Luka 24:44 - Библия - Пэ Балтитко Романи чиб (Романэс) 2019

⁴⁴ И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Biblija - Pe Baltitko Romani čib (Romanes) 2019

⁴⁴ I phendiá Jov lénge: “Ĥáda, isyn dolé lavá, savé Me phendjom tuménge, paka Me iščo (inké) sómas tuménca: so saró, so isyn čhindló dro Mojzáskiro Zakóno i dre prorokéngire začhinybena i dre psalmy pal Mánde, trej te spolninélpe (te kerélpe ke kónco/iagóro).”

Luka 24:44 Referans Kwoze

Заха́рия 12:10

Нэ пэ кхэр Давидо́скиро и пэ Ерусалимо́скирэ манушэ́ндэ Мэ чхува́ва бахталыпнаскиро и мангипаскиро ду́хо (фа́но), и ёнэ дыкхэ́на пэ Лэ́стэ, Конэ́с пхусадэ́, и ёнэ лэ́на тэ ровэ́н пал Лэ́стэ, сыр пал екхорэстэ чхавэ́стэ и лэ́на тэ тангинэн пал Лэ́стэ, сыр тангинэн пэрвонэ́ чхаворэс.

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Apostolengiri Butý 13:33

сыр дава́ исын чхиндло́ дро яви́р пса́лмо: “Ту сан Миро Чхаво́: Мэ ададывэ́с бияндём Тут.”

Luka 9:22

И Ёв адя́кэ-паць пхэндя́, со Манушэ́скирэ Чхавэ́скэ трэй тэ пиридживэл бут мэ́ньки, со Лэс на приґалёна годэпхурэ́ и раша́нгирэ барыдыра́ и лылвари́тка, со Ёв явэ́ла замардо, и со пал трин дывэса́ Ёв отджидёла.

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

Юдэ́нгэ 10:1

Юдэ́нгиро Зако́но исын сы́рбы зэр (тенё) пал дова́ чачипэ́н, саво́ явэ́ла анги́л, дава́ нанэ кокори патри́н (о́бразо). Палдова́ со Зако́но кокоро́ на кэрэ́ла манушэ́н бидошакирэнца, савэ́ явэ́на тэ мангэ́нпэ Дэвлэ́скэ, ке́ли ёнэ со бэрш янэ́на дасавэ́-паць свэ́нта дыибэна́ пэ алта́рё.

Joannostir 5:46

Ко́ли тумэ́ патянас Мойза́скэ, тумэ́ и Ма́нгэ патянас, пал-дова́ со ёв чхиндя́ пал Ма́ндэ.

Заха́рия 6:12

и пхэн лэ́скэ: – “Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мурш, – лав Лэ́скиро Отбарьякирибэн, Ёв барьёла Пэ́скирэ корнёстыр (рукхэстыр) и кэрэ́ла Кхангири́ Дэвлэ́скири.

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Isajos 28:16

Адя́кэ ракирэ́ла Рай Дэвэ́л: “Акэ, Мэ чхува́ва бар по Сио́но, бар вырикирдо, дро́го (куч), бар зорало́: кон патя́ла дрэ лэ́стэ, на явэ́ла тэ ладжал.

Psalmy 118:22

Бар, Саво́ на прилынэ́ бутярнэ́, яця́ шэралэ́ барэса ваш кэрибэн кхэри́тко:

Заха́рия 13:7

О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Езэкилё 34:23

И Мэ чхува́ва лэ́нгэ екхэ чхупнарис, саво́ явэ́ла тэ чаравэл лэн, Мирэ́ писхари́с Давидо́с, ёв явэ́ла тэ чаравэл лэн, ёв явэ́ла лэ́нгиро чхупна́ри.

Isajos 52:13

Акэ, писха́ри Миро бахтякирдо́ явэ́ла, ґаздэ́лапэ дрэ паты́в, явэ́ла шардо, и прилэ́ла барипэ́н.

Džiibén 22:18

и явэ́на бахтякирдэ пир тыро́ ро́до сарэ́ пхувья́кирэ манушы́тка ро́ды, пал-дова́, со ту кандыян Мири́ зан.”

