Luka 6:11 - Библия - Пэ Балтитко Романи чиб (Романэс) 2019

¹¹ Ёнэ нашадэ пэс тэды холя́тыр и ракирдэ́ машки́р пэ́стэ, со лэ́нгэ тэ кэрэ́н Исусо́са?

Biblija - Pe Baltitko Romani čib (Romanes) 2019

¹¹ Jone našade pes tedy xoliátyr i rakirdé maškír péste, so lénge te kerén Isusósa?

Luka 6:11 Referans Kwoze

Apostolengiri Butý 5:33

Нэ ке́ли ёнэ шундлэ́ дава́ саро́, лэн лэлас бари холы́ и ёнэ камэнас тэ замарэ́н Апостолэн.

Ekliesiastos 9:3

Дава́ исын биба́хт машки́р сарэ́ндэ, со кэрэ́лапэ тэл кхам – со екх тала́но (судьба) ужакирэ́ла сарэ́н: чачо́, манушэ́нгирэ-чхавэ́нгирэ илэ исын пхэрдэ́ бибахтяса, и бигодыпэн исын дрэ лэ́нгирэ илэ, пака ёнэ дживэ́на, а пало́ (после) дова́ ёнэ джа́на криг одори́к, кай мулэ́ исын.

Apostolengiri Butý 26:11

Мэ бут мо́лы мэнчындём лэн пир сарэ́ синагоги, и мэ зачхувавас лэн тэ тэлякирэн Исусо́с. Ма́ндэ сыс бари холы́ пэ лэ́ндэ, мэ псирдём ваш дава́ дрэ яви́р дуратунэ́ фо́рья.

Apostolengiri Butý 7:54

Ке́ли ёнэ шундлэ́ дава́, лэ́нгирэ илэ пхарадынэ холя́тыр и ёнэ скрежындлэ дандэнца пэ лэ́стэ.

Apostolengiri Butý 4:19

Нэ Пэ́три и Иа́но отпхэндлэ́ лэ́нгэ: “Нэ дэн годы́ пэскэ́ (подуминэн) кокорэ́, ци чачунэ́с дава́ явэ́ла анги́л Дэвлэ́стэ, тэ кандэс тумэн бутэды́р Дэвлэ́стыр?

Apostolengiri Butý 4:15

нэ ёнэ припхэндлэ Апостолэнгэ тэ джа́н яври́ Синедрионостыр, а кокорэ́ лынэ́ тэ обракирэн машки́р пэ́стэ,

Joannostir 11:47

Тэды раша́нгирэ барыдыра́ и Фарисе́и кхардэ́ скэдыибэ́н и ракирдэ́: “Со амэ́нгэ тэ кэра́с? Адава́ Ману́ш кэрэ́ла бут ди́вы.

Joannostir 7:1

Пало́ дава́ Ису́со псирдя́ пир Галиле́я, нэ Ёв на камдя́ тэ джал дрэ Юдэ́я, пал-дова́ со Юды родынэ тэ замарэ́н Лэс.

Luka 4:28

Ке́ли мануша́ дрэ синагога шундлэ́ дава́, ёнэ сарэ́ древа́н холясынэ;

Матфеё 21:45

И ке́ли шундлэ́ раша́нгирэ барыдыра́ и Фарисе́и примеры (сыкаибэна), ёнэ ґалынэ́, со Ёв ракирдя́ пал лэ́ндэ.

Матфеё 16:7

Нэ ёнэ лынэ́ тэ пириракирэн машки́р пэ́стэ: “Амэ на лыям лабы маро́.”

Luka 6:10

Ёв подыкхця́ пэ лэ́ндэ сарэ́ндэ, и пхэндя́ кодолэ́ манушэ́скэ: “Протырдэ тыро́ васт.” Ёв протырдыя́, и насвало́ лэ́скиро васт яця́ састо́, сыр и яви́р васт.

Luka 6:12

И сыс адя́кэ: дрэ долэ́ дывэса́ Ису́со гия́ пэ бэ́рга тэ мангэ́лпэ Дэвлэ́скэ и мангдя́пэ сари́ рат.

2 Ximaske 3:9

Нэ лэ́нгэ яця́пэ на́бут часо адя́кэ тэ дживэ́н, пал-дова́ со лэ́нгиро дылныпэ́н явэ́ла бицяло́ сарэ́нгэ, сыр дава́ сыс одолэ́ манушэ́нца, савэ́ сыс проти Мойзастэ: Яниёса и Ямвриёса