Luka 4:22 - Библия - Пэ Балтитко Романи чиб (Романэс) 2019

²² И ёнэ сарэ́ прилынэ́ дава́ Лэ́стыр и дивиндэпэ пэ бахталыпэ́н лавэ́ндыр, савэ́ Ису́со ракирдя́ и ёнэ ракирдэ́: “Ци на Ёв исын Ёзаскиро Чхаво́?”

Biblija - Pe Baltitko Romani čib (Romanes) 2019

²² I jone saré prilyné davá Léstyr i divindepe pe bahtalypén lavéndyr, savé Isúso rakirdiá i jone rakirdé: “Ci na Jov isyn Jozaskiro Čhavó?”

Luka 4:22 Referans Kwoze

Joannostir 6:42

Ёнэ ракирдэ́: “Ци дава́ Ису́со исын чхаво́ Ёзаскиро (Иосифоскиро), Савэскирэс Дадэ́с и Да амэ джина́са? Сыр Ёв могинэ́ла тэ ракирэ́л: “Мэ явдем болыбна́стыр?”

Psalmy 45:2

Миро ило́ исын пхэрдо́ бахталэ́ лавэ́нца: мэ ракира́ва пал крали́скирэ рэ́нды, мири́ чиб исын сыр лачхэ́-чхиныбнарискиро дэсторо (трость).

Pritčy 16:21

Конэ́стэ исын годо́ ило́, кодова́ кхарэ́лапэ барэ́-годя́киро, гудлэ́ ушта́ барьякирэна сыклякирибэ́н.

Titoske 2:8

ра́кир чачунэ́ лава́, соб (кай) адалэ́ манушэ́нгэ, савэ́ исын вэ́рги тумарэ́, тэ явэ́л лэ́нгэ ладжаво, и ёнэ тэ на могинэн тэ пхэнэ́н нисаво́ чорипэ́н пал амэ́ндэ:

Apostolengiri Butý 6:10

Адалэ́ мануша́ сыс бизорья́кирэ анги́л Духоскири зор и годы́, савья́са ракирдя́ Стехвано.

Joannostir 7:46

Э стрэгарья отпхэндлэ́ адя́кэ: “Адава́ ману́ш адя́кэ ракирдя́, со нико́н ние́кхвар на ракирдя́.”

Luka 21:15

пал-дова́ со Мэ да́ва тумэ́нгэ лава́ и годы́, со тумарэ́ вэ́рги на змарэна тумэн дро лав, и ёнэ адя́кэ-паць на дэ́на ра́да (на змогинэна) тэ бангякирэн тумэн дро дова́, со тумэ́ отпхэнэна.

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.

Гиленгири (Соломоно́скири) Гилы́ 5:16

Лэ́скиро муй исын най гудлэдыр; чачо́, ёв исын шука́р пир саро́. Акэ, саво́ исын миро пирамно́, ґа́да, исын миро мал, – тумэ́, Ерусалимо́скирэ чхая́лэ!

Pritčy 25:11

Лав, со пхэндло́ кэ штэ́то, исын сы́рбы сувнакунэ́ пхаба́ дрэ рупэскирэ кхорэ́ (сасу́ды).

Pritčy 10:32

Чачунэ́-манушэ́нгирэ ушта́ джинэ́на, со тэ пхэнэ́н, нэ муй фуе́-манушэ́нгиро фэ́ни (то́ка) хохавэла.

Psalmy 45:4

Пхандэ трусця́л пэ́скири курта́ла кэ пэ́скири ґэро́й (бёдро), мурш баро́, пэ́скирэ слава́са и барэ́ вучэдырипнаса,

Luka 2:47

Сарэ́, кон шундя́ Лэс, дивиндлэ́пэ пэ Лэ́скири годы́ и пэ дова́, сыр Ёв отпхэнэ́лас.

Ekliesiastos 10:12

Лава́ годэ́-манушэ́нгирэ уштэндыр исын бахталыпэ́н, нэ дылыниньконэскирэ ушта́ сы́рбы накхавэна лэс кокорэс.

Luka 2:48

Ке́ли Лэ́скирэ дада́ дыкхнэ́ Лэс, ёнэ здивиндлэпэ, и Лэ́скири Дай пхэндя́ Лэ́скэ: “Мро Чха́воро! Со Ту кэрдя́н амэ́нгэ? Ѓа́да, Тыро́ дад и Мэ барэ́ дукхаса родыям Тут.”

Luka 4:21

и ґа́да, Ёв пхэндя́ лэ́нгэ: “Ададывэ́с кэрдя́пэ кэ ко́нцо/яго́ро (сполниндяпэ) Свэ́нто Чхиныбэ́н, ке́ли тумэ́ шундлэ́ лэс пэ́скирэ канэнца.”

Joannostir 1:45

Филипо латхя́ Нафанаилос и пхэндя́ лэ́скэ: “Амэ латхям Одолэ́с, пал Конэ́стэ Мо́йза чхиндя́ дро Зако́но и проро́ки – Исусо́с, Ёза́скирэ чхавэ́с Назаретостыр.”