Юдэ́нгэ 9:8

Свэ́нто Ду́хо (Фа́но) сыкавэ́ла далэ́са, со пака исын пэ́рво Свэ́нто Ша́тра, дром нанэ отчхакирдо дро Най Свэнтэдыр Штэ́то;

Joannostir 5:39

Тумэ́ сыклякирэ́на миштэ́с Свэ́нто Чхиныбэ́н, пал-дова́ со тумэ́ дэна годы пэскэ думинэ́на, со пир лэ́стэ тумэ́ндэ явэ́ла ве́чно джиибэ́н; а Свэ́нто Чхиныбэ́н допхэнэ́ла пал Ма́ндэ,

Заха́рия 14:4

И тэрдёна ґэра́ Лэ́скирэ дро дова́ дывэ́с пэ Оливи́тко (Елеоноскири) бэ́рга, со анги́л Ерусалимо кэ/жы́ко васто́ко; и роспхарьёла пэ паш бэ́рга Оливи́тко вастоко́стыр кэ/жы́ко западо (кэ пал-паня) древа́н барэ́ фэлдаса, и паш бэ́рга отджала кэ паш-рати́тко риг, а яви́р паш-кэ паш-дывэсы́тко (южно) риг пэ древа́н баро́ до́ло.

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

Езэкилё 17:22

Адя́кэ ракирэ́л Рай Дэвэ́л, Дэвэ́л: “Лава́ Мэ рандь (вэтка) вучэ́ кедроскирэ упралыпнастыр, Мэ чхува́ва ла дрэ пхув. Лэ́скирэ упратунэ вэткэндыр Мэ отчхинава тэрны́ вэтка, чхува́ва ла дрэ пхув пэ вучи́ и шука́р бэ́рга.

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

Čysly 35:25

И манушэ́нгирэ скэдыибнаскэ трэй тэ зракхэ́л замарибнарис манушытконэ́ вастэ́стыр, саво́ камэ́ла тэ отхал палэ пал рат, и скэдыибэ́н исын банго́ лэс тэ рискирэ́л дро лэ́скиро фо́ро, кай ёв сыс дро нашыбэн, карик ёв настя́, соб (кай) ёв одо́й тэ дживэ́л кэ барэ́-рашаскиро мэрибэ́н, саво́ сыс макхно свэнтонэ́ елеёса;

Čysly 21:8

И пхэндя́ Рай Дэвэ́л Мойза́скэ: “Кэр пэ́скэ сапэс и чхув лэс пэ вучо́ кило, и ману́ш, савэ́с дандырэлас сап, дыкхи́ пэ лэ́стэ, ячэ́лапэ джидо́.”

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

Joannostir 3:14

Сыр Мо́йза (Моисеё) ґаздыя́ сапэс пэ чхучи́ пхув, адя́кэ Чхавэ́скэ Манушэскирэскэ трэиндя́ тэ явэ́л ґаздыно́,

Luka 24:46

и пхэндя́ лэ́нгэ: “Адя́кэ исын чхиндло́ и адя́кэ трэй Христосо́скэ тэ вырикирэл мэ́ньки, и тэ отджидёл мэрибна́стыр пэ три́то дывэ́с;

Ереме́ё 33:14

‘Акэ, явэ́на дывэса́,” – ракирэ́ла Рай Дэвэ́л, – “со Мэ саро́ кэра́ва пир лачхо́ лав, саво́ Мэ пхэндём пал кхэр Израилёскиро, пал кхэр Юда́скиро:

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Džiibén 14:18

и Салимоскиро кра́ли, Мелхисэдэко, вылыджия́ маро́ и мол (вино). Ёв сыс раша́й Най Вучэдырэскиро Дэвлэ́скиро,

Юдэ́нгэ 7:1

Пал-дова́ со Мелхисэдэ́ко сыс Салимоскиро кра́ли, раша́й Най Вучэдырэскирэ Дэвлэ́скиро, одова́, кон стрэниндя (пирилыя) Авраамос и бахтякирдя́ лэс, ке́ли одова́ рисёлас палэ, сыр мулякирдя́ кралье́н;

Юдэ́нгэ 3:5

И Мо́йза сыс чачуно́ дына́ри пир саро́ Дэвлэ́скиро Кхэр ваш допхэныбэ́н пал дова́, со трэй тэ явэ́л анги́л;

Apostolengiri Butý 7:37

Ѓа́да, одова́-паць Мо́йза, саво́ пхэндя́ Израилёскирэ чхавэ́нгэ: “Дэвэ́л тумаро́ бичхавэ́ла тумэ́нгэ Пророко́с, тумарэ́ пшалэ́ндыр, сыр Ёв бичхадя́ ман; кандэ́н Лэс.”

