Luka 2:34 - Библия - Пэ Балтитко Романи чиб (Романэс) 2019

³⁴ Симеоно бахтякирдя́ лэн и пхэндя́ Мариякэ, Дакэ Лэскирьякэ: “Пал Лэ́стэ бут мануша́ Израилёстыр пэрэ́на и ґаздэ́напэ сыр бахталэ́, Ёв явэ́ла сы́рбы ґерты́к (знако) Дэвлэ́стыр, пал Конэ́стэ мануша́ явэ́на тэ ракирэ́н холя́са;

Biblija - Pe Baltitko Romani čib (Romanes) 2019

³⁴ Simieono bahtiakirdiá len i phendiá Marijake, Dake Leskirjake: “Pal Léste but manušá Izrailjostyr peréna i ĥazdénape syr bahtalé, Jov javéla sýrby ĥiertýk (znako) Devléstyr, pal Konéste manušá javéna te rakirén xoliása;

Luka 2:34 Referans Kwoze

1 Коринфянэнгэ 1:23

нэ амэ роспхэна́са пал Христосо́стэ, Савэс примардэ пэ трушу́л; дава́ пхэныбэ́н исын сы́рбы бар пэ дром, саво́ пропатякирэла Юдэ́н и исын сы́рбы дылныпэ́н ваш Наюдэ́нгэ,

Матфеё 21:44

И кон пэрэ́ла пэ дава́ бар, розмарэлапэ пэ кокалы́, нэ пэ конэ́стэ ёв пэрэ́ла, ростасавэла кодолэ́с пэ кокалы́.’”

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

1 Petr 4:14

Ко́ли обракирэна тумэн пал Христосо́скиро лав, тэды тумэ́ сан бахталэ́, пал-дова́ со Дэвлэ́скирэ-славакиро Ду́хо (Фа́но) згия пэ тумэ́ндэ: (одолэ́ мануша́ калякирэна Лэс, а тумэ́ славинэна).

Юдэ́нгэ 7:7

Дава́ исын чачипэ́н, со кодова́ ману́ш бахтякирэ́ла, кон исын барэды́р одолэ́стыр, савэ́с ёв бахтякирэ́ла.

Римлянэнгэ 9:32

Со́скэ? Палдова́ со ёнэ на дыкхнэ́ пэ патяибэ́н, а пэ Законо́скирэ рэ́нды. Ёнэ обштадэпэ пал бар, саво́ лэн на домэкэла,

Apostolengiri Butý 6:7

И Дэвлэ́скиро лав розджаласпэ буты́р, и сыкляибны́тка дро Ерусалимо ячнэ́ древа́н бут, адя́кэ-паць и бут рашая́ упатя́ндынэ.

Apostolengiri Butý 24:5

Амэ джина́са, со адава́ ману́ш исын сы́рбы фра́нсо и ёв ґаздэ́ла бу́нто машки́р сарэ́ Юдэ́ндэ и пир саро́ свэ́то, ёв исын шэрало́ пир Назареёскири секта;

Apostolengiri Butý 17:6

а ке́ли одо́й ёнэ на латхнэ́ Павли́с Силаса, тэды лыджинэ́ зорья́са Ясонос и явирэ пшалэ́н кэ форитка барыдыра́, дыи го́дла: “Кадалэ́ мануша́ кэрэ́на бизладо пир саро́ свэ́то, а какана́ явнэ́ и адари́к;

Apostolengiri Butý 13:45

Ке́ли Юды дыкхнэ́, со скэдынэ́пэ ада́кицы бут мануша́, ёнэ лынэ́ тэ зэвлынэн и ракирдэ́ древа́н налачхэ́ лава́ пэ саро́ дова́, со ракирдя́ Па́вли.

Apostolengiri Butý 4:26

Пхувитка кра́лья ґаздынэ́пэ и тхага́рья (кня́зи) скэдынэ́пэ кхэтанэ́ пэ Дэвлэ́стэ и пэ Лэ́скирэ Христосо́стэ.’

