Luka 8:13 - Библия - Пэ Балтитко Романи чиб (Романэс) 2019

¹³ а зя́рки, савэ́ пынэ́ пэ баруно штэ́то, исын сы́рбы мануша́, савэ́ шунэ́на лав и прилэ́на лэс радыма́са; нэ лэ́ндэ лав на заджа́ла хор дро ило́, ёнэ патя́на наґара (длу́гэс), ке́ли явэ́ла пропатякирибэн пал лав, ёнэ мэкэ́на тэ патя́н;

Biblija - Pe Baltitko Romani čib (Romanes) 2019

¹³ a ziárki, savé pyné pe baruno štéto, isyn sýrby manušá, savé šunéna lav i priléna les radymása; ne lénde lav na zadžála xor dro iló, jone patiána naĥara (dlúges), kiéli javéla propatiakiriben pal lav, jone mekéna te patián;

Luka 8:13 Referans Kwoze

Joannostir 5:35

Иа́но сыс момолы́тко (свети́льнико), саво́ хачолас и дэ́лас яг и тумэ́ вари-саво́ часо радындлэпэ паш лэ́скири яг.

Osija 6:4

‘О, Ефремэ, со Ма́нгэ тэ кэра́в ту́са? О, Юда, со Ма́нгэ тэ кэра́в ту́са? Пал-дова́ со тумари́ паты́в кэ Мэ исын сы́рбы туча пэ зло́ко (ра́нко), и сы́рбы пахлын (роса) пэ зло́ко, сави́ сыг хасёла (проджа́ла).

Езэкилё 33:32

Акэ, ту сан ваш лэ́нгэ сыр багибнаскирэ кучонэ́ заня́са, саво́ куч башавэла: ёнэ шунэ́на тырэ́ лава́, нэ на дживэ́на пир лэ́ндэ.

Pritčy 12:12

Фуй ману́ш исын ґа́лко тэ ухтылэл чорипнаса, нэ чачунэ́ манушэ́ндэ исын зоралы́ пхув тэл ґэра́.

Juda 1:12

Кадалэ́ мануша́ сы́рбы макхэна тумарэ́ дэвлыканэ свэ́нки: ёнэ свэнкинэна тумэ́нца би дара́киро и чалякирэна фэ́ни кокорэ́ пэс. Ёнэ исын сы́рбы о́блоки бипанескирэ, савэ́ балва́л традэ́ла. Ёнэ исын сы́рбы восенякирэ кашта́ бибарьякирдэскирэ, савэ́н выкошнэ и, савэ́ мулынэ дуй мо́лы;

2 Petr 2:22

Нэ лэ́нца кэрдя́пэ дова́, со сыр ракирэ́на мануша́: “Джукэл рисёла кэ пэ́скиро чадыпэн”, и “выморды балышны джа́ла нэвэ́стыр тэ катынэлпэ дрэ бла́та.”

2 Petr 2:20

Пал-дова́ со, ко́ли одолэ́ мануша́, савэ́ вари-ке́ли гинэ́ магирипнастыр, саво́ кэрэ́лапэ дро свэ́то, пир дова́, со ёнэ уджиндлэ́ Рас-Дэвлэ́с и амарэ́ Зракхибнарис Исусо́с Христосо́с, нэвэ́стыр спхандэнапэ магирипнаса и поддэнапэ магирипнаскэ, то кадасавэ́ манушэ́нгэ какана́ явэ́ла фуеды́р, сыр сыс англэды́р.

Юдэ́нгэ 10:39

Нэ амэ на сам одолэ́ манушэ́ндыр, савэ́ дэнапэ палэ пэ́скирэ патяибнастыр и джа́на кэ хасибэ́н; нэ амэ патя́са, со Дэвэ́л зракхэ́ла амэн.

Эфесянэнгэ 3:17

соб (кай) тэ дживэ́л Христо́со пир патяибэ́н дрэ тумарэ́ илэ, и соб (кай) тумэ́ тэ явэ́н зоралэ́ дрэ паты́в екх кэ екх,

Isajos 58:2

Ёнэ родэ́на Ман кажно дывэ́с, ёнэ камэ́на тэ джинэ́н Мирэ́ дрома́ сы́рбы народо, саво́ кэрэ́ла пир чачипэ́н, саво́ на ячкирэ́ла Пэ́скирэ Дэвлэ́скирэ упхэныбэна́; ёнэ пхучэна Ма́ндыр пал чачунэ́ сэнды, ёнэ камэ́на тэ явэ́н пашылэды́р кэ Дэвэ́л.

Jakov 2:26

Пал-дова́ со, сыр джидэ́ маса́ би духоскиро исын мулэ́, адя́кэ-паць и патяибэ́н исын муло́ би рэндоскиро.

