Marko 10:14 - Библия - Пэ Балтитко Романи чиб (Романэс) 2019

¹⁴ Нэ ке́ли Ису́со дыкхця́ дава́, Ёв холя́сыя и пхэндя́: “Мэкэ́н чхаворэ́н кэ Мэ; и на тэрдён пэ дром лэ́ндэ, пал-дова́ со Кралипэ́н дро Болыбна́скиро Раё явэ́ла лэ́нгиро.

Biblija - Pe Baltitko Romani čib (Romanes) 2019

¹⁴ Ne kiéli Isúso dykhciá davá, Jov xoliásyja i phendiá: “Mekén čhavorén ke Me; i na terdjon pe drom lénde, pal-dová so Kralipén dro Bolybnáskiro Rajo javéla léngiro.

Marko 10:14 Referans Kwoze

Матфеё 19:14

Нэ Ису́со пхэндя́: “Мэкэ́н биятэ́н и на тэрдён пэ дром лэ́ндэ тэ явэ́н кэ Мэ; пал-дова́ со Кралипэ́н дро Болыбна́скиро Раё явэ́ла ваш адасавэ́ манушэ́нгэ, савэ́ исын сыр кадалэ́ бияты (чхаворэ́)”,

Матфеё 18:10

Дыкхэ́н, на дыкхэ́н вучипна́стыр ни пэ конэ́стэ кадалэ́ тыкнэндыр: пал-дова́ со лэ́нгирэ Янго́лы, савэ́ исын дро болыбэна, дыкхэ́на кажно мо́ло Дадэ́с Мирэс, Саво́ исын дро Болыбна́скиро Раё.

Матфеё 18:4

Палдова́, кон тыкнякирэла пэс сыр одова́ явэ́ла бия́то, явэ́ла най барэды́р дро Кралипэ́н дро Болыбна́скиро Раё,

1 Petr 2:2

а явэ́н тумэ́ сы́рбы бияты, савэ́ фэ́ни со бия́ндынэ, и тумэ́ тырдэнпэ кэ лавитко тхуд (Дэвлэ́скиро лав), соб (кай) тэ чалякирэнпэ лэ́са и тэ барьён кэ зракхибэ́н,

2 Ximaske 3:15

Ту тыкнорал (детствостыр) джинэ́са Свэ́нто Чхиныбэ́н, саво́ дэ́ла ту́кэ годы́ и лыджа́ла тут кэ зракхибэ́н пир патяибэ́н дрэ Исусо́стэ Христосо́стэ.

Sykadyipén 14:5

И на сыс латхно хохаибэ́н дро лэ́нгиро муй, ёнэ сыс бидоша́кирэ.

2 Ximaske 1:5

мэ рипирава пал тыро́ чачуно́ патяибэ́н; адя́кэ патяндыя тырэ́-дакири дай Лоида и тыри́ дай Евника, мэ джино́м, со дасаво патяибэ́н исын адя́кэ-паць и дрэ ту́тэ.

Эфесянэнгэ 4:26

Ко́ли тумэ́ холясона, на кэрэ́н грэ́хо: на явэ́н холынакирэ саро́ дывэ́с,

1 Коринфянэнгэ 14:20

Пшала́лэ! На явэ́н чхаворэ́нца пир пэ́скири годы́, а явэ́н чхаворэнца пэ холы́: нэ явэ́н барэ́ манушэ́нца дрэ пэ́скири годы́.

1 Коринфянэнгэ 7:14

Пал-дова́ со напатяибнаскиро ром сы́рбы освэнцынэлапэ ваш Дэвлэ́скэ пир Лэ́скирэ ромня́тэ, и напатяибнаскири ромны́ сы́рбы освэнцынэлапэ ваш Дэвлэ́скэ пир ла́кирэ ромэстэ; а ко́ли тэ на явэ́л адя́кэ, тэды тумарэ́ чхаворэ́ явэ́нас сы́рбы идолэ-мангипнарьенгирэ; нэ ёнэ ж какана́ освэнцындлэ ваш Дэвлэ́скэ.

Римлянэнгэ 11:28

Дро отлыджаибэн кэ бахталы́ зан (звесь), ёнэ ячнэ́ вэргэнца ваш тумэ́нгэ; нэ со отлыджалапэ кэ выкэдыибэн, ёнэ исын Дэвлэ́скирэ най дрогэдыр мануша́ пир лэ́нгирэ дадэндэ.

Римлянэнгэ 11:16

Ко́ли исын свэ́нто англатуно́ хумэр (тясто), тэды свэ́нто явэ́ла и саро́ маро́. Ко́ли исын свэ́нто кокоро́ кашт (дрэ́во), тэды свэ́нта явэ́на и лэ́скирэ рандя́ (вэ́тки).

Apostolengiri Butý 3:25

Тумэ́ сан пророкэ́нгирэ чхавэ́ и заветоскирэ, пал савэ́ндэ Дэвэ́л дыя́ лав тумарэ́ дадэ́нгэ; Ёв ракирдя́ Авраамо́скэ: ‘Сарэ́ мануша́ тырэ́ родо́стыр пэ пхув явэ́на бахтякирдэ Дэвлэ́стыр’.

