Luka 7:16 - Библия - Пэ Балтитко Романи чиб (Романэс) 2019

¹⁶ Пэ лэ́ндэ сарэ́ндэ бари дар пыя́ и ёнэ славиндлэ Дэвлэ́с, ракири́: “Баро́ проро́ко явдя́ тэ явэ́л амэ́нца, Дэвэ́л помогинэла Пэ́скирэ манушэ́нгэ.”

Biblija - Pe Baltitko Romani čib (Romanes) 2019

¹⁶ Pe lénde sarénde bari dar pyjá i jone slavindle Devlés, rakirí: “Baró proróko javdiá te javél aménca, Devél pomoginela Péskire manušénge.”

Luka 7:16 Referans Kwoze

Luka 7:39

Ке́ли Фарисеё, саво́ кхардя́ Исусо́с кэ пэ, дыкхця́ дава́, ёв пхэндя́ пэ́скэ: “Ко́ли тэ явэ́л Ёв проро́ко, Ёв джинэлас, кон, и сави́ джувлы́ чилавэ́ла Лэс; ёй жа исын грэхи́тко джувлы́.”

Матфеё 9:8

Ке́ли мануша́ дыкхнэ́ дава́, ёнэ дивиндлэ́пэ и славиндлэ Дэвлэ́с, со Ёв дыя́ дасави́ зор манушэ́нгэ.

Luka 1:68

“Бахтало́ исын Рай Дэвэ́л, Израилёскиро Дэвэ́л, Саво́ явдя́ тэ дыкхэ́л Пэ́скирэ манушэ́н и тэ выракхэл лэн,

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Luka 5:26

И ёнэ сарэ́ страха́дынэ и славиндлэ Дэвлэ́с: и сыс дрэ дар, и ракирдэ́: “Савэ барэ́ ди́вы амэ дыкхцям ададывэ́с.”

Luka 2:20

И чхупна́рья рисинэ́ палэ шарэнас и парикирэнас Дэвлэ́скэ пал саро́, со ёнэ шундлэ́ и дыкхнэ́ адя́кэ, сыр лэ́нгэ сыс пхэндло́.

Luka 1:65

Мануша́, савэ́ дживдэ́ пашы́л одо́й, страха́дынэ, и сари́ бэргитко пхув Юдэ́я ракирдя́ пал дава́.

Матфеё 21:11

И ракирдэ́ мануша́: “Дава́ исын проро́ко Ису́со Галилеякирэ Назаретостыр.”

Матфеё 15:31

адя́кэ, со мануша́ древа́н дивиндлэ́пэ, ке́ли дыкхнэ́, со бичибитка ракирэ́на, калеки састэ, лангалэ псирэ́на, и корорэ́ дыкхэ́на; и ёнэ славиндлэ Дэвлэ́с Израилёскирэс.

Psalmy 65:9

Ёнэ, савэ́ адя́кэ-паць дживэ́на дрэ дуратунэ́ штэ́ты пэ пхув, дарэ́на Тырэ́ ґертыкэндыр (знакэндыр). Ту кэрэ́са адя́кэ, со яго́ры (краи́) пхувья́кирэ радынэ́напэ тасярлатыр кэ рат.

Vygiiben 4:31

и патяндынэ́ мануша́; и шундлэ́, со Рай Дэвэ́л сыс кэ Израилёскирэ чхавэ́ и дыкхця́ лэ́нгирэ мэ́ньки и тэрдинэ́ ёнэ пэ чанга́ и поклониндлэпэ.

Galatenge 1:24

и ёнэ сарэ́ славиндлэ Дэвлэ́с пал ма́ндэ.

Apostolengiri Butý 5:5

Ананиё, сыр шундя́ далэ́ лава́, пыя́ муло́; и бари дар лыя́ сарэ́н манушэ́н, савэ́ сыс одо́й и шундлэ́ дава́.

Joannostir 9:17

Ёнэ нэвэ́стыр ракирэ́на корорэскэ: “Со ту пхэнэ́са пал Лэ́стэ, пал-дова́ со Ёв отчхакирдя́ ту́кэ якха́? Кон Ёв исын пир тыро́?” Ёв пхэндя́: “Ёв исын проро́ко.”

Joannostir 6:14

Мануша́ дыкхнэ́, саво́ ди́во Ёв кэрдя́ и ёнэ пхэндлэ́: “Дава́ исын кодова́ чачуно́ Проро́ко, Савэ́скэ Трэй банго́ тэ явэ́л дро свэ́то.”

Joannostir 4:19

Джувлы́ ракирэ́ла Лэ́скэ “Раё! Мэ дыкха́ва, со Ту сан проро́ко.

Joannostir 1:25

Ёнэ пхучнэ́ лэ́стыр: “Со (ко́ли) ту на сан Христо́со, на сан Или́я, на сан Проро́ко, тэды со́скэ ту болэса манушэ́н?”

Joannostir 1:21

Ёнэ пхучнэ́ лэ́стыр: “Со ж? Ту со сан Или́я?” Иа́но отпхэндя́: “Над.” “Ци на Проро́ко?” И Ёв пхэндя́: “Над.”

Luka 24:19

Ёв пхуця́: “Со ж сыс?” И ёнэ пхэндлэ́ Лэ́скэ: “Дова́, со сыс Исусо́са Назаретостыр. Ёв сыс проро́ко, Саво́ кэрдя́ саро́ и ракирдя́ барэ́ зорья́са анги́л Дэвлэ́стэ и манушэ́ндэ;

Luka 9:19

Ёнэ отпхэндлэ́: “Пал Ианостэ Болдэипнаристэ, яви́р-пал Илиястэ; яви́р ракирэ́на, со екх ґаратунэ́ пророкэндыр отджидыя́.”

Luka 8:37

И сарэ́ мануша́ Гадариноскирэ пхувья́тыр лынэ́ тэ мангэ́н Исусо́с тэ дурьёл лэ́ндыр, пал-дова́ со ёнэ сыс пиристрахадэ. Ису́со загия́ дрэ ба́рка и рисия́ палэ.

Luka 5:8

Ке́ли Си́моно дыкхця́ дава́, ёв пыя́ пэ анги́л Исусо́стэ пэ чанга́ и пхэндя́: “Мэк ман, Раё Дэ́вла, мэ сом грэхи́тко ману́ш!”

Матфеё 28:8

И выгии сы́гэс коплицатыр, ёнэ праста́ндынэ дара́са и барэ́ радыма́са тэ роспхэнэ́н Лэ́скирэ сыкляибнытконэ́нгэ.

Apostolengiri Butý 7:37

Ѓа́да, одова́-паць Мо́йза, саво́ пхэндя́ Израилёскирэ чхавэ́нгэ: “Дэвэ́л тумаро́ бичхавэ́ла тумэ́нгэ Пророко́с, тумарэ́ пшалэ́ндыр, сыр Ёв бичхадя́ ман; кандэ́н Лэс.”

Luka 19:44

и роспхагирэна саро́ пэ пхув и замарэна тырэ́ чхаворэ́н: и на ячэ́ла бар пэ бар, пал-дова́ со ту на уджиндян часо, ке́ли Дэвэ́л явдя́ тэ зракхэ́л тут.”

Яви́р Зако́но 18:15

Пророко́с машки́р ту́тэ, тырэ́ пшалэ́ндыр, сыр ман, дэ́ла ту́кэ Рай-Дэвэ́л, Дэвэ́л тыро́, Лэс шунэ́н, –

Luka 7:15

Муло ману́ш бэсця́ и лыя́ тэ ракирэ́л; и Ису́со отдыя́ лэс лэ́скирэ да́кэ.