Luka 8:47 - Библия - Пэ Балтитко Романи чиб (Романэс) 2019

⁴⁷ Джувлы́ ж, сыр ґалыя́, со ёй на гарадяпэ, со кэрдя́, лыя́ тэ издрал и пыя́ кэ Исусо́скирэ ґэра́ и роспхэндя́ анги́л сарэ́ манушэ́ндэ, со́скэ ёй чиладя́ Лэс и сыр ёй высастия ада́й жэ.

Biblija - Pe Baltitko Romani čib (Romanes) 2019

⁴⁷ Džuvlý ž, syr ĥalyjá, so joj na garadiape, so kerdiá, lyjá te izdral i pyjá ke Isusóskire ĥerá i rosphendiá angíl saré manušénde, sóske joj čiladiá Les i syr joj vysastija adáj že.

Luka 8:47 Referans Kwoze

Marko 5:33

А джувлы́, сыр ґалыя́, со сыс ла́са и триинскири дара́тыр, подги́я, пыя́ кэ Лэ́скирэ ґэра́ и роспхэндя́ саро́ чачипэ́н.

2 Коринфянэнгэ 7:15

и лэ́скиро ило́ буты́р пхэрдёла ласкаса, ке́ли ёв пририпирэла, сыр тумэ́ кандынэ́ лэ́скиро лав, сыр тумэ́ дарэнас и издранас, ке́ли тумэ́ прилынэ́ лэс.

Юдэ́нгэ 12:28

Пал-дова́ со амэ приласа кралипэ́н, саво́ ние́кхвар на триинскирэлапэ, ява́са тэ ракхас бахталыпэ́н, савэ́са амэ могинаса тэ кэра́с буты́ ваш Дэвлэ́скэ дара́са анги́л Лэ́стэ и ворохо́са (барэ́ дара́са).

1 Коринфянэнгэ 2:3

И ке́ли мэ со́мас тумэ́нца, ма́ндэ на сыс зор, мэ дарандыем и издрандыём;

Psalmy 2:11

Дынаринэ́н Ра́скэ-Дэвлэ́скэ дара́са и радынэ́нпэ издраняса.

Apostolengiri Butý 16:29

Тэды ёв мангдя́ тэ захачкирэн яг, запрастандыя андрэ́ дрэ бари дар и пыя́ пэ чанга́ анги́л Павлистэ и Силастэ.

1 Kralip 16:4

И кэрдя́ Самуи́ло адя́кэ, сыр пхэндя́ лэ́скэ Рай Дэвэ́л. Ке́ли ёв явдя́ дро Вифлее́мо, тэды форо́скирэ пхурыдыра́ трашаса выгинэ́ гил лэ́скэ, и пхэндлэ́: “Ци раманёса (миро́са) ту явдя́н?”

Avakumo 3:16

Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Isajos 66:2

Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

Psalmy 38:9

Мэ нашадём пэс, мэ сом пхагирдо́, со нанэ буты́р; мэ да́ва ґондя́ годла́са пхарипнастыр пэ миро ило́.

Filipiicenge 2:12

И палдава́, мирэ́ дро́га, сыр тумэ́ саро́ часо, ке́ли мэ сом тумэ́нца, нэ буты́р сарэ́стыр какана́ дро дава́ часо, ке́ли ман нанэ тумэ́нца, причхувэ́н зор дара́са и издраныпнаса тэ кэрэ́н буты́ ваш пэ́скиро зракхибэ́н,

Матфеё 28:8

И выгии сы́гэс коплицатыр, ёнэ праста́ндынэ дара́са и барэ́ радыма́са тэ роспхэнэ́н Лэ́скирэ сыкляибнытконэ́нгэ.

Osija 13:1

Ке́ли ракирдя́ Ефре́мо (мануша́ Ефремо́скирэ родыцо́стыр), то сарэ́ издрандынэ. Ёв сыс барьякирдо́ дро Израилё, нэ сыр ёв кэрдя́ чорипэ́н анги́л Ваалостэ (Ваало), то ёв хасия́.

Osija 5:3

Мэ джино́м Ефремос, и Израилё исын на гарадо́ Ма́ндыр, и акана́, Ефре́мо, ту кэрэ́са биладжакунэ́ рэ́нды, а Израилё исын магирдо́.

Psalmy 66:16

Явэ́н, шунэ́н ракхунэс, сарэ́, конэ́стэ исын трашаибэ́н анги́л Дэвлэ́стэ и мэ пхэна́ва тумэ́нгэ, со Ёв кэрдя́ мирэ́ дескэ.

Luka 8:46

Нэ Ису́со пхэндя́: “Вари-кон чиладя́ Ман; пал-дова́ со Мэ чуиндём, сыр зор гия криг Ма́ндыр.”

Luka 8:48

Ису́со пхэндя́ ла́кэ: “Мири́ Чха́е! Патяибэ́н тыро́ зракхця́ тут! Джа́ бахтяса!”