Luka 20:13 - Библия - Пэ Балтитко Романи чиб (Романэс) 2019

¹³ И тэды винаградникоскиро хула́й пхэндя́: ‘Со тэ кэра́в ма́нгэ? Мэ бичхава́ва Мирэ́ дрогонэ́ чхавэ́с. Со ке́ли ёнэ дыкхэ́на лэс, хай, ёнэ явэ́на тэ ладжан, соб (кай) тэ чилавэн лэс.’

Biblija - Pe Baltitko Romani čib (Romanes) 2019

¹³ I tedy vinagradnikoskiro xuláj phendiá: ‘So te keráv mánge? Me bičhaváva Miré drogoné čhavés. So kiéli jone dykhéna les, xaj, jone javéna te ladžan, sob (kaj) te čilaven les.’

Luka 20:13 Referans Kwoze

Матфеё 3:17

И акэ, зан болыбна́стыр, сави́ ракирдя́: “Кадава́ исын Миро дро́го Чхаво́, дрэ Савэ́стэ исын Мири́ бари ра́дыма.”

Ереме́ё 36:7

Дава́ сашты́ тэ явэ́л, со ёнэ выпхэнэна пэ́скирэ патерья (молитвы) анги́л Растэ-Дэвлэ́стэ, и со ёнэ рисёна пэ́скирэ кажнонэ́ бибахталэ́ дромэ́стыр. Пал-дова́ со бари холын исын и мижэхипэн (мижэх лава́), савэ́ Рай Дэвэ́л пхэндя́ пэ далэ́ манушэ́ндэ.”

Ереме́ё 36:3

Дава́, хай, (могинэ́ла) тэ явэ́л, со кхэр Юда́скиро явэ́ла тэ шунэ́л пал сари́ би́да, со Мэ камамас тэ янав пэ лэ́ндэ, соб (кай) кажно (сва́ко) лэ́ндыр могинэлас тэ рисёл криг лэ́скирэ бибахталэ́ дромэ́стыр, соб (кай) Мэ сашты́ тэ отмэкав (тэ простинав) лэ́нгэ лэ́нгиро чорипэ́н и лэ́нгиро грэ́хо.”

Galatenge 4:4

а ке́ли явдя́ часо, саво́ Дэвэ́л выкэдыя́, Ёв бичхадя́ Пэ́скирэ Екхэ Чхавэ́с, Савэс джувлы́ бияндя́ и Саво́ дживдя́ тэл Юды́тко Зако́но,

Римлянэнгэ 8:3

Пал-дова́ со, сыр Зако́но на могиндя́ тэ пиризорьякирэл манушэскири лоч, и хасякирдя́ пэ́скири зор, тэды Дэвэ́л бичхадя́ Пэ́скирэс Чхавэ́с, Саво́ сыс дрэ лоч (плоть), сыр грэхи́тко ману́ш, соб (кай) Ёв тэ явэ́л сыр свэ́нто дыибэ́н (жэ́ртва) пал грэ́хо и тэ сэндякирэ́л грэ́хо дрэ манушэ́стэ,

Joannostir 1:34

Мэ дыкхцём дава́ и допхэнава, со Ёв исын Дэвлэ́скиро Чхаво́”

Luka 9:35

И сыс шундлы зан облокостыр, сави́ ракирдя́: “Кадава́ исын Миро дро́го Чхаво́, Лэс шунэ́н.”

Матфеё 17:5

Ке́ли ёв ишчо (инкэ́) ракирдя́, акэ, святло о́блоко чхакирдя лэн, и, акэ, зан облокостыр, сави́ ракирдя́: “Кадава́ исын Миро Дро́го Чхаво́, дрэ Савэ́стэ исын Мири́ ра́дыма, Лэс шунэ́н.”

Osija 11:8

Со Ма́нгэ тэ кэра́в ту́са, Ефреме? Сыр Мэ выдава тут, Израиле? Сыр Мэ тэ кэра́в ту́са сыр Адмаса [Адамаса-р.с.]? Сыр Мэ сашты́ тэ кэра́в ту́кэ одова́, со кэрдём Сэвоимоскэ [Цэвоимоскэ-ю.о.]? Миро ило́ рисия́ дрэ Ма́ндэ, Мири́ ла́ска (жалость) росхачия.

Osija 6:4

‘О, Ефремэ, со Ма́нгэ тэ кэра́в ту́са? О, Юда, со Ма́нгэ тэ кэра́в ту́са? Пал-дова́ со тумари́ паты́в кэ Мэ исын сы́рбы туча пэ зло́ко (ра́нко), и сы́рбы пахлын (роса) пэ зло́ко, сави́ сыг хасёла (проджа́ла).

Isajos 5:4

Со ишчо (инкэ́) трэиндя́ тэ кэра́в ваш лэ́скэ, со Мэ лэ́скэ на кэрдём? Со́скэ ёв яндя́ налачхэ́ му́ри, ко́ли ужакиравас лэ́стыр лачхо́ барьякирдо́?

Езэкилё 12:3

А ту, манушэ́скиро чхава, кэр пэ́скэ дова́, со трэй ваш пиритрадыпэн, и пиритрадэ дывэсэ́ анги́л лэ́нгирэ якха́. Пиритрадэ екхэ штэто́стыр пэ яви́р штэ́то анги́л лэ́нгирэ якха́, соб (кай) ёнэ тэ ґалён. Нэ ёнэ исын кхэр, кай на кандэ́на никонэ́с.

Luka 18:2

“Дро екх фо́ро сыс екх сэнда́ри, саво́ на дарандыя Дэвлэ́стыр и на кутякирдя манушэ́н;

Luka 18:4

Нэ сэнда́ри ґара́ (длу́гэс) на кэрдя́ нисо́, нэ коригэды́р (позжэды́р) пхэндя́ пэ́скэ: ‘Мэк мэ и на дарава Дэвлэ́стыр и на кутякирава манушэ́н,

Luka 20:12

И нэвэ́стыр ёв бичхадя́ тритонэ писхари́с; нэ ёнэ домардэ́ лэс кэ рат, и традынэ яври́ лэс.

Luka 20:14

Нэ ке́ли винаградарья дыкхнэ́ лэс, пхэндлэ́ екх екхэ́скэ: ‘Ѓа́да, явэ́ла хула́й миштыпнаскиро – явэ́н, замараса лэс и лэ́скиро миштыпэ́н явэ́ла амэ́нгэ’.