Luka 2:15 - Библия - Пэ Балтитко Романи чиб (Романэс) 2019

¹⁵ И сыс адя́кэ: ке́ли Янго́лы гинэ́ криг лэ́ндыр пэ болыбэ́н, то чхупна́рья пхэндлэ́ екх екхэ́скэ: “Явэ́н дро Вифлее́мо тэ дыкхас, со одо́й кэрдя́пэ, пал со сыс дава́ нэвипэн Ра́стыр-Дэвлэ́стыр амарэстыр.”

Biblija - Pe Baltitko Romani čib (Romanes) 2019

¹⁵ I sys adiáke: kiéli Jangóly giné krig léndyr pe bolybén, to čhupnárja phendlé jekh jekhéske: “Javén dro Vifliejémo te dykhas, so odój kerdiápe, pal so sys davá nevipen Rástyr-Devléstyr amarestyr.”

Luka 2:15 Referans Kwoze

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

Psalmy 111:2

Савэ барэ́ бутя́ кэрдя́ Рай Дэвэ́л. Сарэ́, конэ́скэ ячнэ́ дро́га ёнэ, камэ́на дава́ тэ ґалён.

Luka 24:51

И сыс адя́кэ: ке́ли Ёв ишчо (инкэ́) бахтякирэлас лэн, Ёв лыя́ тэ дурьёл лэ́ндыр и лыя́ тэ ґаздэлпэ кэ болыбэ́н.

4 Kralip 2:11

Ке́ли ёнэ гинэ́ и дромэ́са ракирдэ́, вари-каты́р лыяпэ марибны́тко вурдэ́н, саво́ хачолас яга́са и грая, савэ́ хачонас яга́са, и разлучындлэ лэн дуе́н, и ґаздыя́пэ Или́я дрэ вихро (рискирибнаскири балва́л) пэ болыбэ́н.

4 Kralip 2:1

И сыс адя́кэ: ке́ли Рай Дэвэ́л скэдэласпэ тэ ґаздэл Илияс пэ болыбэ́н рискирибна́скирэ балваляса, то ёв дро дова́ моме́нто джа́лас Елисеёса Галгалостыр.

Vygiiben 3:3

Мо́йза пхэндя́: “Джа́ва мэ и дыкха́ва пэ дава́ баро́ ди́во, со́скэ хру́сто на выхачола.”

Матфеё 12:42

Кра́лица Паш-Дывэсытконэ (Югоскирэ) Ригакири ґаздэ́лапэ пэ сэ́ндо манушэ́нца далэ́ родо́стыр и допхэнэ́ла пэ лэ́ндэ: пал-дова́ со ёй явэ́лас пхувья́кирэ ягоро́стыр (краёстыр) тэ шунэ́л Соломоно́скиро годьварипэн, и, ада́й исын Екх, Саво́ исын барэды́р Соломоностыр.

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Luka 2:16

И ёнэ сы́гэс явнэ́, и латхнэ́ Мари́я и Ёзас (Иосифос) и Тыкнэ́ Биятос, Саво́ сыс пашто́ дрэ ясла (кхурлы).