1 Ximaske 1:19

и тэ ракхэ́с патяибэ́н и лачхи́ паты́в, сави́ вари-савэ́ мануша́ хасякирдэ́, и лэ́нгиро патяибэ́н роспыяпэ,

1 Фесалоникийцэнгэ 3:5

Пал-дова́ и мэ адя́кэ-паць на могиндём тэ вырикирав буты́р и бичхадём Химас тэ уджинэл пал тумаро́ патяибэ́н, соб (кай) тэ на злыджал тумэн на́лачхо и сари́ амари́ буты́ ваш Дэвлэ́скэ тэ на явэ́л ивья́ (напра́снэс).

Колосянэнгэ 2:7

Явэ́н би кунипнаскирэ (тварда) дрэ Лэ́стэ и барьён пир патяибэ́н дрэ Лэ́стэ, сыр тумэн сыклякирдэ́, ячэ́нпэ дрэ патяибэ́н парикирибнаса.

Galatenge 3:4

Ци тумэ́ пирилыджинэ ада́кицы ивья́ (напра́снэс)? Ко́ли тэ явэ́л дава́ чачунэ́с ивья́?

Galatenge 3:1

Нэ, Галаты, савэ́ тумэ́ бигодякирэ сан! Кон дава́ човаханякирдя тумэн, соб (кай) тумэ́ тэ на кандэ́н патяибэ́н; анги́л жа тумарэ́ якха́ Христо́со сыс сы́рбы сыкадо примардо пэ трушу́л?

1 Коринфянэнгэ 15:2

дая́ Ева́нгелия исын Ра́скиро-Дэвлэ́скиро лав, со мэ роспхэндём тумэ́нгэ, пир саво́ амэ зракхасапэ, ке́ли тумэ́ рикирэ́на зоралэ́с дава́ чачипэ́н, и ко́ли тумэ́ фэ́ни на ивья́ (на напра́снэс) упатя́ндынэ.

Joannostir 15:6

Нэ, кон на дрэ Ма́ндэ, одова́ исын сыр рандь, сави́ чхурдэлапэ яври́, сави́ зашутёла; нэ адасавэ́ рандя́ скэдэ́на и чхурдэна дрэ яг, и одо́й ёнэ схачона.

Joannostir 15:2

Кажно рандь (вэтка), сави́ исын дрэ Ма́ндэ, и сави́ на дэ́ла барьякирдо́ (пло́до), Ёв обчингирэла; и кажно рандь, сави́ дэ́ла барьякирдо́, Ёв жужакирэла (чыстинэла), соб (кай) ёй бутэды́р тэ дэл барьякирдо́.

Pritčy 12:3

Ману́ш нанэ тэрдо́ зоралэ́с фуипнастыр, нэ рукх (корнё) чачунэ́-манушэ́нгиро на кхарэ́лапэ (на пиричхувэлапэ) криг.

Ióvo 19:28

Ко́ли тумэ́ пхэнэнас: “Сыр амэ ява́са тэ традас лэс?” Пал-дова́ со причына дрэ лэ́стэ кокорэстэ, со ёв мэнчынэлапэ; –

Колосянэнгэ 1:23

ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.

1 Коринфянэнгэ 13:2

И ко́ли ма́ндэ исын тала́но тэ ангилпхэнав, и мэ джино́м сарэ́ чораханыбэна и ма́ндэ сыс джиныбэ́н и дасаво патяибэ́н, со мэ могинав тэ пирикхара́в (пиричхува́в) бэ́рги, а ма́ндэ нанэ пшалы́тко паты́в, тэды мэ сом нико́н.

Marko 6:20

пал-дова́ со Иродо дардяпэ Иано́стыр и ракхэлас лэс; Иродо джиндя́, со Иа́но сыс чачуно́ и свэ́нто ману́ш; бут далэ́стыр, со ракирдя́ Иа́но, зачхувэлас Иродос тэ задуминэлпэ, и Иродо усае́кх мангдя́ тэ шунэ́л лэс.

1 Ian 2:19

Ёнэ выгинэ́ амэ́ндыр, нэ ёнэ на сыс амарэ́; пал-дова́ со, ко́ли ёнэ тэ явэ́н амарэ́, тэды ёнэ ячэнас амэ́нца, нэ ёнэ выгинэ́ амэ́ндыр ваш дова́, соб (кай) тэ явэ́л сыкадо, со ние́кх лэ́ндыр нанэ амаро́.

Luka 8:12

Зя́рки, савэ́ пынэ́ пашы́л дром, исын сы́рбы мануша́, савэ́ шунэ́на, и кэ савэ́ коригэды́р (позжэ) явэ́ла на́лачхо и лэ́ла криг дава́ лав лэ́нгирэ илэндыр, соб (кай) ёнэ тэ на упатян и тэ на зракхэнпэ;

Luka 8:14

а зя́рки, савэ́ пынэ́ машки́р дылыны чар, исын сы́рбы мануша́, савэ́ шунэ́на лав, нэ джиибна́скири суе́та, барвалыпэ́н и джиибнытко лачхипэ́н замарэна дава́ лав дро лэ́нгиро ило́, а барьякирдо́ никели на доджа́ла кэ спялыма;