Luka 20:7 - Библия - Пэ Балтитко Романи чиб (Романэс) 2019

⁷ И ёнэ отпхэндлэ́: “Амэ на джина́са, каты́р ёв сыс.”

Biblija - Pe Baltitko Romani čib (Romanes) 2019

⁷ I jone otphendlé: “Ame na džinása, katýr jov sys.”

Luka 20:7 Referans Kwoze

2 Petr 3:3

Нэ англэды́р сарэ́стыр джинэ́н, со дрэ палатунэ́ (последня) дывэса́ явэ́на нахрата мануша́, савэ́ явэ́на тэ санпэ холямэс тумэ́ндыр, а кокорэ́ ёнэ явэ́на тэ кэрэ́н дурэды́р, со лэ́нгэ пир годы́ пир налачхэ́-пэ́скирэ масэ́нгиро тырдыпэ́н,

Joannostir 9:39

И пхэндя́ Ису́со: “Мэ явдём пэ сэ́ндо дрэ дава́ свэ́то, соб (кай) одолэ́, савэ́ на дыкхэ́на, тэ дыкхэ́н, нэ савэ́ дыкхэ́на, соб (кай) тэ ячэн корорэ́.”

Заха́рия 11:17

Мэк тэ явэ́л би́да пэ джунгалэ́ пастырёстэ, саво́ ячкирэ́ла пэ́скирэ бакрэ́н! Мэк тэ чхинэл чхури васт лэ́скиро и чачи́ якх лэ́скири! Мэк тэ шутёл сарэ́са лэ́скиро васт, и мэк лэ́скири чачи́ якх сарэ́са тэ корьёл.”

Заха́рия 11:15

И Рай Дэвэ́л пхэндя́ ма́нгэ: “Лэ ишчо (инкэ́) пэ́скэ струменто екхэскирэ дылынэ́ чхупнарьендыр.

Isajos 44:18

Ёнэ ничи́ на джинэ́на и на ґалёна: Рай Дэвэ́л закэрдя лэ́нгирэ якха́, соб (кай) тэ на дыкхэ́н и лэ́нгирэ илэ, тэ на ґалён.

Isajos 41:28

Пал-дова́ со Мэ дыкхцём, и на сыс ние́кх ману́ш, и Мэ лыём тэ дыкха́в машки́р лэ́ндэ, нэ на сыс юнкаро (советнико), саво́, ке́ли Мэ пхучавас лэ́ндыр, то тэ дэл ра́да тэ отпхэнэл пэ лав.

Isajos 29:14

то, акэ, Мэ адя́кэ кэра́ва далэ́ народоса дивнэс, сыр николи на сыс; хасёла годы́ лэ́скирэ годьварэ́ манушэ́ндэ, залэлапэ (на явэ́ла) годы́ годэ́ манушэ́ндэ.”

Isajos 26:11

Раё Дэ́вла! Тыро́ васт сыс вучэ́с ґаздыно́, нэ ёнэ лэс на дыкхнэ́; дыкхэ́на и ладжана, кон бидыкхэла (нашты́ тэ дыкхэ́л) пэ Тыро́ народо; яг ха́ла Тырэ́ вэргэ́н.

Luka 20:6

нэ ко́ли пхэна́са: ‘Манушэ́ндыр,’ тэды сарэ́ мануша́ явэ́на тэ марэ́н барэ́нца, пал-дова́ со ёнэ джинэ́на миштэ́с, со Иа́но сыс проро́ко!”

Luka 20:8

И Ису́со пхэндя́ лэ́нгэ: “И Мэ на пхэна́ва тумэ́нгэ, савэ́ правоса Мэ кэра́ва дава́.”