Luka 19:5 - Библия - Пэ Балтитко Романи чиб (Романэс) 2019

⁵ Ке́ли Ису́со подги́я кэ дова́ штэ́то, Ёв дыкхця́ упрэ́, дыкхця́ Закхеёс и пхэндя́ Лэ́скэ: “Закхее! Рэс тэлэ́ сыгэды́р, пал-дова́ со ададывэ́с Ма́нгэ трэй тэ ячавпэ дро тыро́ кхэр.”

Biblija - Pe Baltitko Romani čib (Romanes) 2019

⁵ Kiéli Isúso podgíia ke dová štéto, Jov dykhciá upré, dykhciá Zakhiejos i phendiá Léske: “Zakhieje! Res telé sygedýr, pal-dová so adadyvés Mánge trej te jačavpe dro tyró kher.”

Luka 19:5 Referans Kwoze

Sykadyipén 3:20

Дыкх! Мэ сом тэрдо́ пашы́л вуда́р и марава дрэ лэ́стэ; ко́ли вари-кон шунэ́ла Мири́ зан и псиравэла (отпхандэла) вуда́р, тэды Мэ заджава андрэ́ кэ ёв и ява́ва тэ хав бэльвэлякиро хабэ́н лэ́са и ёв Ма́нца.

Joannostir 14:23

Ису́со отпхэндя́ лэ́скэ: “Ко́ли вари-конэ́скэ сом дро́го Мэ, одова́ ману́ш зракхэ́ла Миро лав; и тэды Мирэ́ Дадэ́скэ явэ́ла дро́го ёв, и амэ ява́са кэ ёв и амэ ява́са тэ джива́с кэ ёв.

Юдэ́нгэ 13:2

Прилэ́н илэ́са манушэ́н, савэ́ явэ́на кэ тумэ́, пир дава́ тумэ́ кхардэ́ дро кхэр Янголэн, мэк ёнэ на джиндлэ́ лэн.

Joannostir 1:48

Нафанаило ракирэ́ла Лэ́скэ: “Ту каты́р джинэ́са ман?” “Анги́л дава́, сыр Филипо кхардя́ тут, Мэ дыкхцём тут тэл инжыритко кашт (дрэ́во)”, – отпхэндя́ лэ́скэ Ису́со.

Эфесянэнгэ 3:17

соб (кай) тэ дживэ́л Христо́со пир патяибэ́н дрэ тумарэ́ илэ, и соб (кай) тумэ́ тэ явэ́н зоралэ́ дрэ паты́в екх кэ екх,

Luka 19:10

Чхаво́ Манушэ́скиро явдя́ тэ родэ́л и тэ зракхэ́л одолэ́н, савэ́ хасинэ́ и отрисинэ Дэвлэ́стыр.”

Езэкилё 16:6

А ке́ли Мэ джавас пашы́л одо́й, кай са́нас ту, дыкхцём тут, со ту сан вычхурдыны, со ту са́нас дро тыро́ рат, и пхэндём ту́кэ: “Джив дро тыро́ рат!” Адя́кэ мэ пхэндём: “Джив дро тыро́ рат.”

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

Luka 19:2

И, ґа́да, екх ману́ш, пир лав Закхеё, кон сыс барыдыро́ пэ мытытко (таксытко) кхэр и сыс древа́н барвало́,

Luka 19:4

Ёв запрастандыя анги́л, зарэсця пэ кашт-сикаморо тэ дыкхэ́л Исусо́с, пал-дова́ со Исусо́скэ трэиндя́ тэ джал далэ́ дромэ́са.

Luka 19:6

И Закхеё сы́гэс рэсця тэлэ́ и прилыя́ Лэс кэ пэ радыма́са.