Marko 10:39 - Библия - Пэ Балтитко Романи чиб (Романэс) 2019

³⁹ “Могинаса”, – отпхэндлэ́ ёнэ Лэ́скэ. Тэды Ису́со пхэндя́ лэ́нгэ: “Тэ пьен тахта́й (чаша), саво́ Мэ пьява, и тэ болэнпэ болдэипнаса, савэ́са Мэ сом болдо, тумэ́ явэ́на;

Biblija - Pe Baltitko Romani čib (Romanes) 2019

³⁹ “Moginasa”, – otphendlé jone Léske. Tedy Isúso phendiá lénge: “Te p'jen tahtáj (čaša), savó Me pjava, i te bolenpe boldeipnasa, savésa Me som boldo, tumé javéna;

Marko 10:39 Referans Kwoze

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

Apostolengiri Butý 12:2

И мулякирдя́ Яково́с, Ианоскирэ пшалэ́с куртала́са.

Колосянэнгэ 1:24

Какана́ мэ радынавапэ дрэ мирэ́ мэ́ньки пал тумэ́ндэ, ко́ли Христосо́скирэ мэ́ньки на ухтылдэ́ ма́нгэ, тэды лэн мэ дочхувава мирэ́ лочаса ваш Лэ́скирэ мэ́ньки Лэ́скирэ Масэнгэ, Савэ исын Кхангири́.

Joannostir 17:14

Мэ пиридыём лав Тыро́ лэ́нгэ, и свэтоскэ сыс древа́н на пир ило́, пал-дава́ со ёнэ нанэ далэ́ свэто́стыр, сыр и Мэ на сом далэ́ свэто́стыр.

Joannostir 15:20

Рипирэн лав, саво́ Мэ пхэндём тумэ́нгэ: дына́ри исын на барэды́р пэ́скирэ хуластыр. Ко́ли ёнэ Ман традынэ, и тумэн явэ́на тэ традэ́н; ко́ли ёнэ Миро лав кандэнас, ёнэ явэ́на тэ кандэ́н и тумаро́ лав.

Joannostir 13:37

Пэ́три пхэндя́ Лэ́скэ: “Раё Дэ́вла! Со́скэ Ма́нгэ нашты́ тэ джав пал Ту́тэ какана́? Мэ чхува́ва пэ́скиро ило́ пал Ту́тэ.”

Marko 14:36

и Ёв ракирдя́: “Авва, Да́до! Ту саро́ могинэ́са. Лы́джа дава́ тахта́й (чаша) дрэ риг Ма́ндыр; а мэк тэ на явэ́л адя́кэ, сыр Ма́нгэ исын пир ило́, а сыр исын Ту́кэ пир ило́.”

Marko 14:31

А Пэ́три ишчо (инкэ́) буты́р патякирэлас: “И ко́ли ма́нгэ явэ́ла трэй тэ мэрав Ту́са, мэ на отпхэнавапэ Ту́тыр.” И сарэ́ сыкляибны́тка ракирдэ́ дова́-паць.

Матфеё 10:25

Ухты́лла (до́си) ваш сыкляибнытконэскэ, соб (кай) ёв тэ явэ́л дасаво, сыр лэ́скиро сыклякирибна́скиро (учытелё), и писха́ри дасаво, сыр лэ́скиро рай. Ко́ли сэмякирэ хула́с прокхардэ Вельзэвуло, сыр бутэды́р налачхэ́ лавэ́нца кхарна хула́скирэ кхэритконэн?’

Матфеё 3:6

и ёв болдя лэн дро Иорда́но, пало́ дова́, сыр ёнэ приґалёнас пэ́скирэ грэ́хи.