Luka 5:25 - Библия - Пэ Балтитко Романи чиб (Романэс) 2019

²⁵ И ёв екха́тыр (сра́зу) уштыя́ анги́л лэ́ндэ, лыя́ дова́, пэ со сыс пашто́, и гия́ дро пэ́скиро кхэр, шариндой Дэвлэ́с.

Biblija - Pe Baltitko Romani čib (Romanes) 2019

²⁵ I jov jekhátyr (srázu) uštyjá angíl lénde, lyjá dová, pe so sys paštó, i gijá dro péskiro kher, šarindoj Devlés.

Luka 5:25 Referans Kwoze

Joannostir 9:24

И ґа́да, яви́р мо́ло ёнэ кхардэ́ манушэ́с, саво́ сыс короро́, и пхэндлэ́ лэ́скэ: “Дэ лав анги́л Дэвлэ́стэ, со ту пхэнэ́са чачипэ́н: амэ джина́са, со Одова́ Ману́ш исын грэхи́тко.”

Luka 18:43

Короро́ ада́й жэ лыя́ тэ дыкхэ́л и гия́ пал Лэ́стэ, и шардя Дэвлэ́с. И сарэ́ мануша́, ке́ли дыкхнэ́ дава́, славиндлэ парикирибнаса Дэвлэ́с.

Luka 13:13

И Ёв чхудя́ упрэ́ Лэ́скирэ васта́ пэ ла́тэ; и ада́й жэ ёй яця́ роўно и славиндя парикирибнаса Дэвлэ́с.

Luka 5:13

Ису́со протырдыя́ васт, чиладя́ лэс и пхэндя́: “Кама́м, ту какана́ сан жужо́ (чысто).” И ада́й жэ ёв сыс высастякирдо проказатыр.

Psalmy 50:23

Кон парикирэла Дэвлэ́скэ свэнтонэ́ яныбнаса, кодова́ славинэла Ман и Мэ сыкава́ва лэ́скэ, сыр Дэвэ́л зракхэ́ла лэс, и саво́ придыкхэла пал пэ́стэ тэ дживэ́л пир чачипэ́н.

Psalmy 33:9

Ке́ли Ёв пхэндя́, и саро́ кэрдя́пэ; ёв дыя́ припхэныбэ́н и саро́ яця́.

Džiibén 1:3

И пхэндя́ Дэвэ́л: “Мэк тэ явэ́л дуд (свэ́то).” И дуд яця́.

Матфеё 9:8

Ке́ли мануша́ дыкхнэ́ дава́, ёнэ дивиндлэ́пэ и славиндлэ Дэвлэ́с, со Ёв дыя́ дасави́ зор манушэ́нгэ.

Marko 2:12

И ёв екха́тыр (сра́зу), пэ якха́ сарэ́ндэ, уштыя́, скэдыя́ пэ́скиро матрацо и гия́ яври́. Дава́ дивинэлас сарэ́н, и мануша́ славинэнас Дэвлэ́с и ракирэ́нас: “Дасаво амэ ние́кхвар на дыкхцям!”