Joannostir 5:18

Тэды Юды ишчо (инкэ́) бутэды́р лынэ́ тэ родэ́н Лэс, соб (кай) тэ замарэ́н Лэс, пал-дова́, со Ёв фэ́ни на свэнкиндя са́вато, нэ и кхардя́ Дэвлэ́с Пэ́скирэ Дадэ́са, сы́рбы Ёв гиндя Пэс адя́кэ-паць Дэвлэ́са.

Joannostir 3:20

Кажно, кон кэрэ́ла фуипэ́н, лэ́скэ исын на пир ило́ дуд (свэ́то), и ёв на джа́ла кэ дуд, пал-дова́, соб (кай) тэ ячэн джиндлэ́ налачхэ́ рэ́нды лэ́скирэ.

Матфеё 27:63

пхэни́: “Раё, амэ рипираса, со хохаибнари, сыр сыс ишчо (инкэ́) джидо́, пхэндя́: ‘Пир трин дывэса́ Мэ отджидёвава.’

Матфеё 12:46

Ке́ли Ёв ракирдя́ манушэ́нгэ, акэ, дай Лэ́скири и пша́ла Лэ́скирэ сыс тэрдэ́ дрэ риг манушэ́ндыр, и лэ́нгэ трэиндя́ тэ ракирэ́н Лэ́са.

Матфеё 11:19

Явдя́ и Чхаво́ Манушэ́скиро, ха́ла, и пьела, и ёнэ ракирэ́на: ‘Дава́ исын ману́ш, савэ́скэ исын пир ило́ тэ хал, тэ пьел, исын дру́го (мал) мытоскирэ скэдыибнарьенгэ и грэхэнгирэнгэ.’ Нэ Дэвлэ́скиро годьварипэн сыкавэ́ла пэ́скиро чачипэ́н манушэ́нгирэ рэндэ́нца (делэнца), савэ́ прилэ́на дава́ чачипэ́н.”

Isajos 8:18

Акэ, мэ пэ́скирэ чхаворэнца, савэ́н дыя́ ма́нгэ Рай Дэвэ́л, сыр припхэныбэ́н и ангилпхэныбэ́н дро Израилё Ра́стыр-Дэвлэ́стыр, болыбна́скирэ-янголэскирэстыр, Саво́ дживэ́ла пэ бэ́рга Сио́но.

Vygiiben 39:43

И дыкхця́ Мо́йза сари́ буты́, и ґа́да, ёнэ кэрдэ́ ла, сыр припхэндя́ Рай Дэвэ́л, адя́кэ и кэрдэ́. И бахтякирдя́ лэн Мо́йза.

Džiibén 47:7

И яндя́ Ёза Яково́с, пэ́скирэс дадэ́с, и сыкадя́ лэс фараоно́скэ; и бахтякирдя́ Яково фараонос.

Džiibén 14:19

и бахтякирдя́ ёв и пхэндя́: “Тэ явэ́л бахтало́ Авра́мо Дэвлэ́стыр, Най Вучэдырэстыр, Барэ́ Ра́стыр пэ болыбэ́н и пэ пхув.

Юдэ́нгэ 7:1

Пал-дова́ со Мелхисэдэ́ко сыс Салимоскиро кра́ли, раша́й Най Вучэдырэскирэ Дэвлэ́скиро, одова́, кон стрэниндя (пирилыя) Авраамос и бахтякирдя́ лэс, ке́ли одова́ рисёлас палэ, сыр мулякирдя́ кралье́н;

Apostolengiri Butý 28:22

Нэ амэ камаса кокорэ́ ту́тыр тэ шунас, сыр ту думинэса, пал-дова́ со амэ шундя́м пал дова́ сыкляибэн, пал саво́ машки́р бутэндэ манушэндэр джа́на чингарда́.”

1 Kralip 2:20

И бахтякирдя́ Илиё Елкана и лэскирья ромня́, и пхэндя́: “Мэк тэ дэл ту́кэ Рай Дэвэ́л чхавэ́н адалэ́ ромнятыр заме́ст адалэстэ, савэ́с ту отдыян Ра́скэ-Дэвлэ́скэ!” И гинэ́ ёнэ пэ пэ́скиро штэ́то.

Luka 2:35

и курта́ла (мечо) промарэла тыро́ ило́, соб (кай) тэ откэрэнпэ ґарадэ́ ду́мы.”