Luka 7:25 - Библия - Пэ Балтитко Романи чиб (Романэс) 2019

²⁵ Ваш со тумэ́ псирдэ́ одори́к тэ дыкхэ́н? Манушэ́с, саво́ сыс уридо́ дрэ шука́р и́дя? Над, мануша́, савэ́ уридэ́ дрэ шука́р и́дя, дживэ́на дрэ кралитка барэ́ фэлатиня́ (колова).

Biblija - Pe Baltitko Romani čib (Romanes) 2019

²⁵ Vaš so tumé psirdé odorík te dykhén? Manušés, savó sys uridó dre šukár ídia? Nad, manušá, savé uridé dre šukár ídia, dživéna dre kralitka baré felatiniá (kolova).

Luka 7:25 Referans Kwoze

Матфеё 6:29

нэ Мэ пхэна́ва тумэ́нгэ, со и Соломо́но пэ́скирэ барвалыпнаса на урьеласпэ адя́кэ, сыр кажно лэ́ндыр.

Матфеё 3:4

Кокорэстэ Ианостэ сыс урибэ́н верблюдытконэ балэндыр; цыпитко кусты́к пэ лэ́скирэ маса́; лэ́скиро хабэ́н сыс акриды и авги́н (мэда) фэлдытко.

Isajos 59:17

Ёв чхудя́ пэ пэ́стэ чачипэ́н, сыр броня (марибны́тка и́ди); зракхибнаскиро шлемо пэ Пэ́скиро шэро́; уридяпэ дрэ холы́, сыр дрэ и́дя, учхакирдя́ пэс зэвлыныпнаса сыр урибнаса.

Ester 8:15

И, акэ, Мардохе́ё выгия́ крали́стыр дрэ крали́скиро урибэ́н яхонтовонэ и парнэ́ цвятоса, и барэ́ сувнакунэ́ коронаса, и дрэ мантия, висонытко и пурпурытко. И фо́ро Сузы отджидыя́ и зоралэ́с обрадындяпэ.

Ester 5:1

Пэ три́то дывэ́с Эстэ́ра уридяпэ дрэ крали́тко и́дя, и тэрдия́ ёй пэ андратунэ́ крали́скирэ-кхэрэ́скири грэ́да, анги́л крали́скиро кхэр; кра́ли тэды сыс бэшто́ пэ пэ́скирэ-крали́скиро троно, дро крали́скиро кхэр, маму́й (проти) дро загиибэ́н дро кхэр. Ке́ли кра́ли дыкхця́ кра́лица Эстэ́ра, сави́ сыс тэрды пэ грэ́да; ёй латхя́ тангипэ́н (жалима) дрэ лэ́скирэ якха́.

Ester 4:2

И догия́ кэ крали́скирэ вудара́; адя́кэ сыр нашты́ сыс тэ заджа́л дрэ крали́скирэ вудара́ дро балытко гоно́.

Ester 1:11

Соб (кай) ёнэ тэ янэ́н кра́лица Астинь анги́л крали́скиро муй дрэ крали́тко коро́на ваш дова́, соб (кай) тэ сыкавэ́л манушэ́нгэ и тхэмэ́скирэ рангэ ла́кири гожыма (шук); пал-дава́ со ёй сыс древа́н шука́р.

Ester 1:3

То дро три́то бэрш лэ́скирэ-кралипнаскиро ёв кэрдя́ свэ́нко ваш сарэ́нгэ пэ́скирэ тхэмэ́скирэ барыдырэ́нгэ и ваш манушэ́нгэ, савэ́ сыс дына́рья пашы́л лэ́стэ, ваш барэ́ Персиякирэ и Мидиякирэ – халадэ́нгирэ барыдырэ́нгэ, ваш пэ́скирэ тхэмэ́скирэ рангэ, и тхагарье́нгэ.

4 Kralip 1:8

Ёнэ пхэндлэ́ лэ́скэ: “Ману́ш одова́ сыс саро́ дрэ бала́ и цыпитконэ симириса сыс подпхандло пир пэ́скирэ трушула. И пхэндя́ ёв: “Дава́ исын Или́я Фесвитянино.”

3 Kralip 10:5

И хабэ́н пал лэ́скиро сками́нд, и штэ́то, кай дживэ́на лэ́скирэ писха́рья, и буты́ лэ́скирэ дынарье́нгири, и и́дя лэ́нгири, и кучикарье́нгирэн (виночэрпии) лэскирэн, цэ́ло схачкирибэ́н лэ́скиро, саво́ ёв янэлас дрэ Ра́скирэ-Дэвлэ́скири Кхангири́. И на могиндя́ ёй буты́р тэ урикирэлпэ.

2 Kralip 19:35

Ма́нгэ какана́ охтодэша́ бэрш; ци роскэдава мэ лачхипэ́н фуипнастыр? Ци джинэ́ла писха́ри тыро́ смако дрэ дова́, со мэ ява́ва тэ хав, и со мэ ява́ва тэ пья́в? И ци ява́ва мэ дро зор тэ шунав зан багаибнаскирэнгири и багаибнаркэнкири? Со́скэ писхари́скэ тырэ́скэ тэ явэ́л дро пхарипэ́н хула́скэ, мирэ́скэ крали́скэ?

Матфеё 11:8

Со тумэ́ псирдэ́ одори́к тэ дыкхэ́н? Манушэ́с, саво́ сыс уридо́ дрэ шука́р и́дя? Над; мануша́, савэ́ уридэ́ дрэ шука́р и́дя, дживэ́на дрэ кралитка фэлатиня́ (колова́).

Luka 7:24

Ке́ли Ианоскирэ бичхадэ́ мануша́ гинэ́, Ису́со лыя́ тэ ракирэ́л манушэ́нгэ пал Ианостэ: “Со псирдэ́ тумэ́ пэ чхучи́ пхув тэ дыкхэ́н? Сыр трастинитко кашт тринскирлапэ балвалятыр?

Luka 7:26

Нэ, со ж тумэ́ тэды псирдэ́ тэ дыкхэ́н? Пророко́с? Чачо́, ракира́ва тумэ́нгэ: ‘Ёв исын барэды́р пророкостыр.’

Luka 16:19

“Гада, сыс екх барвало́ ману́ш и ёв урьеласпэ дрэ порфиритко и най фэдыдыр и́дя, хая и пия со фэдэды́р со дывэ́с.