Luka 5:22 - Библия - Пэ Балтитко Романи чиб (Романэс) 2019

²² Ису́со ґалыя́ лэ́нгирэ ду́мы и отпхэндя́ лэ́нгэ: “Со тумэ́ адя́кэ пал дава́ думинэ́на?

Biblija - Pe Baltitko Romani čib (Romanes) 2019

²² Isúso ĥalyjá léngire dúmy i otphendiá lénge: “So tumé adiáke pal davá duminéna?

Luka 5:22 Referans Kwoze

Luka 24:38

Нэ Ёв пхэндя́ лэ́нгэ: “Со́скэ тумэ́ страха́дынэ? Со́скэ тумарэ́ илэ адя́кэ кунинэнапэ?”

Apostolengiri Butý 5:3

Нэ Пэ́три пхэндя́: “Анание! Ваш со ту домэкцян налачхэ́с тэ хулаинэ́л, со ту хохадян Свэнтонэ́ Духоскэ и ґарадян пэ́скэ паш ловэ́, савэ́ ту дорэсцян пал бикиндлы пхув?

Marko 8:17

Ису́со уджиндя́ дава́, пхэндя́ лэ́нгэ: “Ракирибэ́н на пал дова́, со тумэ́ на лынэ́ маро́. Нау́што усае́кх тумэ́ какана́ на дыкхэ́на, и на ґалёна? Нау́што илэ тумарэ́ сарэ́са зашутинэ?

Матфеё 12:25

Нэ Ису́со джиндя́, со ёнэ думиндлэ и пхэндя́ лэ́нгэ: “Кажно кралипэ́н, кай нанэ екхипэ́н андра́л, явэ́ла сыр чхучи́ пхув, и кажно фо́ро ци кхэр, кай нанэ екхипэ́н андра́л, на явэ́ла тэ тэрдёл.

Матфеё 9:4

И Ису́со, джины́, со ёнэ думиндлэ, пхэндя́: “Со́скэ ишчо (инкэ́) тумэ́ думинэ́на фуипэ́н дрэ пэ́скирэ илэ?

Isajos 66:18

“Пал-дова́ со Мэ джино́м лэ́нгирэ рэ́нды и ду́мы; акэ, Мэ ява́ва тэ скэдав сарэ́ народы и екхэ-чибьякирэ ро́ды; ёнэ явэ́на и дыкхэ́на Мири́ паты́в.

Psalmy 139:2

Ту джинэ́са, ке́ли мэ бэшава и уштава; ту ґалёса дурипнастыр, со мэ думинава.

Sykadyipén 2:23

и Мэ мулякирава ла́кирэ чхавэ́н, соб (кай) сарэ́ кхангирья тэ джинэ́н, со Мэ сом Одова́, Кон джинэ́ла, со ману́ш думинэ́ла, и со ёв мангэ́ла, Мэ да́ва палэ кажнонэ́скэ тумэ́ндыр пир дова́, сави́ буты́ тумэ́ кэрдэ́.

Юдэ́нгэ 4:12

Дэвлэ́скиро лав исын джидо́ и пхэрдо́ зорья́са, вострэдыр (чолалэды́р) любонэ куртала́тыр, сави́ чхинэла пэ дуй рига́, Дэвлэ́скиро лав заджа́ла хор машки́р ило́ и ду́хо (фа́но), машки́р кокалы́ и трушу́л, кай исын думо, и сэндинэла манушэ́нгирэ рэ́нды и мысли пэ ило́.

1 Паралипоменоно 28:9

и ту Соломо́но, миро чхаво́, джин Дэвлэ́с тырэ́ дадэскирэс, и дынарин Лэ́скэ сарэ́ илэ́стыр и сарэ́ де́стыр, пал-дова́ со Рай Дэвэ́л спробинэла сарэ́ илэ и джинэ́ла сарэ́ ду́мы. Ко́ли ту явэ́са тэ родэс Лэс, тэды латхэса Лэс, а ко́ли ячкирэса Лэс, Ёв ячкирэ́ла тут сарэ́са.

Езэкилё 38:10

Адя́кэ ракирэ́ла Рай Дэвэ́л, Дэвэ́л: “Дрэ кодолэ́ дывэса́ явэ́ла ту́кэ дро ило́ дума, ту задуминэса бибахтало́ рэ́ндо.

Pritčy 15:26

Рай Дэвэ́л исын джунгало́ долэ́стыр, со бибахталэ́ мануша́ придуминэна, нэ бидошэнгирэ-манушэ́нгирэ лава́ исын лачхэ́ Лэ́скэ.

Матфеё 12:15

Нэ сыр Ису́со ґалыя́ пал дова́, Ёв гия́ пэ́скэ одотхы́р. И бут мануша́ гинэ́ Лэ́са, и Ёв высастякирдя́ лэн сарэ́н,

Luka 5:21

Лылвари́тка и Фарисе́и лынэ́ тэ ракирэ́н машки́р пэ́стэ: “Кон да дасаво исын, Саво́ тэлякирэла Дэвлэ́с? Кон да сашты́ (могинэ́ла) тэ отмэкэ́л грэ́хи апри́ч екхэ Дэвлэ́стэ?”

Luka 5:23

Со локхэды́р тэ пхэна́в: ‘Отмэкэнапэ грэ́хи тырэ́’, ци тэ пхэна́в: ‘Ушты́ и псир?’