Luka 9:44 - Библия - Пэ Балтитко Романи чиб (Романэс) 2019

⁴⁴ “Рипирэн лачхэ́с далэ́ лава́: ‘Чхаво́ Манушэ́скиро явэ́ла отдыно́ дрэ манушэ́нгирэ васта́.’”

Biblija - Pe Baltitko Romani čib (Romanes) 2019

⁴⁴ “Ripiren lačhés dalé lavá: ‘Čhavó Manušéskiro javéla otdynó dre manušéngire vastá.’”

Luka 9:44 Referans Kwoze

Apostolengiri Butý 2:23

Ису́со сыс отдыно́ дрэ тумарэ́ васта́ пэ мэ́ньки пир Дэвлэ́скиро задуминыбэн, и тумэ́ грэхитконэ́ вастэ́нца мулякирдэ́ Лэс и примардэ пэ трушу́л;

Luka 9:22

И Ёв адя́кэ-паць пхэндя́, со Манушэ́скирэ Чхавэ́скэ трэй тэ пиридживэл бут мэ́ньки, со Лэс на приґалёна годэпхурэ́ и раша́нгирэ барыдыра́ и лылвари́тка, со Ёв явэ́ла замардо, и со пал трин дывэса́ Ёв отджидёла.

Юдэ́нгэ 2:1

Палдава́ амэ́нгэ трэй тэ рикираспэ древа́н ракхунэс кэ дова́, со ракирэ́на, соб (кай) тэ на джан криг чачунэ́ дромэ́стыр.

Luka 2:19

Нэ Мари́я рипирэлас сарэ́ далэ́ лава́, и думинэлас пал лэ́ндэ хор дро Пэ́скиро ило́.

Joannostir 19:11

Ису́со отпхэндя́. “Ту́тэ на явэ́лас пэ Ма́ндэ ни саво́ право, ко́ли (со) тэ на явэ́л ту́кэ дыно́ Дэвлэ́стыр. Пал-дова́ со барэды́р грэ́хо исын пэ одолэ́стэ, кон здыя Ман кэ ту.”

Joannostir 16:4

Нэ Мэ пхэндём тумэ́нгэ дава́ ваш дова́, соб (кай) тумэ́, ке́ли явэ́ла одова́ часо, тэ рипирэ́н, со Мэ ракирдём тумэ́нгэ пал дава́; Мэ англэды́р на ракирдём тумэ́нгэ пал дава́, пал-дова́ со Мэ со́мас тумэ́нца.

Luka 24:44

И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Luka 18:31

Ису́со кхардя́ дрэ риг Пэ́скирэ дэшудуе́ сыкляибнытконэ́н и пхэндя́ лэ́нгэ: “Дыкхэ́н, амэ заджаса дро Ерусалимо, и саро́, со проро́ки чхиндлэ́ пал Манушэ́скирэ Чхавэ́стэ, кэрэ́лапэ кэ ко́нцо/яго́ро (сполнинэлапэ);

Luka 2:51

И Ису́со гия́ лэ́нца и явдя́ дро Назарето, и Ёв зоралэ́с кандэлас лэн. А Лэ́скири Дай рипирдя сарэ́ кадалэ́ лава́ дро Пэ́скиро ило́.

Luka 1:66

И сарэ́нгэ, кон шундя́ дава́, запыя дро ило́ и ёнэ ракирдэ́: “Со да явэ́ла долэ́ биятостыр?” Пал-дова́ со Дэвлэ́скиро васт сыс пэ лэ́стэ.

Marko 9:31

Пал-дова́ со Ёв сыклякирдя́ Пэ́скирэ сыкляибнытконэ́н, и пхэндя́ лэ́нгэ: “Чхавэ́с Манушэскирэс здэна дрэ манушэ́нгирэ васта́, и ёнэ мулякирэна Лэс; и мулякирдо Ёв отджидёла пир трин дывэса́.”

Marko 8:31

И Ису́со лыя́ тэ сыклякирэ́л лэн, со Манушэ́скирэ Чхавэ́скэ явэ́на даранэ мэ́ньки, со Лэс на приґалёна годэпхурэ́ и раша́нгирэ барыдыра́, со Ёв явэ́ла мулякирдо, и пир трин дывэса́ Ёв отджидёла.

Матфеё 26:2

“Тумэ́ джинэ́на, со явэ́ла Патради́ пир дуй дывэса́ и Чхаво́ Манушэ́скиро явэ́ла здыно пэ примарибэн пэ трушу́л.”

Матфеё 16:21

Долэ́ часостыр лыя́ Ису́со тэ ракирэ́л яснэс Лэ́скирэ сыкляибнытконэ́нгэ, со Лэ́скэ трэй тэ джал дро Ерусалимо и бут мэ́ньки тэ пиридживэл годэпхурэндыр и рашангирэндыр и лылваритконэндыр, и явэ́ла Ёв замардо, и пэ три́то дывэ́с Ёв отджидёла.

2 Kralip 24:14

И пхэндя́ Дави́до Гадоскэ: “Пхаро́ исын древа́н ма́нгэ; нэ мэк тэ пэрав мэ дрэ Ра́скирэ-Дэвлэ́скирэ васта́, пал-дова́ со баро́ исын Лэ́скиро ковлыпэн; екх со дрэ манушэ́нгирэ васта́ тэ на пэрав ма́нгэ.”

Joannostir 16:31

Ису́со отпхэндя́ лэ́нгэ: “Какана́ тумэ́ патя́на?