Luka 8:25 - Библия - Пэ Балтитко Романи чиб (Романэс) 2019

²⁵ Тэды Ису́со пхэндя́ лэ́нгэ: “Кай исын тумаро́ патяибэ́н?” Ёнэ сыс дрэ дар и ди́во и ракирдэ́ екх екхэ́скэ: “Нэ Кон Ёв исын адасаво́, со Ёв припхэнэла балвалякэ и валнэнгэ, и одолэ́ кандэнас Лэс.”

Biblija - Pe Baltitko Romani čib (Romanes) 2019

²⁵ Tedy Isúso phendiá lénge: “Kaj isyn tumaró patiaibén?” Jone sys dre dar i dívo i rakirdé jekh jekhéske: “Ne Kon Jov isyn adasavó, so Jov priphenela balvaliake i valnenge, i odolé kandenas Les.”

Luka 8:25 Referans Kwoze

Матфеё 8:26

И Ёв ракирэ́ла лэ́нгэ: “Со́скэ тумэ́ сан дарандытка, тумэ́ сан мануша́ набарэ́ патяибна́са!” Тэ́ньци уштыи, Ёв припхэндя́ балвалякэ и морёскэ, и кэрдя́пэ баро́ штылыпэн.

Pritčy 30:4

Кон ґаздыя́пэ пэ болыбэ́н и гия́ тэлэ́? Кон скэдыя́ балва́л дрэ Пэ́скирэ бурныка (жмени)? Кон учхакирдя́ паня́ идяса? Кон зачхудя пхувья́кирэ яго́ры (краи́)? Саво́ исын Лэ́скиро лав; и саво́ исын Лэ́скирэ-Чхавэ́скиро лав, ко́ли ту джинэ́са?

Матфеё 14:31

И екха́тыр Ису́со вытырдыя васт, ухтылдя пал лэ́стэ, и ракирэ́ла лэ́скэ: “Ту́тэ нанэ баро́ патяибэ́н, со́скэ ту лыян тэ кунинэспэ?”

Joannostir 11:40

Ису́со ракирэ́ла ла́кэ: “Ци Мэ на ракирдём ту́кэ, со ко́ли явэ́са тэ патяс, дыкхэ́са Дэвлэ́скири сла́ва?”

Luka 12:28

Ко́ли ж дасаво урибэ́н Дэвэ́л дэ́ла фэлдытконэ чарьякэ, сави́ ададывэ́с исын пэ фэ́лда, нэ атася́ явэ́ла чхурдыны дро бов, тэды пэ кицы́ фэды́р Ёв дэ́ла тумэ́нгэ урибэ́н, тумэ́ ж сан набарэ́ – патяибнаскирэ мануша́?

Матфеё 17:20

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Pritčy 8:29

ке́ли Ёв упхэндя морёскэ кусты́к, соб (кай) паня́ тэ на пиритхадэн лэ́скиро припхэныбэ́н; ке́ли Ёв чхудя́ пхувья́киро фунда́менто;

Матфеё 6:30

Ко́ли ж дасаво урибэ́н Дэвэ́л дэ́ла фэлдытконэ чарьякэ, сави́ ададывэ́с исын, нэ атася́ явэ́ла чхурдыи дро бов, тэды со ж на фэды́р Ёв дэ́ла тумэ́нгэ урибэ́н, тумэ́ ж сан набарэ́ – патяибнаскирэ мануша́?

Матфеё 8:10

И сыр Ису́со шундя́ дава́, дивиндяпэ и пхэндя́ манушэ́нгэ, савэ́ гинэ́ пал Лэ́стэ: “Чачэс, Мэ пхэна́ва тумэ́нгэ: Мэ на латхём дасаво патяибэ́н и дро Израилё.

Marko 4:35

Дро дова́ дывэ́с, бэльвэле́, Ису́со пхэндя́ Ппэскирэ сыкляибнытконэ́нгэ: “Пириджаса пэ яви́р риг.”

Luka 8:24

и сыкляибны́тка подгинэ́ кэ Ису́со, джангадэ Лэс и пхэндлэ́: “Сыклякирибна́скиро! Сыклякирибна́скиро! Амэ хасёваса” Нэ Ёв уштыя́, припхэндя́ балвалякэ тэ на пхурдэл и панескэ тэ на кунинэлпэ; ёнэ пириячнэ и яця́ штылыпэн.

Luka 8:26

Ису́со и Лэ́скирэ сыкляибны́тка приплывиндлэ пэ яви́р зероскири риг пэ пхув Гадарино, со исын пэ яви́р риг Галилеятыр.