Luka 9:51 - Библия - Пэ Балтитко Романи чиб (Романэс) 2019

⁵¹ Ке́ли явнэ́ пашылэды́р дывэса́, дрэ савэ́ Исусо́скэ трэиндя́ тэ ґаздэлпэ пэ болыбэ́н далэ́ свэто́стыр, ёв закамдя́ тэ джал дро Ерусалимо,

Biblija - Pe Baltitko Romani čib (Romanes) 2019

⁵¹ Kiéli javné pašyledýr dyvesá, dre savé Isusóske treindiá te ĥazdelpe pe bolybén dalé svetóstyr, jov zakamdiá te džal dro Jerusalimo,

Luka 9:51 Referans Kwoze

Marko 16:19

И ке́ли Рай Дэвэ́л Ису́со пхэндя́ лэ́нгэ саро́, тэды Ёв сыс ґаздыно́ пэ болыбэ́н и бэсця́ пэ чачо́ васт Дэвлэ́стэ Дадэ́стэ.

Luka 18:31

Ису́со кхардя́ дрэ риг Пэ́скирэ дэшудуе́ сыкляибнытконэ́н и пхэндя́ лэ́нгэ: “Дыкхэ́н, амэ заджаса дро Ерусалимо, и саро́, со проро́ки чхиндлэ́ пал Манушэ́скирэ Чхавэ́стэ, кэрэ́лапэ кэ ко́нцо/яго́ро (сполнинэлапэ);

Luka 13:22

И джа́лас Ису́со пир фо́рья и гава́ и сыклякирэлас манушэ́н, ке́ли Ёв джа́лас дро Ерусалимо.

Luka 17:11

И сыс адя́кэ: ке́ли Ису́со джа́лас дро Ерусалимо, Ёв гия́ пир кусты́к (граница) машки́р Сама́рия и Галиле́я.

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Юдэ́нгэ 6:20

одори́к загия́ Ису́со анги́л амэ́ндэ, и яця́ Англатунэ́ Раша́са пэ сарэ́ ве́ки, пир дасаво-паць титуло, сыр и Мелхисэдэко.

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Эфесянэнгэ 1:20

Саво́ Ёв сыкадя́ дрэ Христосо́стэ, ке́ли Ёв отджидякирдя́ Лэс мулэ́ндыр и чхудя́ пир чачуны́ риг Пэ́стыр дро Болыбна́скиро Раё,

Apostolengiri Butý 1:9

И ке́ли Ёв пхэндя́ дава́, Ёв ґаздыя́пэ пэ болыбэ́н анги́л лэ́нгирэ якха́, и о́блоко чхакирдя Лэс лэ́нгирэ якхэ́ндыр.

Apostolengiri Butý 1:2

кэ/жы́ко дова́ дывэ́с, дро саво́ Ёв ґаздыя́пэ пэ болыбэ́н и дыя́ припхэныбэ́н пир Свэ́нто Ду́хо (Фа́но) одолэ́ Апостолэнгэ, савэ́н Ёв Кокоро́ выкэдыя́,

Joannostir 17:11

Мэ на сом буты́р дро свэ́то, а ёнэ исын дро свэ́то. Мэ джа́ва кэ Ту, нэ ёнэ ячэ́напэ дро свэ́то. Свэ́нто Да́до! Зра́кх лэн Тырэ́ лавэ́са, одолэ́н, савэ́н Ту дыя́н Ма́нгэ, соб (кай) ёнэ тэ явэ́н пал екх, сыр и Амэ сам Ту́са.

Joannostir 16:28

Мэ явдём Дадэ́стыр дро дава́ свэ́то; и нэвэ́стыр Мэ мэкава свэ́то и джа́ва кэ Дад.”

Joannostir 16:5

Нэ какана́ Мэ джа́ва кэ Одова́, Кон бичхадя́ Ман, нэ нико́н тумэ́ндыр на пхучэла Ма́ндыр: ‘Карик Ту джа́са?’

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Joannostir 6:62

Нэ со явэ́ла, ке́ли тумэ́ явэ́на тэ дыкхэ́н, сыр Чхаво́ Манушэ́скиро ґаздэ́лапэ одори́к, кай Ёв сыс англэды́р?

Luka 24:51

И сыс адя́кэ: ке́ли Ёв ишчо (инкэ́) бахтякирэлас лэн, Ёв лыя́ тэ дурьёл лэ́ндыр и лыя́ тэ ґаздэлпэ кэ болыбэ́н.

Luka 19:28

Ису́со пхэндя́ дава́ и гия́ анги́л лэ́ндэ дурэды́р кэ Ерусалимо.

Luka 19:11

Ке́ли мануша́ шунэнас Исусо́с, Ёв пхэндя́ лэ́нгэ ишчо (инкэ́) екх приме́ро (сыкаибэ́н), пал-дова́ со Ёв сыс на́дур Ерусалимо́стыр и ёнэ думиндлэ, со ёнэ сыг явэ́на тэ дыкхэ́н Кралипэ́н, кай Дэвэ́л явэ́ла тэ хулаинэ́л.

Luka 12:50

Ма́нгэ трэй тэ болавпэ, и сыр Мэ пиридживава, пака дава́ саро́ сполнинэлапэ!

4 Kralip 2:11

Ке́ли ёнэ гинэ́ и дромэ́са ракирдэ́, вари-каты́р лыяпэ марибны́тко вурдэ́н, саво́ хачолас яга́са и грая, савэ́ хачонас яга́са, и разлучындлэ лэн дуе́н, и ґаздыя́пэ Или́я дрэ вихро (рискирибнаскири балва́л) пэ болыбэ́н.

Filipiicenge 3:14

мэ прастава кэ цэлё, кэ най вучэды́р паты́в, ваш сави́ Дэвэ́л кхардя́ ман пир Христосо́стэ Исусо́стэ.

Luka 9:57

И сыс адя́кэ: ке́ли ёнэ джа́нас дромэ́са, вари-кон пхэндя́ Исусо́скэ: “Раё Дэ́вла! Мэ джа́ва Ту́са, карик и Ту джа́са.”