Marko 10:30 - Библия - Пэ Балтитко Романи чиб (Романэс) 2019

³⁰ конэ́стэ на явэ́лас дрэ шэл мо́лы буты́р долэ́стыр, со лэ́ндэ исын дро дава́ джиибэ́н: кхэра́, пшалэ́н, пхэнен, даен, чхаворэ́н, фэ́лды, нэ кхэтанэ́ сарэ́са и традыпэна, а дро англатуно́ джиибэ́н ёнэ дорэсэ́на (долэна) ве́чно джиибэ́н.

Biblija - Pe Baltitko Romani čib (Romanes) 2019

³⁰ konéste na javélas dre šel móly butýr doléstyr, so lénde isyn dro davá džiibén: kherá, pšalén, phenien, dajen, čhavorén, féldy, ne khetané sarésa i tradypena, a dro anglatunó džiibén jone doreséna (dolena) viéčno džiibén.

Marko 10:30 Referans Kwoze

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Luka 18:30

соб (кай) лэ́стэ тэ на явэ́л бут мо́лы бутэды́р дро дава́ джиибэ́н, и дро ве́чно джиибэ́н, саво́ явэ́ла.”

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Малахия 3:10

Янэ́н цэ́ла дэшэнгирья дрэ пиралы́, соб (кай) тэ явэ́л хабэ́н дро Миро кхэр, и спробинэн Ман далэ́са акана́, – ракирэ́ла янголэ́нгирэ-болыбна́скиро Рай Дэвэ́л, – ци псиравава (откэрава) Мэ фэнштры пэ болыбэ́н и бичхава́ва тумэ́нгэ ада́кицы бахтякирибэна, соб (кай) тэ на ухтылэл штэ́то тэ прилэ́н лэн.

Jakov 5:11

Ѓа́да, амэ гинаса бахталэнца одолэ́ манушэ́н, савэ́ сыс зоралэ́с тэрдэ́ дрэ мэ́ньки. Тумэ́ шундлэ́ пал Иоваскири тва́рдыма дрэ мэ́ньки и дыкхнэ́, со ёв дорэсця́ дро ко́нцо (дро яго́ро) Дэвлэ́стыр, пал-дова́ со Дэвэ́л древа́н тангинэла и жалинэла манушэ́н.

Pritčy 16:16

Пэ бут фэды́р исын сувнака́стыр тэ ячэс годэдыр, и тэ ячэс барэ́-годякирэса исын фэды́р рупэ́стыр.

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

1 Ximaske 6:6

Нэ исын бари льго́та, ко́ли манушэ́стэ исын дар анги́л Дэвлэ́стэ и ёв исын древа́н радо сарэ́стыр, со исын лэ́стэ.

Apostolengiri Butý 5:41

Палдава́ Апо́столы гинэ́ Синедрионостыр радыма́са, пал-дова́ со лэ́нгэ приявдяпэ тэ пирилыджан дасаво ладжаипэ́н ваш Дэвлэ́скирэ-Исусо́скиро лав.

2 Паралипоменоно 25:9

И пхэндя́ Ама́сия Дэвлэ́скирэ манушэ́скэ: “Со тэ кэра́в шэлэ талантэнца, савэ́ мэ отдыём Израилёскирэ халадэнгэ?” И пхэндя́ Дэвлэ́скирэ ману́ш: “Сашты тэ явэ́л (могинэ́ла) Рай Дэвэ́л тэ дэл ту́кэ буты́р далэ́стыр.”

1 Ian 3:1

Дыкхэ́н! Сави́ бари ра́дыма дыя́ амэ́нгэ Дад, соб (кай) тэ кхарэ́н амэн Дэвлэ́скирэ чхаворэнца. Палдава́ свэ́то на джинэ́ла тумэн, пал-дова́ со на приґалыя Лэс.

2 Фесалоникийцэнгэ 2:16

Мэк Кокоро́ амаро́ Рай Дэвэ́л, Ису́со Христо́со, и Дэвэ́л амаро́ Дад, Савэ́скэ яця́м дро́га амэ и дыя́ пир бахталыпэ́н ве́чно подрикирибэ́н и лачхи́ наде́я,

Римлянэнгэ 6:23

Пал-дова́ со плэскирибэн пал грэ́хо исын мэрибэ́н, а Дэвлэ́скиро тала́но пир бахталыпэ́н исын ве́чно джиибэ́н дрэ Исусо́стэ Христосо́стэ, амарэ́ Растэ-Дэвлэ́стэ.

Римлянэнгэ 5:3

Нэ на дрэ екх дава́ исын амари́ ра́дыма, а амэ адя́кэ-паць радынасапэ дрэ амарэ́ пхарипэна, пал-дова́ со амэ джина́са, со пир пхарипэ́н барьёла амаро́ вырикирибэн.

Apostolengiri Butý 16:25

Дрэ пашрат Па́вли и Сила мангнэпэ Дэвлэ́скэ и багандлэ шардытка гиля́ Дэвлэ́скэ, и штарибнарья шундлэ́ лэн.

Joannostir 10:23

И псирдя́ Ису́со дрэ Кхангири́, пир Соломоно́скиро трэ́мо.

Матфеё 12:32

И ко́ли вари-кон пхэнэ́ла лав пэ Чхавэ́стэ Манушэскирэстэ, лэ́скэ грэ́хо явэ́ла отмэкно, нэ кодова́, саво́ пхэнэ́ла лав пэ Свэ́нто Ду́хо (Фа́но), лэ́скиро грэ́хо на явэ́ла отмэкно ни дро дава́ ве́ко, ни дро ве́ко, саво́ явэ́ла.

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

Psalmy 84:11

Пал-дова́ со екх дывэ́с пэ Тыри́ грэ́да исын фэды́р, сыр бар (тысёнцо) дывэса́. Мэ выкэдыём фэды́р тэ тэрдёвав пашы́л вуда́р Дэвлэ́скирэ-Кхэрэ́скиро, сыр тэ джива́в дрэ ша́тры, кай фуй мануша́.

1 Ian 2:25

И, акэ, исын дова́, пал со Христо́со Кокоро́ дыя́ лав, дава́ исын ве́чно джиибэ́н.

Матфеё 13:8

и яви́р пынэ́ пэ лачхи́ пхув, и дынэ́ прибарипэн дрэ шэл мо́лы, яви́р дрэ шовдэша́, и яви́р дрэ трия́нда.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

1 Ximaske 4:8

Пал-дова́ со, кон залэлапэ пэ́скирэ мускулэнца и масэнца, дава́ лэ́скэ зорьякирэла лэ́скирэ маса́-дава́ исын набаро́ лачхипэ́н, нэ кон дживэ́ла дара́са анги́л Дэвлэ́стэ, одова́ янэ́ла лачхипэ́н пир саро́ и дэ́ла наде́я дро дава́ свэ́то и дрэ дова́, со явэ́ла анги́л.