Luka 22:37

палдава́ Мэ пхэна́ва тумэ́нгэ, со дова́, со исын чхиндло́, трэй тэ сполнинэ́лпэ Ма́нца: “Ёв сыс чхудо машки́р розмарибнарьендэ”: пал-дова́ со саро́, со исын пал Ма́ндэ, сыг кончынэлапэ.”

Luka 21:22

пал-дова́ со дава́ явэ́ла ка́ра пэ манушэ́ндэ дрэ долэ́ дывэса́, соб (кай) тэ сполнинэ́лпэ, со исын чхиндло́ дро Свэ́нто Чхиныбэ́н.

Luka 9:44

“Рипирэн лачхэ́с далэ́ лава́: ‘Чхаво́ Манушэ́скиро явэ́ла отдыно́ дрэ манушэ́нгирэ васта́.’”

Матфеё 26:56

Нэ дава́ саро́ кэрдя́пэ, соб (кай) тэ кэрэнпэ кэ ко́нцо/яго́ро (тэ сполнинэнпэ) пророкэ́нгирэ лава́ дро Свэ́нто Чхиныбэ́н.”

Матфеё 26:54

Сыр тэды сполнинэласпэ Свэ́нто Чхиныбэ́н, со дава́ трэй тэ явэ́л?”

Матфеё 16:21

Долэ́ часостыр лыя́ Ису́со тэ ракирэ́л яснэс Лэ́скирэ сыкляибнытконэ́нгэ, со Лэ́скэ трэй тэ джал дро Ерусалимо и бут мэ́ньки тэ пиридживэл годэпхурэндыр и рашангирэндыр и лылваритконэндыр, и явэ́ла Ёв замардо, и пэ три́то дывэ́с Ёв отджидёла.

Amoso 9:11

Дро дова́ дывэ́с Мэ нэвэ́стыр ґазда́ва ша́тра Давидоскири, со пыя́. И Мэ закэрава пхагирдэ́ штэ́ты, и Мэ чхува́ва нэвэ́стыр саро́ дрэ ла́тэ, сыр сыс дрэ ґаратунэ́ дывэса́;

1 Petr 1:11

Ёнэ сыклякирдэ́ миштэ́с тэ уджинэ́н, ке́ли и пэ саво́ часо (цы́ро) упхэндя Христосо́скиро Ду́хо (Фа́но), ке́ли Ёв ангилпхэнэлас пал Христосо́скирэ мэ́ньки и пал Лэ́скири сла́ва, сави́ явэ́ла коригэды́р (позжэ).

Apostolengiri Butý 3:18

нэ Дэвэ́л саро́ кэрдя́ кэ ко́нцо/яго́ро (сполниндя), со ракирдэ́ Лэ́скирэ проро́ки, со Лэ́скирэ Христосо́скэ явэ́на барэ́ мэ́ньки.

Marko 9:31

Пал-дова́ со Ёв сыклякирдя́ Пэ́скирэ сыкляибнытконэ́н, и пхэндя́ лэ́нгэ: “Чхавэ́с Манушэскирэс здэна дрэ манушэ́нгирэ васта́, и ёнэ мулякирэна Лэс; и мулякирдо Ёв отджидёла пир трин дывэса́.”

Матфеё 1:22

Нэ саро́ дава́ сыс, соб (кай) тэ кэрэ́лпэ дова́, со Дэвэ́л пхэндя́ пир пророкостэ:

Apostolengiri Butý 2:27

Пал-дова́ со Ту на ячкирэса миро ду́хо (фа́но) дрэ лю́но (адо), и Ту на дэ́са свэнтонэ́ Тырэ́скэ тэ дыкхэ́л мэрибэ́н;

Apostolengiri Butý 13:40

Дыкхэ́н, соб (кай) и тумэ́нгэ тэ на явэ́л адя́кэ, сыр ракирдэ́ проро́ки: