Luka 8:1 - Библия - Пэ Балтитко Романи чиб (Романэс) 2019

¹ Пало́ (после) дава́ Ису́со псирдя́ форо́стыр дро яви́р фо́ро, гавэстыр дро яви́р гав; Ёв пхэнэлас лав и миштопхэнэлас манушэ́нгэ пал Кралипэ́н дро Дэвлэ́скиро Раё; сыс Лэ́са дэшуду́й сыкляибны́тка;

Biblija - Pe Baltitko Romani čib (Romanes) 2019

¹ Paló (poslie) davá Isúso psirdiá foróstyr dro javír fóro, gavestyr dro javír gav; Jov phenelas lav i mištophenelas manušénge pal Kralipén dro Devléskiro Rajo; sys Lésa dešudúj sykliaibnýtka;

Luka 8:1 Referans Kwoze

Матфеё 4:23

И Ису́со псирэлас пир сари́ Галиле́я, сыклякири манушэ́н пал Дэвлэ́стэ дрэ лэ́нгирэ синагоги и пхэни́ бахталы́ зан (звесь) пал Кралипэ́н и састякири кажно насвалыпэн и дукх дрэ манушэ́ндэ.

Римлянэнгэ 10:15

Нэ сыр вари-кон явэ́ла тэ пхэнэ́л лав лэ́нгэ, ко́ли ёв на явэ́ла бичхадо́? Сыр исын чхиндло́ пал дава́: “Савэ бахталэ́ исын ґэра́ одолэ́ манушэ́нгирэ, савэ́ псирэ́на пир свэ́то и роспхэнэна бахталы́ зан пал рама́нё, пал Лэ́скирэ лачхэ́ рэ́нды.”

Apostolengiri Butý 13:32

И амэ пиридаса кадая́ бахталы́ зан (звесь) тумэ́нгэ, сыр Дэвэ́л дыя́ лав амарэ́ дадэ́нгэ, Ёв кэрдя́ дава́ ваш амэ́нгэ, лэ́нгирэ чхавэ́нгэ, ке́ли отджидякирдя́ Исусо́с,

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Luka 4:18

“Дэвлэ́скирэ–Ра́скиро Ду́хо (Фа́но) исын пэ ма́ндэ; пал-дова́ со Ёв выкэдыя́ Ман тэ роспхэнав бахталы́ зан (звесь) богэнгэ и бичхадя́ Ман тэ пхэна́в во́ля одолэ́нгэ, савэ́ исын дро пле́но, тэ дыкхэ́н свэ́то корорэнгэ; тэ отмэкав пэ во́ля и тэ дзн васт одолэ́нгэ, савэ́н вэ́рги притасадэ,

Marko 1:39

И Ёв пхэнэлас лав пал Дэвлэ́стэ дрэ синагоги пир сари́ Галиле́я, и традэлас яври́ налачхэ́ ду́хи (фаны).

Матфеё 13:19

Ке́ли вари-кон, кон шунэ́ла лав пал Дэвлэ́скиро Кралипэ́н, и на ґалёла, тэды явэ́ла на́лачхо и чорэла лэ́скирэ илэ́стыр кодова́, со сыс почхудо: кадасаво́ ману́ш исын сы́рбы зя́рка, сави́ сыс чхуды́ пашы́л дром.

Матфеё 11:1

И сыс адя́кэ: ке́ли кончындя Ису́со тэ дэл упхэныбэна́ дэшудуенгэ Пэ́скирэ сыкляибнытконэ́нгэ, Ёв гия́ криг одотхы́р тэ сыклякирэ́л и тэ пхэнэ́л лав дрэ лэ́нгирэ (Галилеякирэ) фо́рья.

Матфеё 9:35

И псирэлас Ису́со пир фо́рья и гава́, сыклякири дрэ лэ́нгирэ синагоги Дэвлэ́скири бахталы́ зан (звесь) и састякирдя кажно насвалыпэн и дукх дрэ манушэ́ндэ.

Luka 1:80

О бия́то барьёлас и ячэласпэ зоралэды́р дро ду́хо (фа́но); ёв дживдя́ пэ чхучи́ пхув анги́л дывэ́с, сыр тэ сыкадел Израилёскирэ манушэ́нгэ.

Luka 9:6

Сыкляибны́тка гинэ́ пир сарэ́ гава́, ёнэ миштопхэнэнас бахталы́ зан (звесь), высастякирэнас усенде (везде).

Luka 20:1

Дро екх дасаво дывэ́с, ке́ли Ису́со сыклякирдя́ дрэ Кхангири́ и пхэндя́ бахтало́ лав, раша́нгирэ барыдыра́ и лылвари́тка кхэтанэ́ годэпхурэнца явнэ́ и пхэндлэ́ Лэ́скэ: