Luka 4:25 - Библия - Пэ Балтитко Романи чиб (Романэс) 2019

²⁵ чачипна́са Мэ пхэна́ва тумэ́нгэ: Бут сыс пивля (удовы), ке́ли Или́я дживдя́, сыр болыбэ́н сыс закэрдо пэ трин бэрш и шов чхона́, и на сыс брышы́нд трин пашэ́са бэрш и яця́ бари бокх пэ доя́ пхув;

Biblija - Pe Baltitko Romani čib (Romanes) 2019

²⁵ čačipnása Me phenáva tuménge: But sys pivlia (udovy), kiéli Ilíia dživdiá, syr bolybén sys zakerdo pe trin berš i šov čhoná, i na sys bryšýnd trin pašésa berš i jaciá bari bokh pe doiá phuv;

Luka 4:25 Referans Kwoze

Jakov 5:17

Проро́ко Или́я сыс адасаво́-паць ману́ш, сыр и амэ сам, нэ ёв сарэ́ илэ́стыр мангдя́пэ Дэвлэ́скэ, соб (кай) тэ на явэ́л брышы́нд; и на сыс брышы́нд пэ пхув трин бэрш и шов чхона́,

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Матфеё 20:15

со ж нашты́ ма́нгэ тэ кэра́в, со исын миро, сыр мэ кама́м? Ци якх тыри́ камэ́ла буты́р, пал-дова́ со мэ сом лачхо́?’

Isajos 55:8

Мирэ́ ду́мы – нанэ тумарэ́ ду́мы; Мирэ́ дрома́ – нанэ тумарэ́ дрома́, – ракирэ́ла Рай Дэвэ́л.

Luka 10:21

Дрэ дова́-паць мардо́ (шту́нда) Ису́со яця́ древа́н радо Свэнтонэ́ Духо́стыр и пхэндя́: “Мэ барьякирава Тут, Да́до, Рай Дэвэ́л Болыбна́скиро и пхувья́киро, со Ту ґарадян дава́ годьварэндыр и сыклякирдэндыр и откэрдян дава́ тыкнэ́ чхаворэнгэ. Лачхэ́с, Да́до, мэк тэ явэ́л адя́кэ, сыр Ту камдян.

Эфесянэнгэ 1:11

пир екхипэ́н Лэ́са и амэ яця́м Дэвлэ́скирэ манушэ́нца пир Лэ́скири мысля, ке́ли Ёв выкэдыя́ амэн и Саво́ кэрэ́ла саро́ дро свэ́то пир Пэ́скири во́ля самонэ англыпна́стыр,

Эфесянэнгэ 1:9

пир Пэ́скиро цэлё/рэс (чачипэ́н) Дэвэ́л отчхакирдя́ амэ́нгэ Лэ́скирэ-воля́киро чораханыбэн, саво́ Ёв ґарэдыр задуминдя тэ кэрэ́л пир Христосо́стэ,

Римлянэнгэ 9:20

А кон ту сан адасаво́ ману́ш? Соб (кай) ту́тэ тэ явэ́л отпхэныбэ́н Дэвлэ́скэ? Ци могинэ́ла дова́, со исын кэрдо́, тэ пхэнэ́л одолэ́скэ, кон кэрдя́ лэс: “Со́скэ ту кэрдя́н ман дасавэса?”

Римлянэнгэ 9:15

Дэвэ́л ракирэ́ла Мойза́скэ: “Мэ примангава одолэ́нгэ, конэ́с трэй тэ примангав, и конэ́с трэй тэ тангинав, Мэ потангинава.”

Sykadyipén 11:6

Адалэ́ Якхитконэндэ исын зор тэ пхандэн болыбэ́н, соб (кай) тэ на джал брышы́нд, ке́ли ёнэ явэ́на тэ ангилпхэнэн (тэ пророчынэн). И ёнэ рикирэ́на зор, соб (кай) паня́ тэ пирикэрэнпэ дро рат и тэ мулякирэ́н лэн франсэнца ада́кицы бут мо́лы, кицы́ ёнэ выкэдэна.