Luka 5:14 - Библия - Пэ Балтитко Романи чиб (Романэс) 2019

¹⁴ И Ёв припхэндя́ Лэ́скэ никонэ́скэ тэ на сыкадёл, а тэ джал тэ сыкавэ́л пэс раша́скэ и тэ янэл свэ́нто дыибэ́н пал пэ́скиро высастякирибэн, со припхэндя́ Мо́йза, сыр допхэныбэ́н манушэ́нгэ.

Biblija - Pe Baltitko Romani čib (Romanes) 2019

¹⁴ I Jov priphendiá Léske nikonéske te na sykadjol, a te džal te sykavél pes rašáske i te janel svénto dyibén pal péskiro vysastiakiriben, so priphendiá Mójza, syr dophenybén manušénge.

Luka 5:14 Referans Kwoze

Luka 17:14

Ису́со дыкхця́ лэн и пхэндя́ лэ́нгэ: “Джа́н, сыкавэ́н пэс раша́скэ.” И ке́ли ёнэ джа́нас, тэды ячнэ́ жужэ́.

Матфеё 8:4

И раки́рла лэ́скэ Ису́со: “Дыкх жэ; ни конэ́скэ на ра́кир, нэ джа́, сыка́в пэс раша́скэ, ян да́ро, со припхэндя́ Мо́йза, сыр допхэныбэ́н манушэ́нгэ.”

Marko 1:44

и ракирэ́ла Лэ́скэ: “Никонэ́скэ пал дава́ на роспхэн; нэ джа́; сыка́в пэс раша́скэ, и ян свэ́нто дыибэ́н пал састякирибэн, сыр дава́ трэй пир Мойза́скиро Зако́но, дава́ явэ́ла тыро́ допхэныбэ́н манушэ́нгэ.”

Матфеё 12:16

и припхэндя́ шылалэс лэ́нгэ тэ на ракирэ́н явирэ́нгэ пал Лэ́стэ;

Матфеё 9:30

И откэрдэпэ лэ́нгирэ якха́. И Ису́со зорья́са упхэндя лэ́нгэ: “Соб (кай) нико́н тэ на джинэ́л.”

Левито 13:2

“Ке́ли конэ́стэ ячэ́ла пэ лэ́скирэ-масэнгири цы́па шулыпэн, ци лишаё ци пляма, и пэ лэ́скирэ-масэнгири цы́па ячэ́ла, хай, проказакиро фра́нсо, тэды трэй тэ янэ́н лэс кэ Ааро́но, раша́й, ци кэ екх лэ́скирэ чхавэ́ндыр, рашандыр;

Luka 9:5

а ко́ли вари-кай тумэн на прилэ́на, то тэды выджа́н яври́, тринскирэн бла́та тумарэ́ ґэрэндыр, сыр допхэныбэ́н пэ лэ́ндэ.”

Marko 6:11

и ко́ли тумэн на прилэ́на, ци на закамэна тэ шунэ́н, тэды джа́н яври́, стринскирэн бла́та тумарэ́ ґэрэндыр сыр допхэныбэ́н ваш лэ́нгэ.”

Матфеё 10:18

и тырдэна тумэн кэ тхэмэ́скирэ барыдыра́ и кэ кра́лья пал Миро лав, соб (кай) тэ допхэнэн пал Ма́ндэ лэ́нгэ и Наюдэ́нгэ.

Левито 13:49

и франсакири пляма (пятно) явэ́ла зэлэновато ци лоловато пэ и́дя, ци пэ цы́па, ци пэ основа, ци пэ утоко, ци пэ вари-саво́ цыпитко урибэ́н, – тэды дава́ исын фра́нсо кэ прока́за: трэй тэ сыкавэ́н ла раша́скэ;

Luka 5:13

Ису́со протырдыя́ васт, чиладя́ лэс и пхэндя́: “Кама́м, ту какана́ сан жужо́ (чысто).” И ада́й жэ ёв сыс высастякирдо проказатыр.