Marko 11:23 - Библия - Пэ Балтитко Романи чиб (Романэс) 2019

²³ Чачэс ракира́ва тумэ́нгэ: “Ко́ли кон припхэнэла далякэ бэргакэ: ‘Ѓаздэпэ и чхурдэпэ дро пани́’ и, ко́ли тумэ́ на явэ́на тэ кунинэнпэ дро тумаро́ ило́, и явэ́на тэ патя́н, со явэ́ла дова́, со ёв ракирэ́ла, тэды Дэвэ́л сполнинэла ваш адалэ́ манушэ́скэ.

Biblija - Pe Baltitko Romani čib (Romanes) 2019

²³ Čačes rakiráva tuménge: “Kóli kon priphenela daliake bergake: ‘Ĥazdepe i čhurdepe dro paní’ i, kóli tumé na javéna te kuninenpe dro tumaró iló, i javéna te patián, so javéla dová, so jov rakiréla, tedy Devél spolninela vaš adalé manušéske.

Marko 11:23 Referans Kwoze

Матфеё 17:20

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Joannostir 15:7

Нэ ко́ли тумэ́ ячэ́напэ дрэ Ма́ндэ и Мирэ́ лава́ ячэ́напэ дрэ тумэ́ндэ, тэды мангэ́н, со тумэ́нгэ трэй, и тумэ́нгэ явэ́ла дыно́.

Матфеё 21:21

И Ису́со отпхэндя́ лэ́нгэ: “Чачэс, Мэ ракира́ва тумэ́нгэ: ко́ли явэ́ла тумэ́ндэ патяибэ́н и тумэ́ на кунинэнапэ, то кэрэ́на на со екх инжыритконэ каштэса, со сыс лэ́са, а, ко́ли пхэнэ́на далэ́ бэргакэ: ‘Джа́ штэто́стыр и чхурдэпэ дро мо́рё (дэрья́в), и явэ́ла’,

Psalmy 37:4

Бахталёв куч миштыпнаса Ра́стыр-Дэвлэ́стыр, соб (кай) Ёв тэ дэл тумэ́нгэ, со тыро́ ило́ древа́н ужакирэ́ла.

Joannostir 14:13

И со тумэ́ тэ на помангэн Дадэ́стыр Мирэ́ лавэ́стыр, Мэ саро́ кэра́ва дова́, и Дад сыкавэ́ла Пэ́скири сла́ва пир Чхавэ́стэ.

Luka 17:6

Нэ Рай Дэвэ́л отпхэндя́: “Ко́ли тумэ́ндэ явэ́лас ада́кицы патяибэ́н сыр дая́ гарчыцытко зя́рка, тумэ́ пхэнэнас пэ дава́ инжыритко кашт: ‘Вытырдэпэ сарэ́ корне́нца (рукхэ́нца) и пирисодинпэ дро мо́рё (дэрья́в)!’ – и ёв покандэлас тумэн.

1 Коринфянэнгэ 13:2

И ко́ли ма́ндэ исын тала́но тэ ангилпхэнав, и мэ джино́м сарэ́ чораханыбэна и ма́ндэ сыс джиныбэ́н и дасаво патяибэ́н, со мэ могинав тэ пирикхара́в (пиричхува́в) бэ́рги, а ма́ндэ нанэ пшалы́тко паты́в, тэды мэ сом нико́н.

Матфеё 14:13

И сыр Ису́со шундя́ дая́ зан, то дурия одотхы́р пэ ба́рка екхджино́ пэ чхучо́ штэ́то; и ке́ли мануша́ шундлэ́ пал дава́, ёнэ гинэ́ пал Лэ́стэ пэзал форье́ндыр.