Apostolengiri Butý 2:39

Пал-дова́ со пал дава́ грэхэнгиро отмэкибэн ґара́ сыс дыно́ лав тумэ́нгэ, чхавэ́нгэ тумарэнгэ и сарэ́нгэ, адя́кэ-паць и одолэ́нгэ, кон дживэ́ла дур тумэ́ндыр, конэ́с кхарэ́ла кэ Пэ Рай Дэвэ́л амаро́.”

Marko 8:33

Ису́со рисия́ и дыкхця́ Пэ́скирэ сыкляибнытконэ́н и припхэндя́ шылалэс Пэтрискэ: “Криг Ма́ндыр, на́лачхо! Ту думинэса пал манушы́тко, а на пал Дэвлы́тко.”

Marko 3:5

Тэды Ису́со облыджия лэн холямэ́ дыкхибнаса, и тугиндя пал лэ́нгирэ пхарэ́ илэ, и пхэндя́ калекаскэ: “Протырдэ тыро́ васт!” Ёв протырдыя́, и васт лэ́скиро яця́ састо́ сарэ́са.”

Isajos 65:23

На явэ́на тэ кэрэ́н буты́ ивья́ (дармэс), на явэ́на тэ биянэн чхаворэ́н пэ мэнька, пал-дова́ со явэ́на родоса, бахтякирдэ Дэвлэ́стыр, и лэ́нгирэ чхаворэ́ лэ́нца.

Psalmy 78:4

Далэ́ лава́ амэ на гараваса лэ́нгирэ чхавэ́ндыр, соб (кай) тэ пирипхэнас родэ́нгэ, со явэ́на анги́л, савэ́ явэ́на тэ шарэ́н Рас-Дэвлэ́с,

Яви́р Зако́но 4:37

и адя́кэ сыр Лэ́скэ ячнэ́ дро́га тырэ́ дада́, и Ёв выкэдыя́ тумэн, лэ́нгиро ро́до пало́ (после) лэ́ндэ, тэды и вылыджия́ Ёв тут Кокоро́ барэ́ Пэ́скирэ зорья́са Египто́стыр,

Čysly 14:31

а тумарэ́ чхавэ́н, пал савэ́ндэ тумэ́ ракирдэ́, со ёнэ доячэнапэ дро дорэсыбэ́н вэргэ́нгэ, Мэ залыджава одори́к, и ёнэ уджинэна пхув, сави́ тумэ́ бидыкхнэ,

Džiibén 17:7

и Мэ чхува́ва Миро Завето машки́р Ма́ндэ и ту́тэ и машки́р тырэ́-чхаворэнгиро ро́до пало́ ту́тэ дро лэ́нгиро ро́до, доракирибэ́н пэ ве́ко дро дова́, со Мэ ява́ва тыро́ Дэвэ́л,

1 Kralip 1:22

Анна на гия́, пхэны пэ́скирэ ромэскэ: “Ке́ли тыкномас явэ́ла отлыно колынэстыр и подбарьёла, то тэды мэ лэс лыджа́ва, и ёв тэрдёла анги́л Растэ-Дэвлэ́стэ, и ячэ́лапэ одо́й пэ саро́ джиибэ́н.”

1 Kralip 1:11

и ёй дыя́ совэ́л, ракири́: “Раё-Дэ́вла, болыбна́скирэ-янголэ́нгиро! Ко́ли ту подыкхэса пэ Тырэ́ дынарицакиро пиридживипэн, и пририпирэса пал ма́ндэ, и на бистрэса Тырья дына́рица, и дэ́са Тырэ́ дынарицакэ чхаворэс, то тэды мэ отда́ва лэс Ра́скирэ-Дэвлэ́скири пэ сарэ́ лэ́скирэ джиибна́скирэ дывэса́, и бритва (мурадлуны) на чилавэ́ла лэ́скиро шэро́.

Матфеё 5:3

“Бахталэ́ исын одолэ́, савэ́ джинэ́на, со лэ́нгирэ духоскэ трэй Дэвэ́л; лэ́нгиро сыс Кралипэ́н дро Дэвлэ́скиро Раё.

Матфеё 5:10

Бахталэ́ исын одолэ́, конэ́с традэ́на пал чачипэ́н; лэ́нгиро исын Кралипэ́н дро Дэвлэ́скиро Раё.

Joannostir 3:3

Ису́со дро отпхэныбэ́н пхэндя́ лэ́скэ: “Чачэс, чачэс Мэ ракира́ва ту́кэ: кон на бияндёла нэвэ́стыр, на дыкхэ́ла Кралипэ́н дро Дэвлэ́скиро Раё.”

Joannostir 3:5

Ису́со отпхэндя́: “Чачэс, чачэс, Мэ ракира́ва ту́кэ: ко́ли кон на бияндёла пане́стыр и Духо́стыр (Фаностыр), ёв нашты́ тэ заджа́л дро Кралипэ́н дро Дэвлэ́скиро Раё.

Isúso 8:35

Сарэ́стыр, со Мо́йза ракирдя́ Исусо́скэ, на сыс ние́кх лав, саво́ Ису́со на прогиндя анги́л саро́ Израилёскиро скэдыибэ́н и джувлендэ, и чхавэ́ндэ, и манушэ́ндэ, савэ́ явнэ́ явирэ рига́тыр, и дживэ́на машки́р лэ́ндэ.