Luka 21:25 - Библия - Пэ Балтитко Романи чиб (Романэс) 2019

²⁵ И коригэды́р (позжэ) далэ́стыр вари-савэ́ знаме́нии (ґертыка́) явэ́на тэ кэрэнпэ пэ кхам, пэ чхон и пэ чэргэня́, а манушэ́ндэ пэ пхув явэ́ла дукх пэ ило́, морёскирэ (дэрьявэ́скирэ) рёвостыр и валнэндыр, савэ́ явэ́на даранэс тэ ґаздэ́нпэ;

Biblija - Pe Baltitko Romani čib (Romanes) 2019

²⁵ I korigedýr (pozže) daléstyr vari-savé znamiénii (ĥiertyká) javéna te kerenpe pe kham, pe čhon i pe čergeniá, a manušénde pe phuv javéla dukh pe iló, morjoskire (derjavéskire) rjovostyr i valnendyr, savé javéna daranes te ĥazdénpe;

Luka 21:25 Referans Kwoze

Isajos 13:10

Болыбна́скирэ чэргэня́ буты́р на хачона, кхам мурдия, ко́ли газдэлапэ, чхон на сыкавэ́ла пэ́скиро дуд (свэ́то).

Дание́лё 12:1

И уштэ́ла дро долэ́ дывэса́ о Миха, тхага́ри баро́, кон явэ́ла тэрдо́ пал чхавэ́ндэ тырэ́ народо́стыр; и явэ́ла часо пхаро́, саво́ на сыс долэ́ дывэсэ́ндыр, сыр явнэ́ мануша́ пэ свэ́то кэ/жы́ко акана́; нэ зракхэнапэ дро дова́ часо сарэ́ мануша́ тырэ́ народо́стыр, конэ́с латхэ́на дрэ лылвари́.

Isajos 24:23

И чхон лолёла, и кхам ладжала, ко́ли явэ́ла Рай Дэвэ́л, болыбна́скирэ-янголэ́нгиро крали́са пэ бэ́рга Сио́но и дро Ерусалимо, и анги́л лэ́скирэ пхурыдырэндэ явэ́ла барипэ́н (сла́ва).

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Apostolengiri Butý 2:19

И Мэ сыкава́ва ди́вы упра́л пэ болыбэ́н и знаме́нии (ґертыка́) тэла́л пэ пхув, рат, яг и о́блоко тхувэса.

Isajos 51:15

Мэ сом Рай Дэвэ́л, Дэвэ́л тыро́, Саво́ ґаздэ́ла мо́рё (дэрья́в) адя́кэ, со ёв годлэла (ревинэла); Рай Дэвэ́л, болыбна́скирэ-янголэ́нгиро исын Лэ́скиро лав.

Marko 13:26

Тэды мануша́ дыкхэ́на Манушэ́скирэ Чхавэ́с, Саво́ явэ́ла тэ джал дрэ о́блоки барэ́ зорья́са и дрэ сла́ва.

Marko 13:24

А дро долэ́ дывэса́, сыр проджа́ла (накхэла) дая́ пхари́ би́да, кхам мурдёла, и чхон на явэ́ла тэ свэнцынэл пэ́скирэ свэтоса (лосаса),

Матфеё 24:29

И екха́тыр (сра́зу) пало́ дая́ пхари́ би́да дрэ долэ́ дывэса́ кхам мурдёла, чхон на явэ́ла тэ свэнцынэл, и чэргэня́ пэрэ́на болыбна́стыр, и болыбна́скирэ зорья явэ́на триинскирдэ

Psalmy 46:3

Палдава́ амэ на страхадёваса, мэк пхув кхарэ́лапэ и мэк бэ́рги тэ пэрэ́н тэлэ́ дрэ мо́ри (дэрьява́).

Marko 15:33

И дро шо́вто мардо́ (шту́нда) яця́ калыпэ́н пир сари́ пхув и рикирдяпэ кэ еня́то (биекхэ́скиро дэ́што) мардо́ (шту́нда).

Ереме́ё 4:23

Мэ, Ереме́ё, дыкха́ва пэ пхув сы́рбы дро суно́, и, акэ, – ёй исын нашады и чхучи́; и, акэ, пэ болыбэ́н – нанэ дуд (свэ́то) пэ лэ́стэ.

Isajos 5:30

Загодлэла пэ лэ́стэ дро дова́ дывэ́с сы́рбы мо́рё (дэрья́в), саво́ холя́сыя; подыкхэла ёв пэ пхув, акэ: – калыпэ́н, би́да, мурдия дуд (свэ́то) пэ болыбэ́н.

Матфеё 27:45

Шовтонэ (дэшудуйтонэ) мардэстыр (штундатыр) яця́ калыпэ́н пир сари́ пхув и рикирдяпэ кэ/жы́ко еня́то (биекхэ́скиро дэ́што) мардо́;

Mihiejo 7:4

Най фэдэды́р ману́ш лэ́ндыр исын сы́рбы канрало хру́сто, а най чачунэдыр ману́ш исын вострэдыр (чолалэдыр) тыностыр пхусадытконэ хрустэндыр; явдя́ дывэ́с Тырэ́-ракхибнарьенгиро, со Ту явэ́са тэ сэндинэс, акана́ явэ́ла лэ́нгиро конфузо (бу́нто).

Isajos 17:12

Бида и шумо бутэ́-манушэ́нгиро, ёнэ шуминэна сыр мо́рё (дэрья́в) брилинэла (ревинэла), пэ сы́гно шумо манушытконэ́-нацые́нгиро, савэ́ нашэ́на шумоса сыр шумо бутэ́-паненгиро!

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Luka 21:26

и манушэ́нгирэ илэ явэ́на тэ роскошэнпэ дара́тыр и ужакирибнастыр, со явэ́ла дурэды́р пир саро́ свэ́то, пал-дова́ со болыбна́скирэ зорья явэ́на тринскирдэ.