Marko 10:23 - Библия - Пэ Балтитко Романи чиб (Романэс) 2019

²³ Ису́со лыджия́ трусця́л и пхэндя́ Пэ́скирэ сыкляибнытконэ́нгэ: “Сыр пхаро́ явэ́ла барвалэскэ тэ заджа́л дро Кралипэ́н дро Дэвлэ́скиро Раё.”

Biblija - Pe Baltitko Romani čib (Romanes) 2019

²³ Isúso lydžijá trusciál i phendiá Péskire sykliaibnytkonénge: “Syr pharó javéla barvaleske te zadžál dro Kralipén dro Devléskiro Rajo.”

Marko 10:23 Referans Kwoze

1 Коринфянэнгэ 1:26

Палдава́ рипирэ́н, пшала́лэ, кон тумэ́ са́нас анги́л дова́, сыр Дэвэ́л прикхардя тумэн: на́бут тумэ́ндыр са́нас годьварэ́ пир манушы́тко годы́, на́бут тумэ́ндыр са́нас барэ́ мануша́, на́бут тумэ́ндыр са́нас славутнонэ родо́стыр;

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Luka 18:24

А ке́ли Ису́со дыкхця́, со ману́ш яця́ древа́н смэнтно, ёв пхэндя́: “Сыр пхаро́ явэ́ла барвалэскэ тэ заджа́л дро Кралипэ́н дро Дэвлэ́скиро Раё;

Marko 3:5

Тэды Ису́со облыджия лэн холямэ́ дыкхибнаса, и тугиндя пал лэ́нгирэ пхарэ́ илэ, и пхэндя́ калекаскэ: “Протырдэ тыро́ васт!” Ёв протырдыя́, и васт лэ́скиро яця́ састо́ сарэ́са.”

2 Petr 1:11

и палдава́ тумэ́нгэ дэ́лапэ пхэрдо́ право тэ заджа́н дро ве́чно кралипэ́н амарэ́ Дэвлэ́скирэ и Зракхибнарискирэ, Исусо́скиро Христосо́скиро.

Jakov 4:4

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.

Joannostir 3:5

Ису́со отпхэндя́: “Чачэс, чачэс, Мэ ракира́ва ту́кэ: ко́ли кон на бияндёла пане́стыр и Духо́стыр (Фаностыр), ёв нашты́ тэ заджа́л дро Кралипэ́н дро Дэвлэ́скиро Раё.

Marko 10:15

Чачэс, ракира́ва тумэ́нгэ: кон на прилэ́ла Кралипэ́н дро Дэвлэ́скиро Раё, адя́кэ сыр дава́ бия́то, одова́ на заджа́ла дро Кралипэ́н.’”

Marko 5:32

Ису́со облыджия манушэ́н дыкхибнаса, соб (кай) тэ дыкхэ́л, кон дава́ кэрдя́.

Матфеё 18:3

и пхэндя́: “Чачэс, Мэ ракира́ва тумэ́нгэ: ко́ли тумэ́ на парудёна и на ячэ́на сыр бияты, тумэ́ никели на заджа́на дро Кралипэ́н дро Болыбна́скиро Раё.

Ióvo 31:24

Ци, ко́ли мэ тэ ужакирав лачхипэ́н сувнака́стыр, ці, ко́ли мэ тэ пхэна́в выкэдынэ́ сувнакаскэ: “Дрэ ту́тэ мэ зоралэ́с патя́ва.”

Marko 10:22

Ману́ш яця́ смэнтно (скучно) далэ́ лавэ́ндыр, и гия́ дрэ риг пхарэ́ минаса: пал-дова́, со Ёв сыс древа́н барвало́.