ илэ́стыр, Кокорэ́ Дэвлэ́стыр ракираса Христосо́скирэ зорья́са анги́л Дэвлэ́скирэ якха́.


Ко́ли мэ яна́ва тумэ́нгэ баро́ пиридживипэн, кон жа исын одова́, кон адя́кэ-паць и обрадынэла ман, ко́ли на одова́-паць, конэ́скэ мэ яна́ва баро́ пиридживипэн?


Одова́, саво́ ракирэ́ла кокоро́ пэ́стыр, мангэ́ла пэ́скэ сла́ва; нэ кон родэ́ла сла́ва Одолэ́скэ, кон бичхадя́ Лэс, Одова́ сын чачуно́, и хохаибэ́н нанэ дрэ Лэ́стэ.


Палдава́ тумэ́ и плэскирэна намирья (подати): пал-дова́ со ёнэ исын Дэвлэ́скирэ дына́рья, и ґа́да, исын лэ́нгири буты́.


И ёнэ лынэ́ тэ бангякирэн Исусо́с, ракири́: “Амэ приджиндям, со адава́ ману́ш лыджа́ла криг амари́ нацыя чачунэ́ дромэ́стыр и припхэнэла тэ на плэскирэн мыто Кесарёскэ; Ёв допхэнэ́ла, со Ёв Кокоро́ исын Христо́со Кра́ли.


Ци исын пир Зако́но тэ плэскирас мыто кесарёскэ ци над?”


И екха́тыр подги́я ёв кэ Ису́со, ракири́: “Добридим, Равви!” И чамудя Лэс.


тэды пхэн амэ́нгэ, сыр Ту думинэса: ци исын пир Зако́но тэ плэскирас намирья (подать) кесарёскэ ци над?”


Нэ ма́ндэ, Михаёстэ, исын пхэрды́ зор, сави́ дыя́ Рай Дэвэ́л пир Свэ́нто Ду́хо, чачипэ́н и зоралыпэ́н, соб (кай) ма́нгэ тэ припхэнав (тэ сыкавав) Яково́скэ лэ́скиро чорипэ́н, и Израилёскэ лэ́скиро грэ́хо.


Пал-дова́ со тумэ́ хохадэ пэс дрэ тумарэ́ илэ, ке́ли тумэ́ бичхадэ́ ман кэ Рай Дэвэ́л, тумаро́ Дэвэ́л, пхэни́: “Помангпэ пал амэ́ндэ Ра́скэ-Дэвлэ́скэ, амарэ́ Дэвлэ́скэ: и саро́, со Рай Дэвэ́л, амаро́ Дэвэ́л пхэнэ́ла, то ту пхэнэ́са анги́л сарэ́ндэ – и дова́ амэ ява́са тэ кэра́с.”


О Раё Дэ́вла, зра́кх миро ди хоханэ́ уштэндыр, фрэнтонэ чибатыр.


Ёнэ ґаздынэ́ васт пэ одолэ́ндэ, савэ́ сыс дро рама́нё лэ́нца; ёнэ пхагирдэ́ пэ́скиро доракирибэ́н;


И ла́кирэ барьякирдэ́ ёй дэ́ла бутэ́ кральенгэ, пир савэ́ндэ Ту лыян зор пэ амэ́ндэ пал грэ́хи амарэ́. И ёнэ рикирна зор пэ амарэ́ маса́ и пэ амарэ́ кхэритконэ́ мурдалэ́ндэ (ското) пир пэ́скиро ило́, и амэ сам притасадэ.


И адя́кэ мэк тэ явэ́л дар Ра́скирэ-Дэвлэ́скири пэ тумэ́ндэ: кэрэ́н, обдумины (обдыкхи); пал-дова́ со нанэ Растэ-Дэвлэ́стэ, Дэвлэ́стэ амарэстэ, ни начачипэ́н, ни дуемуиткима, ни соб (кай) тэ прилэ́н да́ры.


И пхэндя́ Михе́ё: “Тэ явэ́л джидо́ Рай Дэвэ́л, – со пхэнэ́ла ма́нгэ миро Дэвэ́л, дова́ пхэна́ва мэ.”


на пирикрэнцын Зако́но, на дыкх пэ муя́, и на лэ почастунко (да́ро), пал-дова́ со почастунко корьякирэла годьварэнгирэ якха́ и пирикрэнцынэла чачунэнгиро лава́;


Ко́ли Дэвэ́л сыкадя́ Пэ́скиро лачхипэ́н кэ амэ и дыя́ дасави́ буты́ амэ́нгэ, тэды амэ на пэраса илэ́са.


И ёнэ бичхадэ́ кэ Ёв пэ́скирэ сыкляибнытконэ́н кхэтанэ́ Иродианэнца тэ пхучэ́н Лэ́стыр: “Сыклякирибна́скиро! Амэ джина́са, со Ту сан чачуно́ и сыклякирэса пал дром кэ Дэвлэ́скиро чачипэ́н, на дыкхи́ пэ манушэ́скиро штэ́то машки́р явирэ манушэ́ндэ, и Ту на дарэса никонэстыр, со Ту на дыкхэ́са пэ лэ́скиро штэ́то машки́р манушэ́ндэ;


И ёнэ бичхадэ́ кэ Ису́со вари-савэ́ Фарисеендыр и Иродианэндыр, соб (кай) тэ ухтылэ́н Лэс дро лав.


Ису́со джиндя́ лэ́нгири фротыма и пхэндя́ лэ́нгэ: “Со́скэ тумэ́ камэ́на тэ пропатякирэн Ман?” – пхуця́ Ёв. “Янэ́н Ма́нгэ динариё тэ дыкха́в.”


Swiv nou:

Piblisite


Piblisite