Luka 6:12 - Библия - Пэ Балтитко Романи чиб (Романэс) 2019

¹² И сыс адя́кэ: дрэ долэ́ дывэса́ Ису́со гия́ пэ бэ́рга тэ мангэ́лпэ Дэвлэ́скэ и мангдя́пэ сари́ рат.

Biblija - Pe Baltitko Romani čib (Romanes) 2019

¹² I sys adiáke: dre dolé dyvesá Isúso gijá pe bérga te mangélpe Devléske i mangdiápe sarí rat.

Luka 6:12 Referans Kwoze

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Marko 6:46

И ке́ли Ёв розяцяпэ и отмэкця́ манушэ́н, то гия́ упрэ́ пэ бэ́рга тэ мангэ́лпэ Дэвлэ́скэ.

Marko 1:35

Пэ яви́р зло́ко (ра́нко), уштыи анги́л дывэ́с, Ису́со гия́ одори́к, кай никонэ́с нанэ, и мангдя́пэ Дэвлэ́скэ одо́й.

Колосянэнгэ 4:2

Мангэ́нпэ Дэвлэ́скэ саро́ часо, явэ́н пэ стрэ́га парикирибнаса;

Матфеё 6:6

Ке́ли ту мангэсапэ, заджа́ дрэ андратуны́ шту́ба пэ́скири, пхандэ вуда́р, и мангпэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла тут, со явирэ́нгэ на дыцьло, отдэ́ла ту́кэ.

Дание́лё 6:10

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Psalmy 22:2

Миро Дэ́вла, Мро Дэвлалэ! Со́скэ Ту мэкцян ман, со́скэ Ту сан дура́л тэ дэс васт ма́нгэ, ке́ли Мэ да́ва ґондя́ (ўздыхинава) пхарипнастыр.

1 Kralip 15:11

“Мэ тангинава, со Мэ чхудём Саулос крали́са, пал-дова́ со ёв отрисия Ма́ндыр и лав Миро на сполниндя.” И задуминдяпэ Самуи́ло, и прикхарэлас Рас-Дэвлэ́с сари́ рат.

Isajos 26:9

Мирэ́ деса тырдавас мэ кэ Ту тэ явав раты́, мирэ́ духо́са лава́ мэ тэ родав Тут дрэ пэ́стэ тася́рлэс (ра́нэс) пэ зло́ко (ранкоса); пал-дова́ со, ко́ли сэ́ндо Тыро́ кэрэ́лапэ пэ пхув, тэ́ньчи одолэ́, кон дживэ́ла дро свэ́то, сыклёна чачипнаскэ.

Матфеё 5:1

Ке́ли Ису́со дыкхця́ манушэ́н, Ёв гия́ пэ бэ́рга, и, сыр бэсця́, сыкляибны́тка (учэники) Лэ́скирэ подгинэ́ кэ Ёв,

Marko 3:13

Ису́со ґаздыя́пэ пэ бэ́рга и кхардя́ кэ пэ манушэ́н, савэ́н Ёв Кокоро́ выкэдыя́, и ёнэ явнэ́ кэ Ёв.

Luka 5:16

И Ёв джа́лас пир штэ́ты, кай на сыс мануша́, и мангдя́пэ Дэвлэ́скэ.

Luka 6:11

Ёнэ нашадэ пэс тэды холя́тыр и ракирдэ́ машки́р пэ́стэ, со лэ́нгэ тэ кэрэ́н Исусо́са?

Luka 6:17

Ке́ли Ису́со змэкцяпэ бэрга́тыр кхэтанэ́ Апостолэнца, Ёв тэрдия́ пэ роўно (во́рто) штэ́то кхэтанэ́ Лэ́скирэ сыкляибнытконэ́нца; и сыс бут мануша́ Юдэя́тыр и Ерусалимо́стыр, Тироскирэ и Сидоноскирэ штэтэ́ндыр, савэ́ сыс пашы́л мо́рё (дэрья́в):

Luka 9:18

Екхвар, ке́ли Ису́со сыс екхджино́ и мангдя́пэ Дэвлэ́скэ, а Лэ́скирэ сыкляибны́тка сыс Лэ́са, Ёв пхуця́ лэ́ндыр: “Пал конэ́стэ мануша́ гинэ́на Ман?”

Luka 9:28

Прогинэ́ вари-савэ́ охто́ (бидуе́нгиро дэш) дывэса́, сыр Ису́со пхэндя́ далэ́ лава́, и Ёв лыя́ Пэ́са Пэтрис, Ианос и Яково́с и ґаздыя́пэ пэ бэ́рга тэ мангэ́лпэ Дэвлэ́скэ.

Luka 9:29

Пака Ёв мангдя́пэ Дэвлэ́скэ, Лэ́скиро муй и мина парудынэ, Лэ́скиро муй яця́ тэ зяинэл и парнёл.

Joannostir 6:3

Ису́со гия́ упрэ́ пэ бэ́рга и одо́й бэсця́ Пэ́скирэ сыкляибнытконэ́нца.