Luka 22:41 - Библия - Пэ Балтитко Романи чиб (Романэс) 2019

⁴¹ И Ёв отгия́ лэ́ндыр пэ ада́кицы, пэ кицы́ дочхурдэса бар, и тэрдия́ пэ чанга́, и мангдя́пэ Дэвлэ́скэ дасавэ́ лавэ́нца:

Biblija - Pe Baltitko Romani čib (Romanes) 2019

⁴¹ I Jov otgijá léndyr pe adákicy, pe kicý dočhurdesa bar, i terdijá pe čangá, i mangdiápe Devléske dasavé lavénca:

Luka 22:41 Referans Kwoze

Матфеё 26:39

И Ёв одгия на́бут анги́л, пыя́ мо́са пэ пхув, мангдя́пэ Дэвлэ́скэ и ракирдя́: “Да́до Ми́ро, ко́ли сашты́, мэк проджал дава́ тахта́й дрэ риг Ма́ндыр; нэ на адя́кэ, сыр Ма́нгэ трэй, а сыр Ту́кэ трэй.”

Marko 14:35

И Ёв отгия́ на́бут анги́л, и пыя́ мо́са пэ пхув, мангдя́пэ Дэвлэ́скэ, соб (кай), ко́ли сашты́ (можна), тэ проджал (накхэл) дрэ риг Лэ́стыр дава́ мардо́ (шту́нда);

Luka 18:11

Фарисее уштыя́ и мангдя́пэ Дэвлэ́скэ: ‘Дэ́вла, парикира́в Ту́кэ, со мэ на сом адасаво́, сыр яви́р мануша́: розмарибнарья; мануша́, савэ́ кэрэ́на биба́хт явирэ́нгэ; мануша́, савэ́ кэрэ́на биладжаипэ́н; ци сыр кадава́ мытоскиро скэдыибнари.

Luka 18:13

Нэ мытоскиро скэдыибнари сыс тэрдо́ дурэды́р и ёв на могиндя́ аж тэ ґаздэл якха́ пэ́скирэ кэ болыбэ́н, а мардя пэс дро колы́н и ракирдя́: ‘Дэ́вла! Потангинэ ман, грэхитконэ́ манушэ́с’.

Apostolengiri Butý 7:60

И ёв пыя́ пэ чанга́ и зоралэ́ заня́са пхэндя́: “Раё Дэ́вла! На гин дава́ грэ́хо пал лэ́ндэ.” И далэ́ лавэ́нца Стехвано мыя́.

Apostolengiri Butý 9:40

А Пэ́три традыя́ яври́ сарэ́н штубатыр, тэрдия́ пэ чанга́ и лыя́ тэ мангэ́лпэ Дэвлэ́скэ; тэды ёв порисия кэ мулы и пхэндя́: “Тавифие, ушты́!” И ёй отчхакирдя́ якха́, дыкхця́ Пэтрис и бэсця́.

Apostolengiri Butý 20:36

Ке́ли Па́вли пхэндя́ дава́, ёв тэрдия́ пэ чанга́ кхэтанэ́ сарэ́нца и мангдя́пэ Дэвлэ́скэ сарэ́нца.

Apostolengiri Butý 21:5

Нэ ке́ли амарэ́ дывэса́ кончындлэпэ, амэ традыям дурэды́р, и сарэ́ сыкляибны́тка пэ́скирэ ромне́нца и чхавэ́нца лыджинэ́ амэн пал фо́ро. А пэ брэ́го амэ тэрдиям пэ чанга́ и мангдямпэ Дэвлэ́скэ.

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;