Marko 11:13 - Библия - Пэ Балтитко Романи чиб (Романэс) 2019

¹³ и Ёв дыкхця́ дура́л инжыритко кашт (дрэ́во), саво́ сыс чхакирдо патренца (листэнца) и подги́я пашылэды́р тэ дыкхэ́л, ци исын пэ лэ́стэ барьякирдэ́ (пло́ды). Нэ барьякирдэ́ пэ кашт на сыс, екх патря, пал-дова́, со часо ваш му́ри на явдя́.

Biblija - Pe Baltitko Romani čib (Romanes) 2019

¹³ i Jov dykhciá durál inžyritko kašt (drévo), savó sys čhakirdo patrienca (listenca) i podgíia pašyledýr te dykhél, ci isyn pe léste barjakirdé (plódy). Ne barjakirdé pe kašt na sys, jekh patria, pal-dová, so časo vaš múri na javdiá.

Marko 11:13 Referans Kwoze

Матфеё 21:19

И дыкхця́ Ёв инжыритко кашт пашы́л дром, подги́я кэ ёв, и нисо́ на латхя́ пэ дава́ кашт (дрэ́во)-екх патря (листы), и пхэндя́ пэ кашт: “Тэ на явэ́л ние́кхвар барьякирдо́ (пло́до) ту́тыр!” И инжыритко кашт ада́й жа зашутия.

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Luka 10:31

И сыс адя́кэ, со екх раша́й гия́ долэ́ дромэ́са и, ке́ли дыкхця́ лэс, гия́ дурэды́р.

1 Kralip 6:9

и дыкхэ́н, ко́ли ёв джа́ла кэ пэ́скирэ рига́, кэ Вефсамиса, тэды ёв кэрдя́ амэ́нгэ бари холы́; ко́ли над, тэды амэ ява́са тэ джинас, со на лэ́скиро васт домардя́ амэн, а кэрдя́пэ дава́ амэ́нца пир ваканцыя.”

Ruta 2:3

Ёй гия́, и явдя́, и подкэдыя пэ фэ́лда ко́лосы пала́л укэдыбнарьендэ. И выгия́, со доя́ фэлдакиро паш сыс Воозоскири, саво́ сыс Елимелехоскирэ кхэритконэ́ родо́стыр (племёстыр).

Isajos 5:2

Ёв обкэрдя (облыджия) лэс тыноса, жужакирдя лэс барэндыр, чхудя́ дрэ лэ́стэ лачхэ́ винаградоскирэ кашта́, кэрдя́ кхэр дрэ лэ́стэ, выґанадя одо́й штэ́то, соб (кай) тэ тасавэн винаградо, и ужакирэлас, со янэ́ла ёв лачхо́ барьякирдо́ (пло́до), а ёв яндя́ барьякирдо́ на́лачхо.

Marko 11:12

И пэ яви́р дывэ́с, ке́ли ёнэ выгинэ́ Вифаниятыр, Ису́со бокхалыя;

Marko 11:14

И пхэндя́ Ёв пэ дава́ кашт: “Мэк нико́н тэ на хал барьякирдо́ ту́тыр ние́кхвар.” И сыкляибны́тка Лэ́скирэ шундлэ́ дава́.